Признание Сирией Абхазии - Sputnik Аҧсны, 1920, 28.10.2021
Аԥсны
Ажәабжьқәа Sputnik Аԥсны аҟны

Аслан Бжьаниа Аԥсны жәлар Ашықәс ҿыц рыдиныҳәалеит

© Sputnik / Томас ТхайцукАслан Бжания
Аслан Бжания - Sputnik Аҧсны, 1920, 01.01.2022
Анапаҵаҩра
АҞӘА, ажьырныҳәа 1 - Sputnik. Аԥсны ахада Аслан Бжьаниа Аԥсны жәлар 2022-тәи Ашықәс ҿыц рыдиныҳәалеит Аԥсуа телехәаԥшра аефир аҟны.

"Акыр иаԥсоу Аԥсны жәлар! Ашықәс ҿыц иадаҳҳәалоит агәыӷра лашақәа, иҿыцу агәҭакқәа. Иҳаҩсыз ашықәс ачымазара бааԥс иахҟьаны ҳажәлар аԥсреи абзареи ирҭагылан. Аԥсны анҭыҵ инхо ҳауаажәлари ҳҳақьымцәеи рымч еибыҭаны, ирылшоз зегьы ҟарҵеит имариамыз аҭагылазаашьа ацәцаразы. Иара убас афымцамч, аӡымҩангара русхк аҿы ауадаҩрақәа ҳрықәшәеит. Урҭ рҭыԥ иқәызҵоз ҳтәылауаа, иара убас азинхьчаратә усбарҭақәа русзуҩцәа, уахи-ҽни, имыцәа-имтәа аус зуаз, иҭабуп ҳәа расҳәар сҭахуп", - иҳәеит ахада.

Иара иазгәеиҭеит иҳаҩсыз ашықәсаз ҳазхьымӡаз шыҟазгьы, иҳалшазгьы шыҟаз, агәрагарагьы ааирԥшит иааиуа ашықәсаз иҟоу ауадаҩрақәа ҳшыриааиуа.
"Сара агәра згоит иааиуа ашықәсазы ҳажәҩахыр еибыҭаны, иҟоу ауадаҩрақәа ҳшыриааиуа, иацы иҳалымшаз шҳалҳаршо!" - иҳәеит атәыла ахада.
Иара Аԥсны жәлар зегьы ирзеиӷьеишьеит агәабзиара, аҭынчра, аҿиара.
"Ҩнаҭацыԥхьаӡа иагымзааит анасыԥ, аҳәоуеиқәшәара, агәырӷьара! Ҽаанбзиала шәнеиааит, сыуаажәлар!" - иҳәеит Аԥсны ахада Аслан Бжьаниа адныҳәалараҿы.
Ажәабжьқәа зегьы
0