https://sputnik-abkhazia.info/20211230/ateatr-zysazaaraz-asny-zhlar-rartistka-nelli-lakoba-diizhei-85-shysa-it-1036973123.html
Атеатр зыԥсҭазаараз: Аԥсны Жәлар рартистка Нелли Лакоба диижьҭеи 85 шықәса ҵит
Атеатр зыԥсҭазаараз: Аԥсны Жәлар рартистка Нелли Лакоба диижьҭеи 85 шықәса ҵит
Sputnik Аҧсны
Аԥсуа ҳәынҭқарратә драматә театр 50 шықәса инеиԥынкыланы амаҵ азызухьаз, Аԥсны Жәлар рартистка Нелли Лакоба иахьа илхыҵуазаарын 85 шықәса. 30.12.2021, Sputnik Аҧсны
2021-12-30T13:49+0300
2021-12-30T13:49+0300
2021-12-30T14:34+0300
аԥсны
аналитикеи аиҿцәажәарақәеи
https://cdnn1.img.sputnik-abkhazia.info/img/102638/13/1026381331_0:126:1001:689_1920x0_80_0_0_e7f6528f593e4e3857d4d7cdd895e433.jpg
Нелли Лакоба раԥхьаӡакәны асценахь дцәырҵит 1968 шықәсазы. Уи инаркны лхы-лыԥсы зегьы ақәҵаны асценатә хаҿсахьақәа баҩхатәра ҳаракыла иаалырԥшон. Зус ҭакԥхықәра дулла иазнеиуаз Нелли Лакәаԥҳа, лрольқәа иналыгӡоз ахәаԥшцәа ргәаҵанӡа инеиуан. Лара илылшеит ажәлар рыбзиабара аԥсахара."Неллии сареи еиҳа ҳаизааигәахеит Аԥсуа драматә театр аҟны аусеицура ҳаналага нахыс. Лареи сареи акыр арольқәа ҳаицыхәмархьан, раԥхьаӡатәиуп Грибоедов ипиесала аспектакль "Зыхшыҩ зызрыцҳау". 23 шықәса ҳаицыхәмаруан Искандер иҩымҭала аспектакль "Махаз" аҟны", - ҳәа игәалаиршәоит Аԥсуа драматә театр актер Кьасоу Ҳагба.Иара иазгәеиҭеит, Нелли Лакоба лаҟазара адагьы уи шаҟа дуаҩы аамсҭашәаз, зегьы дшырзааигәаз.Збаҩхатәра ҳаракыз Нелли Лакоба қәҿиарала акыр аспектакльқәа рыҟны дыхәмарит: "Ашьха ҭыԥҳа", "Зыхшыҩ зызрыцҳау", "Махаз", "Аӡыхь абжьы" уҳәа. Нелли Лакоба лхы-лыԥсы ақәҵаны аԥсуа культура дазааԥсон, асцена лара лзыҳәаны ԥсҭазааран, иԥсыршьаган."Нелли дрылиааит зчеиџьыка ҭбааз аҭаацәа. Усҟан аспектакльқәа ҳаманы ақыҭақәа ҳрылсуан, Нелли Лакоба лыҩны уеиҩсны уаар луамызт, акырынтә лаб игәараҭахь ҳамҩахыҵхьан, пату ҳақәырҵахьан. Ҭаацәала ҳара ҳамҩахыҵра ныҳәак ирзаҩызан", - ҳәа азгәаиҭоит Кьасоу Хагба.Аԥснытәи АССР зҽаԥсазтәыз артистка, Аԥсны Жәлар рартистка Нелли Лакоба диит Лыхны ақыҭан ԥхынҷкәын 30 1936 шықәсазы. 1968 шықәсазы Қарҭтәи аҳәынҭқарратә атеатртә институт далганы аусура далагеит Аԥсуа драматә театр аҟны. Иара убри ашықәсан Аԥснытәи АССР иреиҳаӡоу аилак адепутатс далхын.2010 шықәсазы аспектакль "Махаз" аҟны Урыстәылазегьтәи атеатртә фестиваль аҿы "Иреиӷьу аԥҳәыс лроль" назыгӡаз ҳәа далкааны иланаршьеит Фаина Раневскаиа лыхьӡ зху апремиа. Нелли Лакоба "Ахьӡ-аԥша" аорден ахԥатәи аҩаӡара ланашьан.
https://sputnik-abkhazia.info/20190124/Sabua-Nelli-Lakoba-ilyzkny-astsenakh-atsyrra-lara-lzy-ianakyzaalak-ishou-usyn-1026395419.html
https://sputnik-abkhazia.info/20180327/apsua-teatr-ahkuashza-ireiuas-1023499563.html
https://sputnik-abkhazia.info/20180425/apsua-tetatrt-kasara-aezah-1023760045.html
Sputnik Аҧсны
media@sputniknews.com
+74956456601
MIA „Rossiya Segodnya“
2021
Ажәабжьқәа
ab_AB
Sputnik Аҧсны
media@sputniknews.com
+74956456601
MIA „Rossiya Segodnya“
Sputnik Аҧсны
media@sputniknews.com
+74956456601
MIA „Rossiya Segodnya“
аналитикеи аиҿцәажәарақәеи
аналитикеи аиҿцәажәарақәеи
Атеатр зыԥсҭазаараз: Аԥсны Жәлар рартистка Нелли Лакоба диижьҭеи 85 шықәса ҵит
13:49 30.12.2021 (ирҿыцуп: 14:34 30.12.2021) Наала Гәымԥҳа
Sputnik акорреспондент
Аԥсуа ҳәынҭқарратә драматә театр 50 шықәса инеиԥынкыланы амаҵ азызухьаз, Аԥсны Жәлар рартистка Нелли Лакоба иахьа илхыҵуазаарын 85 шықәса.
Нелли Лакоба раԥхьаӡакәны асценахь дцәырҵит 1968 шықәсазы. Уи инаркны лхы-лыԥсы зегьы ақәҵаны асценатә хаҿсахьақәа баҩхатәра ҳаракыла иаалырԥшон. Зус ҭакԥхықәра дулла иазнеиуаз Нелли Лакәаԥҳа, лрольқәа иналыгӡоз ахәаԥшцәа ргәаҵанӡа инеиуан. Лара илылшеит ажәлар рыбзиабара аԥсахара.
24 Ажьырныҳәа 2019, 10:20
"Неллии сареи еиҳа ҳаизааигәахеит Аԥсуа драматә театр аҟны аусеицура ҳаналага нахыс. Лареи сареи акыр арольқәа ҳаицыхәмархьан, раԥхьаӡатәиуп Грибоедов ипиесала аспектакль "Зыхшыҩ зызрыцҳау". 23 шықәса ҳаицыхәмаруан Искандер иҩымҭала аспектакль "Махаз" аҟны", - ҳәа игәалаиршәоит Аԥсуа драматә театр актер Кьасоу Ҳагба.
Иара иазгәеиҭеит, Нелли Лакоба лаҟазара адагьы уи шаҟа дуаҩы аамсҭашәаз, зегьы дшырзааигәаз.
"Нелли иаҳәшьак, анык леиԥш даҳзыҟан. Иарбан уадаҩразаалак иаҳԥылоз аҟны ҟәышрыла амҩа ҳақәылҵон, ҳааигәа дыҟан еснагь. Еиҳабык лаҳасаб ала, зегьы дрыхӡыӡаауан, аҩызцәа, аколлектив рыгәҭаны пату ду лықәын, зегьы ргәы лзыбылуан. Акырынтә агастрольқәа рахь ҳаицны аҳәаанырцә ҳцахьан, убраҟагьы анык леиԥш лылаԥш ҳхын, афатә-ажәтә ҳаглыжьуамызт, еснагь ҵәахык лыман, аԥҳәыс барақьаҭ ҳәа ззыуҳәашаз лакәын", - ҳәа иҳәоит Кьасоу Ҳагба.
Збаҩхатәра ҳаракыз Нелли Лакоба қәҿиарала акыр аспектакльқәа рыҟны дыхәмарит: "Ашьха ҭыԥҳа", "Зыхшыҩ зызрыцҳау", "Махаз", "Аӡыхь абжьы" уҳәа. Нелли Лакоба лхы-лыԥсы ақәҵаны аԥсуа культура дазааԥсон, асцена лара лзыҳәаны ԥсҭазааран, иԥсыршьаган.
"Нелли дрылиааит зчеиџьыка ҭбааз аҭаацәа. Усҟан аспектакльқәа ҳаманы ақыҭақәа ҳрылсуан, Нелли Лакоба лыҩны уеиҩсны уаар луамызт, акырынтә лаб игәараҭахь ҳамҩахыҵхьан, пату ҳақәырҵахьан. Ҭаацәала ҳара ҳамҩахыҵра ныҳәак ирзаҩызан", - ҳәа азгәаиҭоит Кьасоу Хагба.
Аԥснытәи АССР зҽаԥсазтәыз артистка, Аԥсны Жәлар рартистка Нелли Лакоба диит Лыхны ақыҭан ԥхынҷкәын 30 1936 шықәсазы. 1968 шықәсазы Қарҭтәи аҳәынҭқарратә атеатртә институт далганы аусура далагеит Аԥсуа драматә театр аҟны. Иара убри ашықәсан Аԥснытәи АССР иреиҳаӡоу аилак адепутатс далхын.
2010 шықәсазы аспектакль "Махаз" аҟны Урыстәылазегьтәи атеатртә фестиваль аҿы "Иреиӷьу аԥҳәыс лроль" назыгӡаз ҳәа далкааны иланаршьеит Фаина Раневскаиа лыхьӡ зху апремиа. Нелли Лакоба "Ахьӡ-аԥша" аорден ахԥатәи аҩаӡара ланашьан.
