Признание Сирией Абхазии - Sputnik Аҧсны, 1920, 28.10.2021
Аԥсны
Ажәабжьқәа Sputnik Аԥсны аҟны

Ақыҭақәа Ааци Аҷандареи рыбжьара амҩа акаҭран ықәырҵеит

© Sputnik / Виталий Тимкив / Амедиаҵәахырҭахь аиасраРемонт дороги. Архивное фото
Ремонт дороги. Архивное фото - Sputnik Аҧсны, 1920, 27.10.2021
Анапаҵаҩра
Аԥсны асоциал-економикатә ҿиаразы Аинвестициатә программа аҳәаақәа ирҭагӡаны Гәдоуҭа араион ақыҭақәа ҩба еимаздо амҩа 17 миллион мааҭ ақәырӡуп.
АҞӘА, жьҭаара 26 – Sputnik, Бадри Есиава. Ақыҭақәа Ааци Аҷандареи рыжьара амҩа аиҭашьақәыргыларатә усурақәа хдыркәшеит, ҳәа иҳәеит Аԥсны акапиталтә ргылара атехникатә хылаԥшра амаҵзура анџьныр Дикран Хынҭәба.
"Аусурақәа ирылгеит. Асметала иарбан 20 000 метр ԥшьыркца, аха акаҭран шьҭаҵан 16,5 нызқь метр ԥшьыркца рыҟны. Уи зыхҟьаз амҩа ҭшәоуп, иҳарҭбаарц ҳалагар ари асмета ҳазкуамызт. Иаанхаз 3,5 нызқь метр ԥшьыркца ахархәара аҳҭоит аҷандаратәи ашкол аԥхьа амҩаҿы", - ҳәа иҳәеит иара.
Монета номиналом один рубль. - Sputnik Аҧсны, 1920, 03.09.2021
Гәдоуҭа аԥсабаратә рыцҳара иахҟьаны ааха зауз ацҳақәа еиҭашьақәдыргылоит
Хынҭәба иажәақәа рыла амҩа аура 4,6 километра иҟоуп, аҭбаара – х-метрак, аҿыгҳара 4 сантиметрак. Аусурақәа ирықәхарџьын 17 миллион мааҭ иазыԥхьагәаҭаз 20 миллион мааҭ рҟынтәи.
Аҷандара ақыҭа ахада Асҭамур Царгәыш иазгәеиҭеит ақыҭақәа рыбжьара акаҭранмҩа аимадара аамҭа сааҭыбжак аҟынӡа иагнархоит ҳәа.
Амҩа уаанӡагьы иҟан аха акыр ибааԥысн. Иара астратегиатә ҵакы амоуп, х-қыҭак Дәрыԥшь, Аҷандара, Аацы еиманадоит. Уаанӡа ҳахыкәшан ҳцозҭгьы, уажәы ҳамҩа кьаҿхеит. Ақалақь ахьгьы акыр ирласны ҳнеиуеит, иҳәеит Царгәыш.
Аиҭашьақәыргыларатә усурақәа ирылаган 2020 шықәсазы. Аусурақәа мҩаԥнагон "Амҩа-ргыларатә комбинат".
Ажәабжьқәа зегьы
0