https://sputnik-abkhazia.info/20211226/gazprom-evropaa-shaa-akhou-agaz-nanashom-a-akhara-iadyro-azy-aak-anaeit-1036917082.html
"Газпром" Европаҟа шаҟа ахәҭоу агаз нанашьҭӡом ҳәа ахара иадырҵо азы аҭак ҟанаҵеит
"Газпром" Европаҟа шаҟа ахәҭоу агаз нанашьҭӡом ҳәа ахара иадырҵо азы аҭак ҟанаҵеит
Sputnik Аҧсны
АҞӘА, ԥхынҷкәын 26 — Sputnik. "Газпром" мап ацәнакуеит Европаҟа шаҟа ахәҭоу агаз нанашьҭӡом ҳәа ахара иадырҵо, абри атәы аанацҳауеит РИА Новости, аилахәыра... 26.12.2021, Sputnik Аҧсны
2021-12-26T11:00+0300
2021-12-26T11:00+0300
2021-12-26T11:00+0300
ажәабжьқәа
https://cdnn1.img.sputnik-abkhazia.info/img/102896/54/1028965406_0:166:3053:1883_1920x0_80_0_0_3813eea3d1f280446d0bf879dfb27e95.jpg
АҞӘА, ԥхынҷкәын 26 — Sputnik. "Газпром" мап ацәнакуеит Европаҟа шаҟа ахәҭоу агаз нанашьҭӡом ҳәа ахара иадырҵо, абри атәы аанацҳауеит РИА Новости, аилахәыра аофициалтә хаҭарнак Сергеи Куприанов иажәақәа шьаҭас иганы.Иара инаҵшьны иазгәеиҭеит Франциеи Германиеи инхо ахархәаҩцәа шықәсык рхы иадырхәарц ргәы иҭоу амҽхакқәа адырбахьеит аиқәшаҳаҭрақәа рҟны. Аилахәыра иара убас уи азы атранспорт шаҟа аҭаххогьы заанаҵ иазԥхьагәаҭан иамоуп. Куприанов иажәақәа рыла, сынтәа "Газпром" Германиаҟа инанашьҭит 50,2 миллиард кубометр агаз, уи 5,3 процент рыла еиҳауп ҵыԥх аасҭа. Италиа, Ҭырқәтәыла, Болгариа, Сербиа, Даниа, Финлиандиа, Польша рахь аекспорт ҵыԥхтәи арбагақәа раасҭа еиҳауп."Газпром" уаанӡагьы, уажәгьы иазыхиоуп амч змоу акыршықәсатәи аиқәшаҳаҭрақәа рҳәаақәа ирҭагӡаны агаз иҵегьы еиҳау амҽхак анашьҭра, усҟан уи ахә еиҳагьы еиҵахоит", - иҳәеит аилахәыра ахаҭарнак.Уи адагьы, "Газпром" аҿы алкаа ҟарҵеит аҵыхәтәантәи амшқәа рзы реверс ҳасабла Германиантәи Польшаҟа агаз шдәықәырҵо уахыки-ҽнаки рыла хә-миллион кубометрак, уантәи Украинаҟа ирышьҭуазар акәхап. "Агаз убри аан Германиа адгьыл аҵантәи аҵәахырҭақәа рҟынтәи иҭыргоит, 47 процент рҟынӡа агаз ҭыргап ҳәа ргәы иҭоуп. Аӡын уажәоуп ианалаго, ҳгәанала, ибзианы иазхәыцыр акәын", - иҳәеит Куприанов."Газпром" ахаҭарнак иазгәеиҭеит арҭ рҩызцәа агазмҩангарақәа рыхә акыр ишеиҳау Урыстәыла аиқәшаҳаҭрала инанашьҭуа агаз ахә аасҭа.Уаанӡа ари амчыбжь азы Владимир Путин ахҳәаа азиухьан агаз ахәԥса ашьҭыҵреи агазмҩангага "Иамал — Европа" аҟны амчхара ахьааннамкыло азы Москва аџьармыкьа ишаҭаху иалахәмаруеит ҳәа ирҳәои. Иара инаҵшьны иазгәеиҭеит "Газпром" акыршықәсатәи аиқәшаҳаҭрақәа рыла иазԥхьагәаҭоу агаз амҽхак зегьы шынанашьҭуа, анемеци афранцызи контрагентцәа аахәаразы азыҳәақәа шыҟарымҵаз.Аԥшьаша Аҳәынҭеилаки Аҭҵаарадырреи аҵареи рхеилаки реилатәараан Путин аҳәамҭа ҟаиҵеит европатәи атәылақәа рхаҭақәа аӡа ахә шьҭыҵратә иҟарҵеит урыстәылатәи агаз реверс ҳасабла аҭира ианалага.Украина 2015 шықәса раахыс урыстәылатәи агаз Урыстәыла иамнахәҳаӡом, уи Европа атәылақәа рҿы иаанахәоит. 2020 шықәса цәыббрамза инаркны Киев урыстәылатәи агаз реверс ҳасабла иаанахәо иалагеит, Украина иалсны Европаҟа ицо агаз ахәҭак Украина иазынхоит. 2020 шықәсанӡа уи "Газпроми" дареи ирыбжьаз аиқәшаҳаҭра иалнаршомызт.
https://sputnik-abkhazia.info/20211006/Evropa-agaz-akh-1600-dollar-eiakheit-1033359854.html
https://sputnik-abkhazia.info/20211007/Kreml-eiyrykhaeit-Evropa-agaz-akh-izatslaz-azy--1033365379.html
Sputnik Аҧсны
media@sputniknews.com
+74956456601
MIA „Rossiya Segodnya“
2021
Sputnik Аҧсны
media@sputniknews.com
+74956456601
MIA „Rossiya Segodnya“
Ажәабжьқәа
ab_AB
Sputnik Аҧсны
media@sputniknews.com
+74956456601
MIA „Rossiya Segodnya“
Sputnik Аҧсны
media@sputniknews.com
+74956456601
MIA „Rossiya Segodnya“
ажәабжьқәа
АҞӘА, ԥхынҷкәын 26 — Sputnik. "Газпром" мап ацәнакуеит Европаҟа шаҟа ахәҭоу агаз нанашьҭӡом ҳәа ахара иадырҵо, абри атәы аанацҳауеит
РИА Новости, аилахәыра аофициалтә хаҭарнак Сергеи Куприанов иажәақәа шьаҭас иганы.
"Урыстәылеи "Газпроми" рганахьала Европаҟа шаҟа ахәҭоу агаз нарышьҭӡом ҳәа ирҳәо ахарадҵақәа зегьы акала ииашам, ҵаҵӷәы рымам, зынӡаскгьы иҳадаҳкылаӡом. Иааидкыланы иуҳәозар, уи зегьы мцуп", - ҳәа иҳәеит апресс-маӡаныҟәгаҩ ателеканал "
Россия 1" аефир аҿы.
Иара инаҵшьны иазгәеиҭеит Франциеи Германиеи инхо ахархәаҩцәа шықәсык рхы иадырхәарц ргәы иҭоу амҽхакқәа адырбахьеит аиқәшаҳаҭрақәа рҟны. Аилахәыра иара убас уи азы атранспорт шаҟа аҭаххогьы заанаҵ иазԥхьагәаҭан иамоуп.
Куприанов иажәақәа рыла, сынтәа "Газпром" Германиаҟа инанашьҭит 50,2 миллиард кубометр агаз, уи 5,3 процент рыла еиҳауп ҵыԥх аасҭа. Италиа, Ҭырқәтәыла, Болгариа, Сербиа, Даниа, Финлиандиа, Польша рахь аекспорт ҵыԥхтәи арбагақәа раасҭа еиҳауп.
"Газпром" уаанӡагьы, уажәгьы иазыхиоуп амч змоу акыршықәсатәи аиқәшаҳаҭрақәа рҳәаақәа ирҭагӡаны агаз иҵегьы еиҳау амҽхак анашьҭра, усҟан уи ахә еиҳагьы еиҵахоит", - иҳәеит аилахәыра ахаҭарнак.
Уи адагьы, "Газпром" аҿы алкаа ҟарҵеит аҵыхәтәантәи амшқәа рзы реверс ҳасабла Германиантәи Польшаҟа агаз шдәықәырҵо уахыки-ҽнаки рыла хә-миллион кубометрак, уантәи Украинаҟа ирышьҭуазар акәхап.
"Агаз убри аан Германиа адгьыл аҵантәи аҵәахырҭақәа рҟынтәи иҭыргоит, 47 процент рҟынӡа агаз ҭыргап ҳәа ргәы иҭоуп. Аӡын уажәоуп ианалаго, ҳгәанала, ибзианы иазхәыцыр акәын", - иҳәеит Куприанов.
"Газпром" ахаҭарнак иазгәеиҭеит арҭ рҩызцәа агазмҩангарақәа рыхә акыр ишеиҳау Урыстәыла аиқәшаҳаҭрала инанашьҭуа агаз ахә аасҭа.
Уаанӡа ари амчыбжь азы Владимир Путин ахҳәаа азиухьан агаз ахәԥса ашьҭыҵреи агазмҩангага "Иамал — Европа" аҟны амчхара ахьааннамкыло азы Москва аџьармыкьа ишаҭаху иалахәмаруеит ҳәа ирҳәои. Иара инаҵшьны иазгәеиҭеит "Газпром" акыршықәсатәи аиқәшаҳаҭрақәа рыла иазԥхьагәаҭоу агаз амҽхак зегьы шынанашьҭуа, анемеци афранцызи контрагентцәа аахәаразы азыҳәақәа шыҟарымҵаз.
Аԥшьаша Аҳәынҭеилаки Аҭҵаарадырреи аҵареи рхеилаки реилатәараан Путин аҳәамҭа ҟаиҵеит европатәи атәылақәа рхаҭақәа аӡа ахә шьҭыҵратә иҟарҵеит урыстәылатәи агаз реверс ҳасабла аҭира ианалага.
Украина 2015 шықәса раахыс урыстәылатәи агаз Урыстәыла иамнахәҳаӡом, уи Европа атәылақәа рҿы иаанахәоит. 2020 шықәса цәыббрамза инаркны Киев урыстәылатәи агаз реверс ҳасабла иаанахәо иалагеит, Украина иалсны Европаҟа ицо агаз ахәҭак Украина иазынхоит. 2020 шықәсанӡа уи "Газпроми" дареи ирыбжьаз аиқәшаҳаҭра иалнаршомызт.
