Микрофон  - Sputnik Аҧсны, 1920
Арадио

Дауҭиаԥҳа аԥсшәа аиқәырхара иазкны: ҳбызшәахьы абзиабара зегьы иаҳҟазшьахароуп

Дауҭиаԥҳа аԥсшәа аиқәырхара иазкны: ҳбызшәахьы абзиабара зегьы иаҳҟазшьахароуп
Анапаҵаҩра
НовостиTelegram
Абызшәа амчыбжь азы иарбан уснагӡатәқәоу ашколқәа рҟны иазгәаҭоу, аԥсшәа аиқәырхаразы иҟаҵатәу ҳәа илԥхьаӡо арадио Sputnik аефир аҟны илҳәеит Гагра араион аҵараҟәша аспециалист хада Мзиа Дауҭиаԥҳа.
Есышықәса жьҭаара 27 рзы Аԥсны иазгәарҭоит аҳәынҭқарратә бызшәа аныҳәамш . Амилаҭ рыԥсы ҭоуп рбызшәа ыҟанаҵ. Хыԥхьаӡарала имаҷу ажәларқәа рбызшәа еснагь ашәарҭара иҭагылоуп, иҷыдоу ахылаԥшра, ахӡыӡаара аҭахуп. Абызшәа аиқәырхаразы уи ала уцәажәалароуп, иуаҳалароуп, угәы азыбылуазароуп. Гагара араион аҟны 18 школ ыҟоуп, урҭ рахьынтә 14 школ иаԥсыуам роуп. Урҭ рҟны аҵаратә процесс хадаратәла урысшәалеи ерманбызшәалеи имҩаԥысуеит.

…Зегь раԥхьа иргыланы иазхәыцтәуп ацаратә процесс ишазнеитәу иаԥсыуоу иаԥсыуам ашколқәа рҟны. Арҵаҩы лусура убас дазнеироуп аҵаҩы абызшәа аҵаразы агәазыҳәара иоуртә, агәыбылра икыртә еиԥш. Аҭаацәа ракәзар рхәыҷқәа рзы ргәы ҭынчны иҟалароуп, Аҵаҩы, арҵаҩы, аҭаацәа зегьы русеицура акырӡа аҵанакуеит абызшәа азҵаара аӡбаразы. Ажәакала, ҳхатәы бызшәахь абзиабара зегьы иаҳҟазшьазароуп", - лҳәеит Дауҭиаԥҳа.

Мзиа Дауҭиаԥҳа
Гагра араион аҵараҟәша аспециалист хада
Ажәабжьқәа зегьы
0