Признание Сирией Абхазии - Sputnik Аҧсны, 1920, 28.10.2021
Аԥсны
Ажәабжьқәа Sputnik Аԥсны аҟны

Аԥсны Аминистрцәа реилазаара аԥсыӡкразы аԥҟарақәа шьақәдырӷәӷәеит

© Sputnik / Artur Lebedev / Амедиаҵәахырҭахь аиасраРыбаки разгружают выловленную в Черном море барабулю
Рыбаки разгружают выловленную в Черном море барабулю - Sputnik Аҧсны, 1920, 29.10.2021
Анапаҵаҩра
НовостиTelegram
Аԥсыӡкра анормақәа иазыԥхьагәарҭоит абиологиатә ресурсқәа, атехника, акышьа ахкқәа. Анормақәа аус рыдуылан урыстәылатәи аҟазауаа алархәны.
АҞӘА, жьҭаара 29 – Sputnik, Асмаҭ Ҵәыџьԥҳа. Аԥсны Аминистрцәа реилазаара аилатәараҿы аԥсыӡкразы аԥҟарақәа шьақәдырӷәӷәеит.
Иалагало аԥҟарақәа рыла аиурист хаҿқәеи, ахала наплакыҩцәеи аԥсыӡкра азин рымам:
Аԥсыӡкраз азин ҷыда,
Иалкаау аквота ада,
Аԥсыӡкраз аҭакԥхықәра ада,
Аԥсыӡкырҭатә ҭыԥ амазаарада.
Иара убасгьы азин ыҟам ишьақәыргыло аԥҟарала ашәҟәы иҭагалам аӷбақәа рҟынтәи аԥсыӡкра. Абџьар ахархәара ҟалом аӡаҵаҟатәи ашәақь ҷыдақәа рыда. Иҟалом зыжәла шьақәдыргыло ахкқәа рыкра.
Уи адагьы аԥҟара азин ҟанаҵом аҩныҵҟатә ӡқәа – аӡиасқәа, аӡиақәа, аӡеизакырҭақәа рҿы ааглыхратә ԥсыӡкра амҩаԥгара, аҭҵаарадырратәи аҵаратәи хықәкқәа раан ада.
Руслан Инапшба - Sputnik Аҧсны, 1920, 12.07.2020
Арадио
Инаԥшьба: Аԥсны аԥсыӡкра акультура шьҭыхтәуп, иҳамоу амал еиҷаҳатәуп
Уахыки-ҽнаки рыҩныҵҟа ԥсыӡкҩык азин имоуп амшын аҿы 10 кьылак, аҩныҵҟатә ӡқәа рҿы – х-кьылак рыкра. Аӡиас Ԥсоуи иара иалало аӡқәеи, Мҷышьҭа аӡиаси рҿи амшын иахьалало аҟынтә 200 метра рҟынӡа, хәажәкыра 1 инаркны рашәара 30 аҟынӡа аԥсыӡкра ҟалом.
Аԥсыӡкра абзиабаҩцәа азин рымам акаҭақәа, еиуеиԥшым акыгақәа, аспиннингқәа рхархәара аҵәгәырқәа жәаба иреиҳазар.
Ақыҭанхамҩа аминистр Беслан Џьопуа иажәақәа рыла, анормақәа аус рыдулан урыстәылатәи аҟазауаа алархәны.

Сгәы иаанагоит арҭ аԥҟарақәа иахьазы амшын аҿы иҟоу аилататара аҭыԥ иқәырҵап ҳәа. Арҭ аԥҟарақәа аҭахуп аҭакԥхықәра аҟаларазы", - иҳәеит Џьопуа.

Аԥҟарақәа аус рыдызулоз дреиуоуп Аекологиа аинститут адиректор Роман Дбар. Иара иазгәеиҭеит ажәытә ԥҟарақәа ХХ ашәышықәса 60-тәи ашықәсқәа рзы ишрыдкылаз, уи аахыс ишыԥсахмыз.
"Аԥҟара ҿыцқәа раамҭа ааит – ааглыхратә ԥсыӡкреи аԥсыӡкра абзиабареи рыԥҟарақәа ҳәаақәызҵо", - иҳәеит иара.
Дбар иажәақәа рыла ииасыз акамшьиакра аамҭа аалыҵ акыр илаҟәын – 11 000 тонна акамшьиа.
"Ари угәы уҽанызҵо факторуп. Акамшьиатә ресурсқәа Амшын еиқәа аҿы акыр ишьақәҟьоуп. Ҵыԥх Азовтәи абассеин аҿынтә иааит 1,3 процент акамшьиа. Ари акырӡа имаҷуп. Ҳара аԥсыӡкра амҩаԥысшьа ахылаԥшра аиҭакрақәа азаауроуп" иҳәеит иара.
Аӡынтәи аԥсыӡкра Аҟәа - Sputnik Аҧсны, 1920, 03.02.2015
Аҟәатәи абаӷәазаҿы аӡынтәи аԥсыӡкра
Ажәабжьқәа зегьы
0