https://sputnik-abkhazia.info/20211215/aiaara-ashala-igor-adleiba-eiaieit-ekaterenburg-imaysyz-aindalara-aty-1036735267.html
Аиааира ашьҭала: Игор Адлеиба еиҭаиҳәеит Екатеринбург имҩаԥысыз аиндаҭлара атәы
Аиааира ашьҭала: Игор Адлеиба еиҭаиҳәеит Екатеринбург имҩаԥысыз аиндаҭлара атәы
Sputnik Аҧсны
Аԥсуа боксиор Игор Адлеиба дызлахәыз аиндаҭлара аҟны аиааира игеит, уи аихшьаала ҟаҵан Sputnik апресс-центр аҟны. 15.12.2021, Sputnik Аҧсны
2021-12-15T19:45+0300
2021-12-15T19:45+0300
2021-12-16T09:18+0300
аԥсны
аспорт
ажәабжьқәа
https://cdnn1.img.sputnik-abkhazia.info/img/07e5/0c/0f/1036732686_0:161:3067:1886_1920x0_80_0_0_15683eeb03ffa1ddd870cff3f74a78ab.jpg
АҞӘА, ԥхынҷкәын 15 – Sputnik, Наала Гәымԥҳа. Аԥснытәи абоксиор Игор Адлеиба даиааит ҳәа аӡбаҩцәа еицҿакны аӡбамҭа рыдыркылеит асабша ԥхынҷкәын 11 рзы Екатеринбург ақалақь аҿы Асиф Керимови иареи рыбжьара имҩаԥысыз аиндаҭлараҿы.Игор Адлеиба иажәақәа рыла, имҩаԥысыз аиндаҭлара заа иазԥхьагәаҭамызт, аха аамҭа кьаҿк иалагӡаны аҽазыҟаҵара дахьӡеит."Сара аханатә сҽазыҟасҵон ажьырныҳәамзазы имҩаԥысраны иҟаз аиндаҭлара. Уаҟа дсацлабраны дыҟан Нхыҵ Уаԥстәылатәи ақәԥаҩ ӷәӷәа, аха еиуеиԥшым амзызқәа ирыхҟьаны иаҟәырхит. Аҩныҟа схынҳәырц сгәы ишҭаз ауп, Екатеренбург имҩаԥысыз аицлабра атәы шсыдыргалаз. Ҳәарада, мап ацәысымкӡеит. Аиқәԥара мҩаԥысит ф-раундк рыла, ааха ӷәӷәада. Ҳгәыӷрақәа башамхеит, аиааира ҳгеит", - ҳәа иҳәеит Адлеиба.Абоксиор иазыҟаҵаҩ Беслан Адлеиба имҩаԥысыз аиндаҭлара ахәшьара аҭо, дазааҭгылеит:"Игорь иқәԥара ибзианы имҩаԥысит ҳәа сахәаԥшуеит. Ҳәарада иҵегьы азыҟаҵара иҭахын ишдыру еиԥш абоксер мызқәак шагу аҽазыҟаҵара далагоит. Уажәтәи аиқәԥара аамҭа кьаҿк иалагӡаны иабжьган, убри азыҳәан Игор маҷк ауп игхаз еиҳагьы еиӷьны иҽазыҟаиҵартә еиԥш. Аха аиааира игеит, уи еиӷьу лҵшәоуп хымԥада", - ҳәа иҳәоит Беслан Адлеиба.Игорь Адлеиба Екатеринбург игаз аиааира иалҵшәаны Урыстәыла иреиӷьӡоу абоксерцәа жәахатәи рҭыԥ иааникылоз аҟынтәи, ажәабатәи аҭыԥ ахь дхалеит. Адунеитә реитинг 199-тәи аҭыԥ ааникылоит.Игор Адлеиба иҳәеит, дызлахәу иарбан еиндаҭразаалак Аԥсны ахьӡала, аԥсуа бираҟ аӡыргарала шакәу дышцәырҵуа, уи ихадароу принципс ишимоу атәы.Иара убас, Игор Адлеиба дазааҭгылеит иарбан еиндаҭразаалак Аквафон- GSM афинанстә цхыраарала ишимҩаԥысуа."Шьҭа хышықәса иреиҳауп, Аквафон-GSM афинанстә цхыраара сынаҭоишьҭеит. Ауаҭах аԥшаара аҟны, амҩатә харџь, аҽазыҟаҵаратә зҵаарақәа рганахь ала, иҟан еиуеиԥшым ауадаҩрақәа, аха уи шьҭа имариахеит, исыдгылоу ауаа рыбзоурала, иҭабуп ҳәа расҳәоит зегьы", - ҳәа иҳәеит Игор Адлеиба.Абоксиор афинанстә цхыраара изҭо Аквафон-GSM аспонсор хада Темыр Гәыргәылиа иҳәеит, иҳараку аспорт аҽазыҟаҵара шыуадаҩу афинанстә цхыраарада.Уажәазы абоксиор мчыбжьык иԥсы ишьоит, анаҩс иҽазыҟаҵарақәа ирыциҵоит."Аиқәԥарақәа рышьҭахь аԥсшьразы аамҭа сымоуп мчыбжьык. Уи аамҭа иалагӡаны схы аус адызуылоит, сыгхақәа сыриашоит. Еснагь сҽазыҟасҵоит еиԥымҟьарада", - ҳәа иҳәоит иара.Игор Адлеиба - WBO аверсиала аҿар рыбжьара адунеи ачемпион, изныкымкәа Аԥсны ачемпион, Урыстәылатәи Афедерациаҿы жәларбжьаратәи атурнирқәа рҿы даиааихьеит, акикбоксинг азы адунеи Ахраҿа занашьоу, Аԥсны абокс азы аспорт азҟаза, Урыстәыла аспорт азҟазарахь акандидат. Игор изы иахьатәи аиндаҭлара 14-тәиуп, иара 12 иааира игахьеит, ҩынтә еиҭахарала ихиркәшахьеит.
https://sputnik-abkhazia.info/20211211/aiaaira-gany-skhynueit-igor-adleiba-ekaterinburg-aboks-azy-ieindalara-iazkny-1036689822.html
https://sputnik-abkhazia.info/20191105/Igor-Adleiba-apress-konferentsia-Ekaterinburg-imaysyz-igylara-dalatsazheit-1028759306.html
Sputnik Аҧсны
media@sputniknews.com
+74956456601
MIA „Rossiya Segodnya“
2021
Sputnik Аҧсны
media@sputniknews.com
+74956456601
MIA „Rossiya Segodnya“
Ажәабжьқәа
ab_AB
Sputnik Аҧсны
media@sputniknews.com
+74956456601
MIA „Rossiya Segodnya“
Sputnik Аҧсны
media@sputniknews.com
+74956456601
MIA „Rossiya Segodnya“
аспорт, ажәабжьқәа
Аиааира ашьҭала: Игор Адлеиба еиҭаиҳәеит Екатеринбург имҩаԥысыз аиндаҭлара атәы
19:45 15.12.2021 (ирҿыцуп: 09:18 16.12.2021) Аԥсуа боксиор Игор Адлеиба дызлахәыз аиндаҭлара аҟны аиааира игеит, уи аихшьаала ҟаҵан Sputnik апресс-центр аҟны.
АҞӘА, ԥхынҷкәын 15 – Sputnik, Наала Гәымԥҳа. Аԥснытәи абоксиор Игор Адлеиба даиааит ҳәа аӡбаҩцәа еицҿакны аӡбамҭа рыдыркылеит асабша ԥхынҷкәын 11 рзы Екатеринбург ақалақь аҿы Асиф Керимови иареи рыбжьара имҩаԥысыз аиндаҭлараҿы.
Игор Адлеиба иажәақәа рыла, имҩаԥысыз аиндаҭлара заа иазԥхьагәаҭамызт, аха аамҭа кьаҿк иалагӡаны аҽазыҟаҵара дахьӡеит.
"Сара аханатә сҽазыҟасҵон ажьырныҳәамзазы имҩаԥысраны иҟаз аиндаҭлара. Уаҟа дсацлабраны дыҟан Нхыҵ Уаԥстәылатәи ақәԥаҩ ӷәӷәа, аха еиуеиԥшым амзызқәа ирыхҟьаны иаҟәырхит. Аҩныҟа схынҳәырц сгәы ишҭаз ауп, Екатеренбург имҩаԥысыз аицлабра атәы шсыдыргалаз. Ҳәарада, мап ацәысымкӡеит. Аиқәԥара мҩаԥысит ф-раундк рыла, ааха ӷәӷәада. Ҳгәыӷрақәа башамхеит, аиааира ҳгеит", - ҳәа иҳәеит Адлеиба.
Абоксиор иазыҟаҵаҩ Беслан Адлеиба имҩаԥысыз аиндаҭлара ахәшьара аҭо, дазааҭгылеит:
"Игорь иқәԥара ибзианы имҩаԥысит ҳәа сахәаԥшуеит. Ҳәарада иҵегьы азыҟаҵара иҭахын ишдыру еиԥш абоксер мызқәак шагу аҽазыҟаҵара далагоит. Уажәтәи аиқәԥара аамҭа кьаҿк иалагӡаны иабжьган, убри азыҳәан Игор маҷк ауп игхаз еиҳагьы еиӷьны иҽазыҟаиҵартә еиԥш. Аха аиааира игеит, уи еиӷьу лҵшәоуп хымԥада", - ҳәа иҳәоит Беслан Адлеиба.
Игорь Адлеиба Екатеринбург игаз аиааира иалҵшәаны Урыстәыла иреиӷьӡоу абоксерцәа жәахатәи рҭыԥ иааникылоз аҟынтәи, ажәабатәи аҭыԥ ахь дхалеит. Адунеитә реитинг 199-тәи аҭыԥ ааникылоит.
Игор Адлеиба иҳәеит, дызлахәу иарбан еиндаҭразаалак Аԥсны ахьӡала, аԥсуа бираҟ аӡыргарала шакәу дышцәырҵуа, уи ихадароу принципс ишимоу атәы.
"Сахьықәгылазаалакгьы ихымԥадатәиуп ҳҳәынҭқарра ахьӡала ацәырҵра. Уи заа еибаҳҳәоит, иақәшаҳаҭхартә еиԥш ҳҽазаҳшәоит. Анцәа иџьшьаны уи аганахьала аԥынгыла ҟамлацт, еснагь Аԥсны ахьӡ ҳаҳауеит", - ҳәа азгәеиҭеит Игор Адлеиба.
Иара убас, Игор Адлеиба дазааҭгылеит иарбан еиндаҭразаалак Аквафон- GSM афинанстә цхыраарала ишимҩаԥысуа.
"Шьҭа хышықәса иреиҳауп, Аквафон-GSM афинанстә цхыраара сынаҭоишьҭеит. Ауаҭах аԥшаара аҟны, амҩатә харџь, аҽазыҟаҵаратә зҵаарақәа рганахь ала, иҟан еиуеиԥшым ауадаҩрақәа, аха уи шьҭа имариахеит, исыдгылоу ауаа рыбзоурала, иҭабуп ҳәа расҳәоит зегьы", - ҳәа иҳәеит Игор Адлеиба.
Абоксиор афинанстә цхыраара изҭо Аквафон-GSM аспонсор хада Темыр Гәыргәылиа иҳәеит, иҳараку аспорт аҽазыҟаҵара шыуадаҩу афинанстә цхыраарада.
"Ҳара ҳаилазаара хықәкыс иамоуп, аҿар ргәабзиара ахылаԥшра аҭара, адгылара рыҭара, аспорт ахь агәыблыра дыркра. Иҳалшо зегьы ҟаҳҵоит аԥсуа спорт аизҳазыӷьаразы, даара ҳгәы иаахәоит ҳгәыӷрақәа андырҵабыргуа. Игор Адлеиба иаҳҭаз адгылара даԥсахеит, уи аԥсуа бокстә реитинг ҳаранакуеит", - ҳәа азгәеиҭеит Гәыргәылиа.
Уажәазы абоксиор мчыбжьык иԥсы ишьоит, анаҩс иҽазыҟаҵарақәа ирыциҵоит.
"Аиқәԥарақәа рышьҭахь аԥсшьразы аамҭа сымоуп мчыбжьык. Уи аамҭа иалагӡаны схы аус адызуылоит, сыгхақәа сыриашоит. Еснагь сҽазыҟасҵоит еиԥымҟьарада", - ҳәа иҳәоит иара.
Игор Адлеиба - WBO аверсиала аҿар рыбжьара адунеи ачемпион, изныкымкәа Аԥсны ачемпион, Урыстәылатәи Афедерациаҿы жәларбжьаратәи атурнирқәа рҿы даиааихьеит, акикбоксинг азы адунеи Ахраҿа занашьоу, Аԥсны абокс азы аспорт азҟаза, Урыстәыла аспорт азҟазарахь акандидат. Игор изы иахьатәи аиндаҭлара 14-тәиуп, иара 12 иааира игахьеит, ҩынтә еиҭахарала ихиркәшахьеит.
