Хра злоу ахҭысқәа: Шьалашьаа атәыла ахада иҟны излацәажәоз азҵаарақәа ртәы
Хра злоу ахҭысқәа: Шьалашьаа атәыла ахада иҟны излацәажәоз азҵаарақәа ртәы
Анапаҵаҩра
Аекономикеи азини ринститут аиҳабы Заур Шьалашьаа арадио Sputnik аефир аҟны еиҭеиҳәеит атәыла ахада иԥылараан излацәажәаз азҵаарақәа ртәы.
Абҵара 16 рзы атәыла ахада идикылеит Аԥсны аҭҵаарадыррақәа ракадемиа ахада Зураб Џьапуеи, Аекономикеи азини ринститут аиҳабы Заур Шьалашьааи. Аиԥылараҟны иалацәажәеит аҭҵаарадырра, аекономика, аинвестициақәа рызҵаарақәа.
"Аԥсны аҭҵаарадыррақәа ракадемиа ахьӡала салахәуп аҳәынҭқарра ахада иҟны еиҿкаау агәыԥ, Аԥсны аҿиаразы, ԥхьаҟа ацаразы раԥхьа иргыланы иҟаҵатәу ашьаҿақәа аус рыдызуло. Уи аекономика мацара акәӡам изызку, насгьы азакәанқәа зыдкылара аҭаху, Аԥсныҟа иаауа апроектқәа рыхәаԥшра. Уа ҩажәаҩык рҟынӡа алахәуп агәыԥ. 2000-тәи ашықәсқәа рзы Аԥсны анаукаҭҵаара изку азакәан рыдыркылахьан. Уаҟа иарбоуп аҳәынҭқарраҟны ирыдыркыло ихадоу ақәҵарақәа, азакәанқәа рыҭҵаара, ахылаԥшра рыҭалазарц аҭҵаара аганахьала , уи иазку аинститутқәа ҳамоуп. Ус еиԥш ашәҟәы ҳашьҭхьан аҳәынҭқарра ахада ихьӡала. Уи дақәшаҳаҭхеит аҳәынҭқарра ахада, раԥхьа ишьҭоу апроектқәа реиқәыршәара, аус рыдулара. Аҳәынҭқарраҟны иҟоуп ауниверситет, аинститутқәа, Аԥсны ахада иҟны еиҿкаау астратегиатә центр, иҳәынҭқарратәымгьы ыҟоуп, абарҭ зегьы мҩакы ҳаицықәларц аизааигәахара аҭахуп, аҳәынҭкарра иахәо, ажәлар ирыхәо азы убригьы хылаԥшра аҭара ҳалацәажәеит", - иҳәеит Шьалашьаа.
Иара иазгәеиҭеит Аԥсны аинвестициақәа иаларгало феида рыманы иҟаларц, агәынамӡарақәа ахылымҿиаарц азҵаарақәагьы ишрылацәажәаз аҳәынҭқарра ахадеи дареи реиԥылараҟны.
Иаҳа инеиҵыхны аицәажәара шәаҳар шәылшоит аудиофаил аҟны.
