https://sputnik-abkhazia.info/20211212/asny-aar-anarkotika-ryakhrei-ryirei-rzy-ashausa-khatsnarkit-1036690853.html
Аԥсны ААР анаркотикқәа рыҵәахреи рыҭиреи рзы ашьаусқәа хацнаркит
Аԥсны ААР анаркотикқәа рыҵәахреи рыҭиреи рзы ашьаусқәа хацнаркит
Sputnik Аҧсны
Аԥсны аҩнуҵҟатәи аусқәа рминистрра аусузҩцәа мчыбжьык иалагӡаны зхархәареи, зыҭиреи, зныҟәгареи ҟамло анаркотикатә маҭәашьар здырбалаз ԥшьҩык ааныркылеит. 12.12.2021, Sputnik Аҧсны
2021-12-12T09:20+0300
2021-12-12T09:20+0300
2021-12-12T09:20+0300
аԥсны
ажәабжьқәа
https://cdnn1.img.sputnik-abkhazia.info/img/07e5/05/0b/1032393057_0:161:3067:1886_1920x0_80_0_0_8bc01b8f1a2202eb87dce78f71700266.jpg
АҞӘА, ԥхынҷкәын 12 – Sputnik. Аԥсны аҩнуҵҟатәи аусқәа рзы аминистрра апресс маҵзура амчыбжь азы азакәанеилагаразы иаанкылоу ахаҿқәа рзы аоперативттә хҳәаа акьыԥхьит.Аԥсны ААР ашьаусԥшаара аҟәша аусзуҩцәеи аҩнуҵҟатәи аусқәа рзы аминистрра Галтәи аҟәша русзуҩцәеи хыԥхьаӡара рацәала арҩашьыгатә маҭәашьар идырбалеит Гал инхо, 1968 шықәса рзы ииз Ҭеимураз Езыгәба. Ахаҵа даанкылан аҳәынҭқарратә ҳәаа "Егры" данахысуаз. Игәаҭараан идырбалеит арҩашьыгатә маҭәашьар метадон згәылаз аилаҳәыра. Анаркотикқәа ааихәеит Жәыргьыҭ, закәаншьаҭада анаркотикқәа Аԥсныҟа иалеигалеит. Аҩнуҵҟатәи аусқәа рзы аминистрра Галтәи аҟәша аусҭҵаара мҩаԥнагоит.Иара убас, амилициа аусзуҩцәа анаркотикқәа закәаншьаҭада аахәара, аҭира, аҵәахра, амҩангара, аныҟәгара рзы ахәҭаҷ ала Маркәыла инхо, 1984 шықәса рзы ииз Рамаз Кәақәасқьыр иганахьала ашьаус хацдыркит. Иара даанкылан амҩа-патрультә маҵзура агәаҭаратә ҭыԥ Бамбора аҿы. Ахаҵа игәаҭараан арҩашьыгатә маҭәашьар метадон идырбалеит. Аоперативттә ԥшаарақәа мҩаԥыргеит Гәдоуҭатәи ашьаусԥшааратә ҟәша аусзуҩцәа.Хыԥхьаӡара рацәала арҩашьыгатә маҭәашьар идырбалеит Гәдоуҭа араион Дәрыԥшь ақыҭан инхо, 1968 шықәса рзы ииз Робик Хәыпориа. Даанкылан Аҟәа, Гәлиа имҩаҿы. Имҩаԥгаз аҭҵаара ишьақәнаргылеит аҵиаа - мариахуана шакәыз, зынӡа идбалан 50 грамм анаркотикатә маҭәашьар. Ашьаус хацыркуп, ашьаусԥшаара мҩаԥнагоит Аԥсны ААР аҟәатәи аҟәша аусзуҩцәа.Ари амчыбжь азы даанкылан 1996 шықәса рзы ииз Инал Амқәаб закәаншьаҭада хыԥхьаӡара рацәала арҩашьыгатә маҭәашьар аарыхреи, ахархәареи, амҩангареи рзы, иара убас закәаншьаҭада анаркотикқәа Аԥсныҟа иалеигалеит ҳәа ахара идҵоуп. 25 шықәса зхыҵуа Амқәаб дааныркылеит Аԥсны Аҩнуҵҟатәи аусқәа рминистрра анаркотикқәа реикәыршара ахылаԥшраз аусбарҭа русзуҩцәа "Ԥсоу" аҳәаа данахысуаз. Ашьаус хацыркуп.
https://sputnik-abkhazia.info/20211210/asny-anarkotika-alazyroz-urystyla-atylauays-lus-abarakh-inashup-1036674559.html
Sputnik Аҧсны
media@sputniknews.com
+74956456601
MIA „Rossiya Segodnya“
2021
Sputnik Аҧсны
media@sputniknews.com
+74956456601
MIA „Rossiya Segodnya“
Ажәабжьқәа
ab_AB
Sputnik Аҧсны
media@sputniknews.com
+74956456601
MIA „Rossiya Segodnya“
Sputnik Аҧсны
media@sputniknews.com
+74956456601
MIA „Rossiya Segodnya“
ажәабжьқәа
Аԥсны ААР анаркотикқәа рыҵәахреи рыҭиреи рзы ашьаусқәа хацнаркит
Аԥсны аҩнуҵҟатәи аусқәа рминистрра аусузҩцәа мчыбжьык иалагӡаны зхархәареи, зыҭиреи, зныҟәгареи ҟамло анаркотикатә маҭәашьар здырбалаз ԥшьҩык ааныркылеит.
АҞӘА, ԥхынҷкәын 12 – Sputnik. Аԥсны аҩнуҵҟатәи аусқәа рзы аминистрра апресс маҵзура амчыбжь азы азакәанеилагаразы иаанкылоу ахаҿқәа рзы аоперативттә хҳәаа акьыԥхьит.
Аԥсны ААР ашьаусԥшаара аҟәша аусзуҩцәеи аҩнуҵҟатәи аусқәа рзы аминистрра Галтәи аҟәша русзуҩцәеи хыԥхьаӡара рацәала арҩашьыгатә маҭәашьар идырбалеит Гал инхо, 1968 шықәса рзы ииз Ҭеимураз Езыгәба. Ахаҵа даанкылан аҳәынҭқарратә ҳәаа "Егры" данахысуаз. Игәаҭараан идырбалеит арҩашьыгатә маҭәашьар метадон згәылаз аилаҳәыра. Анаркотикқәа ааихәеит Жәыргьыҭ, закәаншьаҭада анаркотикқәа Аԥсныҟа иалеигалеит. Аҩнуҵҟатәи аусқәа рзы аминистрра Галтәи аҟәша аусҭҵаара мҩаԥнагоит.
Иара убас, амилициа аусзуҩцәа анаркотикқәа закәаншьаҭада аахәара, аҭира, аҵәахра, амҩангара, аныҟәгара рзы ахәҭаҷ ала Маркәыла инхо, 1984 шықәса рзы ииз Рамаз Кәақәасқьыр иганахьала ашьаус хацдыркит. Иара даанкылан амҩа-патрультә маҵзура агәаҭаратә ҭыԥ Бамбора аҿы. Ахаҵа игәаҭараан арҩашьыгатә маҭәашьар метадон идырбалеит. Аоперативттә ԥшаарақәа мҩаԥыргеит Гәдоуҭатәи ашьаусԥшааратә ҟәша аусзуҩцәа.
Хыԥхьаӡара рацәала арҩашьыгатә маҭәашьар идырбалеит Гәдоуҭа араион Дәрыԥшь ақыҭан инхо, 1968 шықәса рзы ииз Робик Хәыпориа. Даанкылан Аҟәа, Гәлиа имҩаҿы. Имҩаԥгаз аҭҵаара ишьақәнаргылеит аҵиаа - мариахуана шакәыз, зынӡа идбалан 50 грамм анаркотикатә маҭәашьар. Ашьаус хацыркуп, ашьаусԥшаара мҩаԥнагоит Аԥсны ААР аҟәатәи аҟәша аусзуҩцәа.
Ари амчыбжь азы даанкылан 1996 шықәса рзы ииз Инал Амқәаб закәаншьаҭада хыԥхьаӡара рацәала арҩашьыгатә маҭәашьар аарыхреи, ахархәареи, амҩангареи рзы, иара убас закәаншьаҭада анаркотикқәа Аԥсныҟа иалеигалеит ҳәа ахара идҵоуп. 25 шықәса зхыҵуа Амқәаб дааныркылеит Аԥсны Аҩнуҵҟатәи аусқәа рминистрра анаркотикқәа реикәыршара ахылаԥшраз аусбарҭа русзуҩцәа "Ԥсоу" аҳәаа данахысуаз. Ашьаус хацыркуп.
