https://sputnik-abkhazia.info/20211120/znapy-azou-auay-kha-inkho-roland-zanaria-iaamei-iusei-1036303396.html
Знапы ҟазоу ауаҩы: Хәаԥ инхо Роланд Занҭариа иаамҭеи иусқәеи
Знапы ҟазоу ауаҩы: Хәаԥ инхо Роланд Занҭариа иаамҭеи иусқәеи
Sputnik Аҧсны
Хәаԥтәи анхаҩы Роланд Занҭариа ԥсыршьагас, гәхаршҭгас имоуп алабашьақәеи аҳәызбақәеи рыҟаҵара. 20.11.2021, Sputnik Аҧсны
2021-11-20T18:15+0300
2021-11-20T18:15+0300
2021-11-20T18:37+0300
аԥсны
афотосахьақәа
https://cdnn1.img.sputnik-abkhazia.info/img/07e5/0b/0c/1036301054_0:160:3072:1888_1920x0_80_0_0_fb789f76747335c7023a5c25282a04fe.jpg
Алабашьа ажәытәан даара аҵакы аман, зегьы иркуамызт. Изкуаз унеишь-уааишь ҳәа зырҳәоз, ҳаҭыр зқәыз ауаҩы иакәын. Алабашьақәа ирыман рхатәы хьыӡқәа: ашәарыцаҩ илабашьа, ахьча илабашьа, аибашьыга лабашьа, аџьабацәа иркуаз алабашьа, ҭауади-аамсҭеи рлабашьа уҳәа. "Алабашьақәа рҵакы еиԥшымызт. Ҭауадеи аамсҭеи рхаан доусы ихатәы лабашьа изалхын. Иаҳҳәап: аҭауад икуаз алабашьа ахы ҽакала иҟаҵан, анхаҩы илабашьа даҽа формак аман. Ауаҩы чарак ахь дцозма, еизарак ахь дцозма, аԥса зхаз алабашьа икыр, ҽырбагоуп ҳәа иԥхьаӡан. Аџьабараҟны игылоу ауаҩы илабашьа аҵа аԥса ахамзар акәын", - ҳәа иҳәоит Роланд Занҭариа. Алабашьа злихуа иреиуоуп: аџь ҵла, ашәҵла, ақәыц, абгыӡыр. Роланд иажәақәа рыла, зегьы реиҳа пату змоу абгыӡыр лабашьа ауп, избанзар еиҳа иӷәӷәоуп, анҵыра рацәа амоуп.Иҟоуп еиуеиԥшым азгәаҭарақәа алабашьа иадҳәаланы, урҭ руак атәы ҳзеиҭеиҳәеит Роланд Занҭариа: "Ишаҳдыруа еиԥш , ажәытәан асас данааиуа "уаангылома?" ҳәа иазҵаауамызт. Асас уи аԥшәма еиликааарц азыҳәаны, илабашьа ихы иаирхәон. Илабашьа ахы аҩны ашә ахь ихазар, асас даангылон, адәахьыҟа ихазар, дцон", - ҳәа азгәеиҭеит иара.
Sputnik Аҧсны
media@sputniknews.com
+74956456601
MIA „Rossiya Segodnya“
2021
Sputnik Аҧсны
media@sputniknews.com
+74956456601
MIA „Rossiya Segodnya“
Ажәабжьқәа
ab_AB
Sputnik Аҧсны
media@sputniknews.com
+74956456601
MIA „Rossiya Segodnya“
Sputnik Аҧсны
media@sputniknews.com
+74956456601
MIA „Rossiya Segodnya“
афотосахьақәа, фото
Знапы ҟазоу ауаҩы: Хәаԥ инхо Роланд Занҭариа иаамҭеи иусқәеи
18:15 20.11.2021 (ирҿыцуп: 18:37 20.11.2021) Хәаԥтәи анхаҩы Роланд Занҭариа ԥсыршьагас, гәхаршҭгас имоуп алабашьақәеи аҳәызбақәеи рыҟаҵара.
Алабашьа ажәытәан даара аҵакы аман, зегьы иркуамызт. Изкуаз унеишь-уааишь ҳәа зырҳәоз, ҳаҭыр зқәыз ауаҩы иакәын. Алабашьақәа ирыман рхатәы хьыӡқәа: ашәарыцаҩ илабашьа, ахьча илабашьа, аибашьыга лабашьа, аџьабацәа иркуаз алабашьа, ҭауади-аамсҭеи рлабашьа уҳәа. "Алабашьақәа рҵакы еиԥшымызт. Ҭауадеи аамсҭеи рхаан доусы ихатәы лабашьа изалхын. Иаҳҳәап: аҭауад икуаз алабашьа ахы ҽакала иҟаҵан, анхаҩы илабашьа даҽа формак аман. Ауаҩы чарак ахь дцозма, еизарак ахь дцозма, аԥса зхаз алабашьа икыр, ҽырбагоуп ҳәа иԥхьаӡан. Аџьабараҟны игылоу ауаҩы илабашьа аҵа аԥса ахамзар акәын", - ҳәа иҳәоит Роланд Занҭариа. Алабашьа злихуа иреиуоуп: аџь ҵла, ашәҵла, ақәыц, абгыӡыр. Роланд иажәақәа рыла, зегьы реиҳа пату змоу абгыӡыр лабашьа ауп, избанзар еиҳа иӷәӷәоуп, анҵыра рацәа амоуп.
Иҟоуп еиуеиԥшым азгәаҭарақәа алабашьа иадҳәаланы, урҭ руак атәы ҳзеиҭеиҳәеит Роланд Занҭариа: "Ишаҳдыруа еиԥш , ажәытәан асас данааиуа "уаангылома?" ҳәа иазҵаауамызт. Асас уи аԥшәма еиликааарц азыҳәаны, илабашьа ихы иаирхәон. Илабашьа ахы аҩны ашә ахь ихазар, асас даангылон, адәахьыҟа ихазар, дцон", - ҳәа азгәеиҭеит иара.
Ашьха қыҭа Хәаԥ инхо Роланд Занҭариа занааҭла дфизик - математикуп, аха иабдуцәа ирҿиҵааз ауаҭка аршра шьахәла ицааиуеит.
Ауаҭка аршра ианаамҭоу 200 литра рҟынӡа иаҵихуеит. Ажьаӷь еиԥш аҵәагьы иалихуеит.
Иахьа ақыҭаҿ инхо шамахамзар зегь ирымоуп ауаҭка аршыга амаругақәа зегьы. Ақәаб иҭоу ажьаӷь ма ацәа аншлак, уи иахылҵуа ахылаԥсылҩа ҷыдала иҟаҵоу амыруга иҭысны ахәхәаҳәа ауаҭка ааиуеит.
Ҽнак иалагӡаны Роланд 10 литрак ауаҭка аҵихуеит.
Ауаҭка аҵәахразыҳәан абалонқәа инарҭеиҭәуа арацәа ахаԥсаны ираӡуеит. Избанзар иаҳа ицқьахоит ҳәа иԥхьаӡоуп.
Роланд ихаҭа ауаҭка ижәӡом, аҩеиқәаҵәа ԥхеи-ԥхеиуа еиӷьаишьоит.
Роланд ауаҭка ахьиршуа аԥацхаҿ, еснагь ҭаҵәахла деиқәшәоуп. Араҟа иҟоуп ахыжәлақәа, ашәыр ахәырмарҩа зҳәаз еиԥш.
Знапы ҟазоу ауаҩы, ус баша дызтәаӡом. Убыс Роландгьы иахьа хәлаанӡа аус рацәа инапы алакуп. Иҟаиҵоит аҳәызбақәа, аҳәызба ахәы акакани акамбашь атәыҩеи ирылихуеит.
Шықәсқәак раԥхьа инапы алеикит алабашьақәа рыҟаҵара, иагьиқәманшәалахеит.
![Алабашьақәа зегьы дара-дара еиԥшӡам. Иҟоуп ашәарыцаҩ илабашьа, ахьча илабашьа, анхаҩы илабашьа, иара убас "аамсҭацәа" рлабашьа. - Sputnik Аҧсны](https://cdnn1.img.sputnik-abkhazia.info/img/07e5/0b/0c/1036301045_0:0:3072:2048_600x0_80_0_1_2621e6152165836f1e9643eb5b551e6a.jpg "Алабашьақәа зегьы дара-дара еиԥшӡам. Иҟоуп ашәарыцаҩ илабашьа, ахьча илабашьа, анхаҩы илабашьа, иара убас "аамсҭацәа" рлабашьа.")
Алабашьақәа зегьы дара-дара еиԥшӡам. Иҟоуп ашәарыцаҩ илабашьа, ахьча илабашьа, анхаҩы илабашьа, иара убас "аамсҭацәа" рлабашьа.
Алабашьақәа еиҳарак излихуа абгыӡыр, ашәҵла, алакациа, иара убас акакан апикан ҳәа изышьҭоу роуп.
Роланд иҟаиҵо алабашьақәа рхықәцәқәа рыла ауҩы еилиргоит изызку, изкуа дазусҭоу.
Ари алабашьа аныркуа аӡынра ауп, ақьышә аныҟәаҩ имҩа асы аланигоит.
Роланд Занҭариа раԥхьаӡа акәны раԥхьатәи алабашьа ҟаиҵеит ҩышықәса раԥхьа.
Иахьа иара иҟаиҵахьоу алабашьақәа рхыԥхьаӡара жәаба иреиҳауп.
