Признание Сирией Абхазии - Sputnik Аҧсны, 1920, 28.10.2021
Аԥсны
Ажәабжьқәа Sputnik Аԥсны аҟны

15 шықәса: ашьапылампылтә клуб "Гагра" иазкны

© архив ФК "Гагра"ФК "Гагра"
ФК Гагра - Sputnik Аҧсны, 1920, 19.12.2021
Жәохә шықәса раԥхьа иаԥҵаз ашьапылампылтә клуб "Гагра" знысыз амҩеи, ашьапылампыл асҩцәа реихьӡарақәеи ртәы Саида Жьиԥҳа лматериал аҟны.
2006 шықәсазы Гагра араион ахадара раԥшьагарала, зҭакԥхықәра ҳәаақәҵоу аилазаара "Гагра" ашьаҭала ишьақәгылеит ашьапылампылтә клуб "Гагра". Уи иахьа уажәраанӡа напхгара азҭо насгьы азыҟаҵаҩ хадас иамоу Ҭамаз Вахтанг-иԥа Еныкь иоуп. Ари анҵамҭаҟны аԥхьаҩцәа ишәыдаагалоит Гаграа рыхьӡ ҭызго аклуб ашьақәгылара иадҳәалоу аҭоурых.
2006 шықәсазы, Ҭамаз Еныкь Москва абҩарҵәыратә культуреи аспорти Ракадемиа иашьагәыҭу иреиҳау азыҟаҵаҩцәа рышкол қәҿиарала далганы Гаграҟа дааит. Уи аамҭазы араион ахадас иҟаз Валери Бганба аспортсмен дааԥхьаны игәҭакқәа дразҵааит, реиҿцәажәараан иазыӡбан Гагра ашьапылампылтә клуб аԥҵара.
© архив ФК "Гагра"Ҭамаз Еныкь
Тамаз Еник - Sputnik Аҧсны, 1920, 18.12.2021
Ҭамаз Еныкь
"Гагра араион анапхгара аԥшьгарала, зҭакԥхықәра ҳәаақәҵоу аилазаара "Гагра" ашьаҭала ишьақәгылеит ашьапылампылтә клуб "Гагра". Ари ахҭыс акрызҵазкуа спорттә ныҳәаны иҟалеит зегьы ҳзы. Хымԥада уи аԥхьаҟагьы Гагра ақалақь ахатәы команда аман. Аха аклуб аиҿкаарала ашьапылампыл аԥсҭазаара ҿыц аиуит. Иара уи ашықәсан Аԥсны ҳачемпионхеит. Аԥыжәара иашьцылахьаз Аҟәатәи "Нарҭ" аконкурентцәа аиуит", - алаф ҳәауа раԥхьатәи риааира игәалашәоит азыҟаҵаҩ.
© Foto / из архива команды "Гагра"Футбольная команда "Гагра"
Футбольная команда Гагра - Sputnik Аҧсны, 1920, 18.12.2021
Футбольная команда "Гагра"
Ҭамаз Еныкь ахәмарыҩ иаҳасабалагьы аԥышәа ду имоуп, иара дыхәмаруан Аҟәатәи "Динамо", Маиҟәаԥтәи "Дружба", Нижни Новгородтәи "Локомотив" акомандақәа рҟны. Азыҟаҵаҩс раԥхьатәи ашьаҿақәа ҟаиҵеит Анапа, "Спартак" ахәмарыҩцәа аус рыдиулон.
Ашьапылампылтә клуб "Гагра" 15 шықәса иалагӡаны хынтә Аԥсны иачемпионхахьеит, бжьынтә Аԥсны ахраҿа иаԥшәымахахьеит, бжьынтә Аԥсны асупер-храҿа агахьеит, араӡны, аџьаз медалқәа иаԥсахахьеит.
Ашьапылампылтә клуб "Гагра" иахьазы абарҭ аспортсменцәа рыла ишьақәгылоуп: Џьанкрат Чкәуа, Асҭамыр Ҵышәба, Даниил Марганиа, Артур Лавлински, Рустам Кокосқьыр, Даур Ҷанба, Рашид Чычба, Георги Дгебуаӡе, Георги Ҭодуа, Асҭамыр Сангәылиа, Гәдиса Смыр, Леон Ҭаниа, Никита Амԥар, Никита Ашәба, Рамин Барцыц, Даниил Чыргба, Алан Еныкь, Инал Акәыжба.
"Рыӡбахә сҳәар сҭахуп иарӷьажәҩаны исывагылоу, ашьапылампылтә клуб "Гагра" анапхгаҩцәа иреиуоу Роман Ҳагба, азыҟаҵаҩи ахәмарҩи, аҿарацәа ҿырԥшыгара рзызуа Џьанкрат Чкәуа, ашьапылампылтә клуб "Гагра" акаԥдан Асҭамыр Ҵышәба. Асҭамыр CONIFA ахылаԥшрала еиҿкааз Адунеизегьтәи ашьапылампылтә чемпионат Аԥснытәи еизгоу акоманда дахәҭакны ахьы даԥсахеит. Сизыразуп убас адунеи ачемпион, уаанӡатәи ҳамбахьча, иахьа ахәыҷқәа азыҟазҵо Алексеи Бондаренко", - ҳәа азгәаиҭоит Ҭамаз Вахтанг-иԥа.
Азыҟаҵаҩ хада иажәақәа рыла, ашьапылампылтә клуб "Гагра" ахь алегионерцәагьы анаарыԥхьо ыҟоуп.
© Foto / из архива команды "Гагра"Футбольная команда "Гагра"
Футбольная команда Гагра - Sputnik Аҧсны, 1920, 18.12.2021
Футбольная команда "Гагра"
Иахьатәи ахәмарыҩцәа рахьтә ашьапылампыл аветеран Џьанкрат Чкәуа зегьы дреиҳабуп, иара 42 шықәса ихыҵуеит, иреиҵбаӡоу Инал Акәыжба 15 дырҭоуп.
"Абиԥарақәа ҩба-хԥа еилахәуп уҳәар ауеит аклуб аҟны. Џьанкрат азыҟаҵаҩсгьы дҳамоуп, аха ахәмаррақәа раан иааӡамҭацәа еиҳагьы иҿырҵаауа рацәоуп", - инаҵишьит Ҭамаз Еныкь.
Ашьапылампылтә клуб "Гагра" аилаазара изныкымкәа аҽеиҭанакхьеит. Аха уеизгьы иамоу ахԥша ацәымӡӡеит. Азыҟаҵаҩ хада Ҭамаз Вахтанг-иԥа иҳәоит, иарбан клубзаалак, мамзар командазаалак иашьагәыҭу аспортсменцәа рус мацара иаҿызар, убасҟан ауп алҵашәа аныҟало.
"Иахьа ҳшьапылампыл асцәа аспорт мацарала рхы рызныҟәгаӡом. Доусы излаилшо ала уск-уск ирҿуп. Уи хымԥада ҳахәмаррақәа ирныԥшуеит. Ашьапылампыласҩы игәы ҭыгатәуп. Уаанӡа ачемпионра мацара "рызхозтгьы" уажәы уи ҟалашьа амаӡам. Ашьапылампылтә дунеи аҭыԥ аҟны игылаӡам, аха ҳара ҳахьӡартә еиԥш ҳаҟаӡам макьана", - инаҵишьит азыҟаҵаҩ хада.
© Foto / из архива команды "Гагра"Футбольная команда "Гагра"
Футбольная команда Гагра - Sputnik Аҧсны, 1920, 18.12.2021
Футбольная команда "Гагра"
Ҭамаз Еныкь адунеи аҟны еицырдыруа ашьапылампылтә клубқәа рахьтә Мадридтәи "Реал" дазҿлымҳауп. Аха уи иаанагаӡом иара итәқәа ҟәнишьоит ҳәа. Азыҟаҵаҩ агәра игоит аиспан спортсменцәа реиԥш аԥсуа шьапылампыл асцәа алшара рымазтгьы ираԥыргаргьы ҟалон ҳәа.
Ашьапылампылтә клуб "Гагра" аҵыхәтәантәи ақәҿиарақәа иреиуахеит ааигәа Аԥсны ахраҿа агара. Гагра араион анапхгара, аҭыԥантәи аклуб амаҭәахәқәеи, амаҭәеи, ауалафахәи, апремиеи уҳәа рыла еиқәнаршәоит. Ажәакала аклуб изларылшо ала адгылара арҭоит.
Финальный матч Кубка Абхазии по футболу между командами Рица и Гагра - Sputnik Аҧсны, 1920, 02.11.2020
"Гагра" ашьапылампыл азы Аԥсны Ахраҿа анашьахеит
Ашықәс ҿыц аныҳәа аламҭалазы, Гагра араион Ахадара аспортсменцәа ақьафурҭа "Гагрыԥшь" ахь официалла иааԥхьаны, сынтәатәи рықәҿиарақәа рзы аҳамҭақәа ранаршьеит, ирзеиӷьаршьеит еиҳау аихьӡарақәа.
Ажәабжьқәа зегьы
0
Раԥхьа аҿыцқәаРаԥхьа ажәытәқәа
loader
АЕФИР АҾЫ
Заголовок открываемого материала
Жәларбжьаратәи
InternationalEnglishАнглыз бызшәаMundoEspañolАиспан бызшәа
Европа
DeutschlandDeutschАнемец бызшәаFranceFrançaisАфранцыз бызшәаΕλλάδαΕλληνικάАбырзен бызшәаItaliaItalianoАиталиа бызшәаČeská republikaČeštinaАчех бызшәаPolskaPolskiАполиак бызшәаСрбиjаСрпскиАсерб бызшәаLatvijaLatviešuАлатыш бызшәаLietuvaLietuviųАлитва бызшәаMoldovaMoldoveneascăАмолдав бызшәаБеларусьБеларускiАбелорус бызшәа
Алада Кавказ
ԱրմենիաՀայերենАерман бызшәаАҧсныАҧсышәалаАԥсуа бызшәаХуссар ИрыстонИронауАуаԥс бызшәаAzərbaycanАzərbaycancaАзербаиџьан бызшәа
Ааигәа Мрагылара
Sputnik عربيArabicАраб бызшәаTürkiyeTürkçeАҭырқә бызшәаSputnik ایرانPersianФарсиSputnik افغانستانDariДари
Агәҭантәи Азиа
ҚазақстанҚазақ тіліАҟазах бызшәаКыргызстанКыргызчаАҟырӷыз бызшәаOʻzbekistonЎзбекчаАузбек бызшәаТоҷикистонТоҷикӣАҭаџьықь бызшәа
Мрагыларатәии Алада-Мрагыларатәи Азиа
Việt NamTiếng ViệtАвиетнам бызшәа日本日本語Аиапон бызшәа中国中文Акитаи бызшәа
Алада Америка
BrasilPortuguêsАпортугал бызшәа