https://sputnik-abkhazia.info/20211209/asny-adnyati-ausa-rministrrany-zhenevati-aitsazharaa-55-ti-rraund-ialatsazheit-1036657358.html
Аԥсны Адәныҟатәи аусқәа рминистрраҟны женеватәи аиҿцәажәарақәа 55-тәи рраунд иалацәажәеит
Аԥсны Адәныҟатәи аусқәа рминистрраҟны женеватәи аиҿцәажәарақәа 55-тәи рраунд иалацәажәеит
Sputnik Аҧсны
Ԥхынҷкәын 7-8, 2021 шықәсазы Женева имҩаԥысит Аахыҵ Кавказ ашәарҭадареи аҭышәынтәалареи рзы Жәларбжьаратәи женеватәи аиҿцәажәарақәа 55-тәи рраунд Аԥсны, Аахыҵ... 09.12.2021, Sputnik Аҧсны
2021-12-09T12:50+0300
2021-12-09T12:50+0300
2021-12-09T12:50+0300
аԥсны
ажәабжьқәа
аполитика
https://cdnn1.img.sputnik-abkhazia.info/img/102932/34/1029323414_0:207:1998:1331_1920x0_80_0_0_66cf441ca2896618d0597f2312c3345e.jpg
АҞӘА, ԥхынҷкәын 9 - Sputnik. Аԥсны Адәныҟатәи аусқәа рминистрраҟны Жәларбжьаратәи женеватәи аиҿцәажәарақәа 55-тәи рраунд амҩаԥысшьа атәы иалацәажәеит.Аимак-аиҿак иалахәыз, ақырҭуа делегациа рыда, Аԥсни Қырҭтәылеи рҳәааҿы аҭагылазаашьа ҭышәынтәалоуп ҳәа ахырҳәааит. Убри аан иазгәаҭан, Ингәыр аҳәаа аамҭа-аамҭала Қырҭтәыла атәылауаа ишеиларго.Ҷыдала иазааҭгылан Гал ақалақь аҿы имҩаԥысло аиҿыхарақәа раԥырҟәҟәаареи рызхьаԥшреи рзы амеханизм (МПРИ) аусура. Аԥснытәи аделегациа иазгәарҭеит ари амеханизм адгылара шарҭо, иҟарҵеит ажәадгалақәа МПРИ аформат аусура аиҵыхразы.Аԥснытәи аган аҽазныкгьы агәҭынчымра аанарԥшит Қырҭтәыла арратә лшарақәа иахьазнарҳауазы. Хазы иазхьаԥшын Қырҭтәылеи ЕААи рырра-техникатә еинырра, америкатәи аӷбақәа Амшын еиқәа лассы-лассы рҭалара, Аԥсны аҳауатә ҵакыра аилагара. Инаҵшьны иазгәаҭан ари аҩыза аҭагылазаашьа арегион аҿы ашәарҭара шаԥнаҵо.Аԥснытәи аган ақырҭуа делегациа ирыдыргалеит аҳәынҭқарратә ҳәаа азгәаҭара. Иҳәан ари азҵаарақәа жәпакы рҭыԥ ишықәнаҵо.Аԥснытәи аган ихымԥадатәны иашьеит амч ахамырхәаразы жәларбжьаратәи агарантиақәа рзы адокумент атекст азы аусура ахацыркра.Ақырҭуа ган ари алацәажәара мап ацәнакуеит.Аҩбатәи аусутә гәыԥ аусура аҳәаақәа ирҭагӡаны ирылацәажәан агуманитартә ҟазшьа змоу азҵаарақәа – аҵарадырра, аиҭенеиааира уҳәа.Аахыҵ Кавказ ашәарҭадареи аҭышәынтәалареи рзы Жәларбжьаратәи женеватәи аиҿцәажәарақәа 56-тәи рраунд азԥхьагәаҭоуп 2022 шықәса хәажәкыра 29-30 рзы.
https://sputnik-abkhazia.info/20211015/adnyati-ausa-rministrra-yrtyla-aiabyra--aaazgaarazy-ausuraa-irydrykhaleit-1035899386.html
Sputnik Аҧсны
media@sputniknews.com
+74956456601
MIA „Rosiya Segodnya“
2021
Sputnik Аҧсны
media@sputniknews.com
+74956456601
MIA „Rosiya Segodnya“
Ажәабжьқәа
ab_AB
Sputnik Аҧсны
media@sputniknews.com
+74956456601
MIA „Rosiya Segodnya“
Sputnik Аҧсны
media@sputniknews.com
+74956456601
MIA „Rosiya Segodnya“
ажәабжьқәа, аполитика
Аԥсны Адәныҟатәи аусқәа рминистрраҟны женеватәи аиҿцәажәарақәа 55-тәи рраунд иалацәажәеит
Ԥхынҷкәын 7-8, 2021 шықәсазы Женева имҩаԥысит Аахыҵ Кавказ ашәарҭадареи аҭышәынтәалареи рзы Жәларбжьаратәи женеватәи аиҿцәажәарақәа 55-тәи рраунд Аԥсны, Аахыҵ Уаԥстәыла, Қырҭтәыла, Урыстәыла, ЕАА, ацхантәаҩцәа ЕАР, ЕА, ОБСЕ злахәыз.
АҞӘА, ԥхынҷкәын 9 - Sputnik. Аԥсны Адәныҟатәи аусқәа рминистрраҟны Жәларбжьаратәи женеватәи аиҿцәажәарақәа 55-тәи рраунд амҩаԥысшьа атәы иалацәажәеит.
Аимак-аиҿак иалахәыз, ақырҭуа делегациа рыда, Аԥсни Қырҭтәылеи рҳәааҿы аҭагылазаашьа ҭышәынтәалоуп ҳәа ахырҳәааит. Убри аан иазгәаҭан, Ингәыр аҳәаа аамҭа-аамҭала Қырҭтәыла атәылауаа ишеиларго.
Ҷыдала иазааҭгылан Гал ақалақь аҿы имҩаԥысло аиҿыхарақәа раԥырҟәҟәаареи рызхьаԥшреи рзы амеханизм (МПРИ) аусура. Аԥснытәи аделегациа иазгәарҭеит ари амеханизм адгылара шарҭо, иҟарҵеит ажәадгалақәа МПРИ аформат аусура аиҵыхразы.
Аԥснытәи аган аҽазныкгьы агәҭынчымра аанарԥшит Қырҭтәыла арратә лшарақәа иахьазнарҳауазы. Хазы иазхьаԥшын Қырҭтәылеи ЕААи рырра-техникатә еинырра, америкатәи аӷбақәа Амшын еиқәа лассы-лассы рҭалара, Аԥсны аҳауатә ҵакыра аилагара. Инаҵшьны иазгәаҭан ари аҩыза аҭагылазаашьа арегион аҿы ашәарҭара шаԥнаҵо.
Аԥснытәи аган ақырҭуа делегациа ирыдыргалеит аҳәынҭқарратә ҳәаа азгәаҭара. Иҳәан ари азҵаарақәа жәпакы рҭыԥ ишықәнаҵо.
Аԥснытәи аган ихымԥадатәны иашьеит амч ахамырхәаразы жәларбжьаратәи агарантиақәа рзы адокумент атекст азы аусура ахацыркра.
Ақырҭуа ган ари алацәажәара мап ацәнакуеит.
Аҩбатәи аусутә гәыԥ аусура аҳәаақәа ирҭагӡаны ирылацәажәан агуманитартә ҟазшьа змоу азҵаарақәа – аҵарадырра, аиҭенеиааира уҳәа.
Аахыҵ Кавказ ашәарҭадареи аҭышәынтәалареи рзы Жәларбжьаратәи женеватәи аиҿцәажәарақәа 56-тәи рраунд азԥхьагәаҭоуп 2022 шықәса хәажәкыра 29-30 рзы.
