https://sputnik-abkhazia.info/20211214/aa-laati-arytsaraan-iakhaz-rgaladyrsheit-1036722228.html
Аҟәа Лаҭатәи арыцҳараан иҭахаз ргәаладыршәеит
Аҟәа Лаҭатәи арыцҳараан иҭахаз ргәаладыршәеит
Sputnik Аҧсны
Ԥхынҷкәын 14, 1992 шықәсазы Қырҭтәылатәи архәҭақәа иҭадырхеит ахҵәацәа зықәтәаз амацәаз иҭакыз Тҟәарчал ақалақь аҟынтәи Гәдоуҭаҟа иԥрыз авертолиот. 14.12.2021, Sputnik Аҧсны
2021-12-14T18:51+0300
2021-12-14T18:51+0300
2021-12-14T18:52+0300
аԥсны
ажәабжьқәа
https://cdnn1.img.sputnik-abkhazia.info/img/07e5/0c/0e/1036721984_0:160:3072:1888_1920x0_80_0_0_bd12c3a9a0144e45805f37b995f1b194.jpg
АҞӘА, ԥхынҷкәын 14 – Sputnik. Лаҭатәи арыцҳара иалаӡыз ргәалашәара иазку ауснагӡатәқәа мҩаԥган Аҟәа."Аҟәа ақалақь ахадара аҿари аспорти русқәа рзы аусбарҭеи Владислав Арӡынба ихьӡ зху Аибашьратә фырхаҵара Ахьӡ-аԥша амузеии есышықәса еицымҩаԥаагоит Лаҭа иҭархаз ргәалашәара иадҳәалоу ауснагӡатәқәа. Ԥхынҷкәын 14- ҳҭоурых аҿы еиқәаҵәоу мшуп, ари аҽны рыԥсҭазаарақәа ҿахҵәеит 87-ҩык, урҭ рахьтә 35-ҩык хәыҷқәан", - лҳәеит Владислав Арӡынба ихьӡ зху Аибашьратә фырхаҵара Ахьӡ-аԥша амузеи аиҳабы, Аԥсны Афырхаҵа Мзиа Беииаԥҳа.Амузеи аҟны иаартын аекспозициа, ицәыргақәҵан авертолиот ахәҭақәеи, арыцҳара ахьыҟалаз акәша-мыкәша иԥшааз иҭахаз рымаҭәақәеи.Агәалашәаратә акциа алахәылацәа ашәҭшьыҵәрақәа шьҭарҵеит, ацәашьқәа адыркит.Ԥхынҷкәын 14, 1992 шықәсазы ахҵәацәа зықәтәаз авертолиот МИ-8 амацәаз иҭакыз Тҟәарчал ақалақь аҟынтәи Гәдоуҭаҟа амҩа иқәлеит. Авертолиот анышьҭыԥраа 12 минуҭ рышьҭахь, асааҭ 17:30 рзы уи аамҭазы Қырҭтәылатәи архәҭақәа рнапаҿы иҟаз Кәыдрытәи аҩхаа, Лаҭа ақыҭа ианахыԥраауаз, 1900 метра аҳаракыраҿы иҭархан Ақырҭуа ҳәынҭсовет аруаа ихаларҵаз аракета "Адгьыл-аҳауа" ала. Авертолиот каҳаит Гәылрыԥшь араион Лаҭа ақыҭан. Рыԥсқәа шҭаз амца иалаблит 87-ҩык, урҭ рхыԥхьаӡараҿы иҟан 35-ҩык ахәыҷқәа, ааҩык зцәа зтәымыз аҳәса.
https://sputnik-abkhazia.info/20211214/aslan-bzhania-laati-arytsara-ialablyz-igalairsheit-1036721223.html
Sputnik Аҧсны
media@sputniknews.com
+74956456601
MIA „Rosiya Segodnya“
2021
Sputnik Аҧсны
media@sputniknews.com
+74956456601
MIA „Rosiya Segodnya“
Ажәабжьқәа
ab_AB
Sputnik Аҧсны
media@sputniknews.com
+74956456601
MIA „Rosiya Segodnya“
Sputnik Аҧсны
media@sputniknews.com
+74956456601
MIA „Rosiya Segodnya“
ажәабжьқәа
Аҟәа Лаҭатәи арыцҳараан иҭахаз ргәаладыршәеит
18:51 14.12.2021 (ирҿыцуп: 18:52 14.12.2021) Ԥхынҷкәын 14, 1992 шықәсазы Қырҭтәылатәи архәҭақәа иҭадырхеит ахҵәацәа зықәтәаз амацәаз иҭакыз Тҟәарчал ақалақь аҟынтәи Гәдоуҭаҟа иԥрыз авертолиот.
АҞӘА, ԥхынҷкәын 14 – Sputnik. Лаҭатәи арыцҳара иалаӡыз ргәалашәара иазку ауснагӡатәқәа мҩаԥган Аҟәа.
"Аҟәа ақалақь ахадара аҿари аспорти русқәа рзы аусбарҭеи Владислав Арӡынба ихьӡ зху Аибашьратә фырхаҵара Ахьӡ-аԥша амузеии есышықәса еицымҩаԥаагоит Лаҭа иҭархаз ргәалашәара иадҳәалоу ауснагӡатәқәа. Ԥхынҷкәын 14- ҳҭоурых аҿы еиқәаҵәоу мшуп, ари аҽны рыԥсҭазаарақәа ҿахҵәеит 87-ҩык, урҭ рахьтә 35-ҩык хәыҷқәан", - лҳәеит Владислав Арӡынба ихьӡ зху Аибашьратә фырхаҵара Ахьӡ-аԥша амузеи аиҳабы, Аԥсны Афырхаҵа Мзиа Беииаԥҳа.
Амузеи аҟны иаартын аекспозициа, ицәыргақәҵан авертолиот ахәҭақәеи, арыцҳара ахьыҟалаз акәша-мыкәша иԥшааз иҭахаз рымаҭәақәеи.
Агәалашәаратә акциа алахәылацәа ашәҭшьыҵәрақәа шьҭарҵеит, ацәашьқәа адыркит.
Ԥхынҷкәын 14, 1992 шықәсазы ахҵәацәа зықәтәаз авертолиот МИ-8 амацәаз иҭакыз Тҟәарчал ақалақь аҟынтәи Гәдоуҭаҟа амҩа иқәлеит. Авертолиот анышьҭыԥраа 12 минуҭ рышьҭахь, асааҭ 17:30 рзы уи аамҭазы Қырҭтәылатәи архәҭақәа рнапаҿы иҟаз Кәыдрытәи аҩхаа, Лаҭа ақыҭа ианахыԥраауаз, 1900 метра аҳаракыраҿы иҭархан Ақырҭуа ҳәынҭсовет аруаа ихаларҵаз аракета "Адгьыл-аҳауа" ала.
Авертолиот каҳаит Гәылрыԥшь араион Лаҭа ақыҭан. Рыԥсқәа шҭаз амца иалаблит 87-ҩык, урҭ рхыԥхьаӡараҿы иҟан 35-ҩык ахәыҷқәа, ааҩык зцәа зтәымыз аҳәса.
