Аԥсны ишьақәырӷәӷәоуп министррақәак русзуҩцәа рхыԥхьаӡареи урҭ рныҟәгараз иахәҭоу аԥареи
10:07 29.12.2021 (ирҿыцуп: 13:28 29.12.2021)
© Foto / АПСНЫПРЕСС
Анапаҵаҩра
АҞӘА, ԥхынҷкәын 28 – Sputnik. Аԥсны аиҳабыра реилатәара мҩаԥысит ԥхынҷкәын 28 рзы ҳәа аанацҳауеит "Аԥсныпресс".
Амшхәаԥштә шьақәгылан азҵаарақәа 22 рыла.
Аминистрцәа реилазаара ишьақәнарӷәӷәеит 2022 шықәсазы министррақәак русзуҩцәа рхыԥхьаӡареи урҭ рныҟәгараз иахәҭоу аԥареи:
Аиустициа аминистрра аппарат аусзуҩцәа рхыԥхьаӡара 207 штаттә ак ҳәа ишьақәырӷәӷәоуп, рныҟәгара иазоужьуп 56 миллион 245 нызқь мааҭ.
Асоциалтә еиқәыршәареи адемографиатә политикеи рминистрра аппарат аусзуҩцәа рхыԥхьаӡара 53 штаттә ак ҳәа ишьақәырӷәӷәоуп, рныҟәгара иазоужьуп 14 миллион 199 нызқь мааҭ.
Аҵареи абызшәатә политикеи рминистрра аппарат аусзуҩцәа рхыԥхьаӡара 61 штат ак ҳәа ишьақәырӷәӷәоуп, рныҟәгара иазоужьуп 16 миллион 431 нызқь мааҭ.
Аҭагылазаашьа ҷыдақәа рминистрра аппарат аусзуҩцәа рхыԥхьаӡара 572 штат ак ҳәа ишьақәырӷәӷәоуп, рныҟәгара иазоужьуп 185 миллион 944 нызқь мааҭ.
Акультура аминистрра аппарат аусзуҩцәа рхыԥхьаӡара 48,5 штат ак ҳәа ишьақәырӷәӷәоуп, рныҟәгара иазоужьуп 10 миллион 575 нызқь мааҭ.
Аҳәынҭқарратә ҳазалхратә еилакы аппарат аусзуҩцәа рхыԥхьаӡара 379 штат ак ҳәа ишьақәырӷәӷәоуп, рныҟәгара иазоужьуп 187 миллион 231 нызқь мааҭ.
Акапиталтә ргылараз аусбарҭа аппарат аусзуҩцәа рхыԥхьаӡара - 35 штат ак ҳәа ишьақәырӷәӷәоуп, рныҟәгара иазоужьуп 5 миллион 341 нызқь мааҭ.
Уи адагьы, аиҳабыра ирыдыркылеит Аԥсни Урыстәылеи рыбжьара азеиԥш социалтәи аекономикатәи ҵакыра аиҿкааразы апрограмма анагӡараз ауснагӡатәқәа Рыплан-график. Адокумент рыдигалеит Аҳәынҭстандарт анапхгаҩы Галуст Трапизониан. Иара иазгәеиҭеит Аплан-график урыстәылатәи аган ақәшаҳаҭра шамоу.
22 Ԥхынҷкәын 2021, 20:00
Аиҳабыра иара убасгьы ирыдыркылеит аусԥҟа "Аелектронтә напынҵамҭеи агәраргагатә центр ахархәагақәа рыҭареи рзы". Адокумент рыдигалеит Афинансқәа рминистр Владимир Делба.
"Иааиуа ашықәс инаркны аелектронтә напынҵамҭа ахархәара ҳалагоит. Иахьазы 300 лицензиа ҳамоуп. Урҭ аҳәынҭқарратә шәарҭадаратә усбарҭақәа рҭахра иақәшәо иҟоуп", - иҳәеит иара.
Афинансқәа рминистрра аимадареи, амассатә коммуникациақәеи, ацифратә ҿиареи реилак ианаҭеит аелектронтә напынҵамҭеи агәраргагатә центр ахархәагақәеи 8 019 739 мааҭ рыхә.
Аминистрцәа реилазаара ишьақәнарӷәӷәеит 2019 шықәса ԥхынгәы 25 рзы напы зҵаҩыз "Аԥсни Аахыҵ Уаԥстәылеи рыбжьара автомашьынатә еимадаразы Аиқәшаҳаҭра".
Аԥсны Адәныҟатәи аусқәа рминистрра Ашәарҭадаратә хеилак ианаҭеит автомашьына Mercedes Benz S 550, 2006 шықәсазы иҭыжьыз, збаланстә хәыԥса 788 нызқь мааҭ ыҟоу.
