https://sputnik-abkhazia.info/20211204/anatoli-genko-igalashara-iazkyz-aaaradyrra-praktikat-konferentsia-aikhshala-aan--1036584539.html
Анатоли Генко игәалашәара иазкыз аҭҵаарадырра-практикатә конференциа аихшьала ҟаҵан
Анатоли Генко игәалашәара иазкыз аҭҵаарадырра-практикатә конференциа аихшьала ҟаҵан
Sputnik Аҧсны
Абҵара 25, 2021 шықәсазы Черқьесск ақалақь аҟны имҩаԥган абызшәадырыҩ, аетнолог, еицырдыруа кавказҭҵааҩы Анатоли Нестор-иԥа Генко игәалашәара иазкыз... 04.12.2021, Sputnik Аҧсны
2021-12-04T10:21+0300
2021-12-04T10:21+0300
2021-12-04T10:21+0300
аԥсны
акультура
ажәабжьқәа
https://cdnn1.img.sputnik-abkhazia.info/img/07e5/0c/03/1036578771_0:120:1280:840_1920x0_80_0_0_e75ca667f4b2d0088d38ee11236bf5c0.jpg
АҞӘА, ԥхынҷкәын 4 - Sputnik, Наала Гәымԥҳа. Аԥсуа ҵарауаа Черқьесск ақалақь аҿы излахәыз аҭҵаарадырра-практикатә конференциа аихшьалақәа ирзааҭгылеит ԥхынҷкәын 3 рзы адунеизегьтәи аԥсуа-абаза конгресс апресс-центр аҟны. Аҭҵаарадырратә конференциа иалахәыз афилологиатә ҭҵаарадыррақәа рдоктор, академик Виачеслав Чыргбеи Аԥсны Аҭҵаарадыррақәа ракадемиа ахада, афилологиатә ҭҵаарадыррақәа рдоктор, академик Зураб Џьапуеи ажурналистцәа ирзеиҭарҳәеит акоференциа ахықәки амҩаԥысшьеи. "Адунеизегьтәи аԥсуа-абаза конгресс аиҳабы Мусса Егзакь инапхгарала Черқьесск иаартыз аҭҵаарадырра-практикатә конференциа еицырдыруа аҵарауаҩ, абызшәадырыҩ, кавказҭҵааҩ Анатоли Генко ихьӡ амырӡра иазкын", - ҳәа азгәеиҭеит Аԥсны Аҭҵаарадыррақәа ракадемиа ахада Зураб Џьапуа. Иара иажәақәа рыла, аконференциаҿ иӡырган 2021 шықәсазы иҭыҵыз А.Н. Генко ишәҟәы "Введение в этнографию Кавказа". "Зегь реиҳа аҵакы змаз ҳәа исыԥхьаӡоит, Генко иқыҭа гәакьа Красныи Восток аҟны аҵарауаҩ ибаҟа аартра иазкыз аусмҩаԥгатә", - ҳәа иҳәеит Џьапуа. Кавказ иқәынхо ажәлар, хаҭала аԥсуааи абазақәеи рҭоурых, рбызшәа, ретнологиа аҭҵаараҿы Генко илшара даараӡа ирацәоуп, иара ибзоурала аԥсуа жәлар ҳҭоурых зҳәо имаҷымкәан аматериалқәа ҭыҵхьеит. "Аԥсны Аџьынџьтәылатә еибашьра анеилга ашьҭахь, аҵарауаҩ Хәыхәыт Бӷажәба Аԥсуаҭҵааратә институт ахь инеигеит Генко инапылаҩырақәак. Урҭ зызкыз аԥсуа фольклор нҵамҭақәа ракәын. Аҭыжьра азырхиара ҳалагеит. Акыршықәса аус адаҳулон Борис Џьонуеи сареи, иҭыҵит ашәҟәы 2001 шықәсазы. Генко илшара даараӡа ирацәоуп ҳнаукатә ԥсҭазаараҿы", - ҳәа иҳәеит Џьапуа.Ҟарачы-Черқьесиа имҩаԥысуаз аҭҵаарадырра-практикатә конференциа иалахәыз аҵарауаҩ, афилологиатә ҭҵаарадыррақәа рдоктор Виачеслав Чыргба иҳәеит, ас еиԥш иҟоу аусмҩаԥгақәа ишрылҵшәоу аҵарауаа нагақәа рыхьӡ агәалашәара анаунагӡатәра. Аконференциа аҟны иазааҭгылан Генко иматериалқәа рыла иҭыжьыз ашәҟәқәа. Урҭ иреиуоуп: "Введение в этнографию Кавказа", "Анатолий Несторович Генко и Кавказ", "Абазинские материалы А.Н.Генко", "Аԥсуаа рфольклор заатәи анҵамҭақәа". "Ашәҟәқәа рҭыжьразы ауадаҩрақәа шыҟазгьы, иҳалшеит урҭ рҭыжьра. Адгылара сырҭеит хаҭала Анатоли Генко иҭаацәа. Ас еиԥш иҟоу аҭҵаамҭақәа хәы змам акакәны иаанхоит аҭҵаарадырратә ԥсҭазаараҟны. Иҟоуп иҵегь иҭыжьым анапҩырақәа, урҭ аус рыдулара ҳаҿуп", - ҳәа дазааҭгылеит Зураб Џьапуа. Муса Егзакь инапхгалара Ҟарачы-Черқьесиа имҩаԥгаз аҭҵаарадырра-практикатә конференциаҟны еиқәшаҳатны иазгәарҭеит есҩышықәса ас еиԥш иҟоу аҭҵаарадырратә форумқәа мҩаԥыргаларц.
https://sputnik-abkhazia.info/20191018/Kavkazaatsa-irzyrkhou-abaza-araua-Genko-ishy-ayrgara-maysit-1028640118.html
https://sputnik-abkhazia.info/20191018/apua-Anatoli-Genko-iabaza-materiala-ashazy-aaradyrrat-baoup-1028641932.html
Sputnik Аҧсны
media@sputniknews.com
+74956456601
MIA „Rossiya Segodnya“
2021
Sputnik Аҧсны
media@sputniknews.com
+74956456601
MIA „Rossiya Segodnya“
Ажәабжьқәа
ab_AB
Sputnik Аҧсны
media@sputniknews.com
+74956456601
MIA „Rossiya Segodnya“
Sputnik Аҧсны
media@sputniknews.com
+74956456601
MIA „Rossiya Segodnya“
акультура, ажәабжьқәа
Анатоли Генко игәалашәара иазкыз аҭҵаарадырра-практикатә конференциа аихшьала ҟаҵан
Абҵара 25, 2021 шықәсазы Черқьесск ақалақь аҟны имҩаԥган абызшәадырыҩ, аетнолог, еицырдыруа кавказҭҵааҩы Анатоли Нестор-иԥа Генко игәалашәара иазкыз аҭҵаарадырра-практикатә конференциа.
АҞӘА, ԥхынҷкәын 4 - Sputnik, Наала Гәымԥҳа. Аԥсуа ҵарауаа Черқьесск ақалақь аҿы излахәыз аҭҵаарадырра-практикатә конференциа аихшьалақәа ирзааҭгылеит ԥхынҷкәын 3 рзы адунеизегьтәи аԥсуа-абаза конгресс апресс-центр аҟны.
Аҭҵаарадырратә конференциа иалахәыз афилологиатә ҭҵаарадыррақәа рдоктор, академик Виачеслав Чыргбеи Аԥсны Аҭҵаарадыррақәа ракадемиа ахада, афилологиатә ҭҵаарадыррақәа рдоктор, академик Зураб Џьапуеи ажурналистцәа ирзеиҭарҳәеит акоференциа ахықәки амҩаԥысшьеи.
"Адунеизегьтәи аԥсуа-абаза конгресс аиҳабы Мусса Егзакь инапхгарала Черқьесск иаартыз аҭҵаарадырра-практикатә конференциа еицырдыруа аҵарауаҩ, абызшәадырыҩ, кавказҭҵааҩ Анатоли Генко ихьӡ амырӡра иазкын", - ҳәа азгәеиҭеит Аԥсны Аҭҵаарадыррақәа ракадемиа ахада Зураб Џьапуа.
Иара иажәақәа рыла, аконференциаҿ иӡырган 2021 шықәсазы иҭыҵыз А.Н. Генко ишәҟәы "Введение в этнографию Кавказа".
"Зегь реиҳа аҵакы змаз ҳәа исыԥхьаӡоит, Генко иқыҭа гәакьа Красныи Восток аҟны аҵарауаҩ ибаҟа аартра иазкыз аусмҩаԥгатә", - ҳәа иҳәеит Џьапуа.
Кавказ иқәынхо ажәлар, хаҭала аԥсуааи абазақәеи рҭоурых, рбызшәа, ретнологиа аҭҵаараҿы Генко илшара даараӡа ирацәоуп, иара ибзоурала аԥсуа жәлар ҳҭоурых зҳәо имаҷымкәан аматериалқәа ҭыҵхьеит.
"Аԥсны Аџьынџьтәылатә еибашьра анеилга ашьҭахь, аҵарауаҩ Хәыхәыт Бӷажәба Аԥсуаҭҵааратә институт ахь инеигеит Генко инапылаҩырақәак. Урҭ зызкыз аԥсуа фольклор нҵамҭақәа ракәын. Аҭыжьра азырхиара ҳалагеит. Акыршықәса аус адаҳулон Борис Џьонуеи сареи, иҭыҵит ашәҟәы 2001 шықәсазы. Генко илшара даараӡа ирацәоуп ҳнаукатә ԥсҭазаараҿы", - ҳәа иҳәеит Џьапуа.
Ҟарачы-Черқьесиа имҩаԥысуаз аҭҵаарадырра-практикатә конференциа иалахәыз аҵарауаҩ, афилологиатә ҭҵаарадыррақәа рдоктор Виачеслав Чыргба иҳәеит, ас еиԥш иҟоу аусмҩаԥгақәа ишрылҵшәоу аҵарауаа нагақәа рыхьӡ агәалашәара анаунагӡатәра.
"Генко иҭҵаарадырратә лагала есааира аҽарҭбаауеит уи ҭызҵаауа аҵарауаа рыбзоурала. Ҳгәы иалоуп аҵарауаҩ Генко иҭиҵаауаз аԥсуа грамматика иазкыз аматериалқәа рхабар ыҟамкәан иахьыбжьаӡыз, аха агәыӷра ҳамоуп архив аҟны мышкызны иаҳзыԥшаап ҳәа", - иҳәеит Чыргба.
Аконференциа аҟны иазааҭгылан Генко иматериалқәа рыла иҭыжьыз ашәҟәқәа. Урҭ иреиуоуп: "Введение в этнографию Кавказа", "Анатолий Несторович Генко и Кавказ", "Абазинские материалы А.Н.Генко", "Аԥсуаа рфольклор заатәи анҵамҭақәа".
"Ашәҟәқәа рҭыжьразы ауадаҩрақәа шыҟазгьы, иҳалшеит урҭ рҭыжьра. Адгылара сырҭеит хаҭала Анатоли Генко иҭаацәа. Ас еиԥш иҟоу аҭҵаамҭақәа хәы змам акакәны иаанхоит аҭҵаарадырратә ԥсҭазаараҟны. Иҟоуп иҵегь иҭыжьым анапҩырақәа, урҭ аус рыдулара ҳаҿуп", - ҳәа дазааҭгылеит Зураб Џьапуа.
Муса Егзакь инапхгалара Ҟарачы-Черқьесиа имҩаԥгаз аҭҵаарадырра-практикатә конференциаҟны еиқәшаҳатны иазгәарҭеит есҩышықәса ас еиԥш иҟоу аҭҵаарадырратә форумқәа мҩаԥыргаларц.
