https://sputnik-abkhazia.info/20220103/asny-akhyrbaait-ynua-shenai-agmaaa-lysadgyl-iazkny-1036926357.html
"Аԥсны ҳахырбааит": ҳџьынџьуаҩ Шьенаи Агәмааԥҳа лыԥсадгьыл иазкны
"Аԥсны ҳахырбааит": ҳџьынџьуаҩ Шьенаи Агәмааԥҳа лыԥсадгьыл иазкны
Sputnik Аҧсны
Ҳџьынџьуаа рхылҵшьҭрақәа, рҭоурыхтә ԥсадгьыл аҭаара алшара анроу зықьҩыла иааны рабдуцәа рыдгьыл иқәгылеит, шәҩыла наӡаӡа ихынҳәит. Иахьа лыӡбахә шәзеиҭасҳәоит... 03.01.2022, Sputnik Аҧсны
2022-01-03T17:20+0300
2022-01-03T17:20+0300
2022-01-03T17:40+0300
арепатриациа
арепатриациа
https://cdnn1.img.sputnik-abkhazia.info/img/07e5/0c/1b/1036929737_0:96:1024:672_1920x0_80_0_0_8ae1de85ed3fbee50f139def828aad6e.jpg
Ҭырқәтәыла инхо ҳџьынџьуаа аӡәырҩы рыԥсҭазаара Германиа иадҳәалоуп. Џьоукы уахь аусура ицаны иаангылеит, егьырҭ аҵара ҵаны ҩаԥхьа Ҭырқәтәылаҟа ихынҳәит. Шьенаи Агәмааԥҳа лакәзар, лаб Омери лан Саадеҭ Ҭарԥҳаи Германиа аусқәа руан азы акыр шықәса уаҟа иҟан, рхәыҷқәагьы аҳәаанырцә ирызҳаит."Ҳара ҳҭаацәараҟны фҩык ахшара ҳаҟан, ԥшьҩык аиаҳәшьцәеи ҩыџьа аишьцәеи. Егьырҭ раасҭа сара схәыҷра Ҭырқәтәыла имҩасит сҳәарц сылшоит. Санду Назлы Ашәԥҳа слааӡеит", - еиҭалҳәоит ҳџьынџьуаҩ.Амҳаџьырра аамҭақәа раан, атәым дгьыл ахь ихырҵәаз Шьенаи лабду иабду Мудир иоуп. Иара дхәыҷны Ҭырқәтәылаҟа дықәнагалеит. Даазгаз ихылҵшьҭра ирыздырӡом. Ажәакала Мудир знапы даныз ахҵәацәа Ефҭениа ақыҭан, аԥсуаа, лымкаала Шәлиман Ашәба ишьақәиргылаз, иахьа Сулеиманбеи ҳәа изышьҭоу ацуҭаҟны инхеит. Мудир Агәмаагьы идац ара иаиркит."Сара сабду Беқьир иҟынтәи ауп ҳабиԥара шысгәалашәо. Иара дзаҵәын. Инасыԥхаз санду Назлы Ашәԥҳаи иареи ҩыџьа аԥацәа рхылҵит, саби уи иашьа Иашьари. Ҳаҩнаҭаҟны зегьы ибзианы ҳхатәы бызшәа ҳдыруеит. Акыр шықәса Германиа ҳшыҟазгьы иаҳхамшҭӡеит. Уи зыбзоуроу ашьаҭа ҳзыркыз ҳанду лоуп", - ҳәа азгәалҭоит Шьенаи.Шьенаи Агәмааԥҳа Есқьишьеҳиртәи ауниверситет ауаажәларратә еимадара афакультет далгеит, аха лзанааҭ ала аус луртә еиԥш изыҟамлеит ичмазаҩыз лан дахьлыдтәалаз инамаданы.Шьенаи 13 шықәса раахыс Сақариа иҟоу Кавказ акультуратә Центр даҭаауеит. Араҟа иреизарҭа ҭыԥуп, ихәшҭаароуп Кавказ ахаҭарнакцәа зегьы."Адернеқь аҟны ҳазҿлымҳаны аԥсуа бызшәа ҳҵоит, рҵаҩцәас иҳамоуп Фаарықә Ажьибеи Ирфан Ахәаҷбеи. Акурсқәа ирҭаауеит аинтерес змоу егьырҭ амилаҭқәа рхаҭарнакцәагьы. Араҟа еиуеиԥшым аиԥыларақәа еиҿаҳкаауеит. Кавказ ашәаҳәаратәи акәашаратәи агәыԥқәа аԥҵоуп. Аԥснынтәи асасцәа анаауа иҳадаҳкылоит. Шықәсқәак раԥхьа Кавказ Адернеқь хазы хыбраны идыргылеит аҟнытә даара иманшәалахеит ҳара ҳзы", - лҳәоит ҳџьынџьуаҩ.Шьенаи Агәмааԥҳа жәашықәса инацны иҵоит раԥхьаӡакәны Аԥсныҟа данаа. Лара аҳәаа дшаахыҵыз еиԥш "Аԥсны ҳахырбааит" ҳәа агәыхь лызцәырҵит."Аԥснытәи аҳауа анылбаазда сыҩнуҵҟа зегьы аҽеиҭанакит. Иаразнак иснырит ари адгьыл сара ишыстәыз. Ҳара жәла-жәлала ԥыҭҩык ҳаицын. Асасааирҭа "Интер-Сухум" ҳаангылеит. Аха ҳаӡбахә заҳаз ҳажәлантәқәа иааны ҳаргеит. Мураҭ Агәмааи, иԥшәмаԥҳәыси, сареи аҩныҟа ҳаргеит Аҟәа инхоз Варлам Агәмаа иҭаацәа. Урҭ амшқәа ашана ацны имҩасит", - илгәалашәоит Шьенаи.Ҳџьынџьуаа Аԥсны иҟанаҵы рҭоурыхтә ԥсадгьыл аҭыԥ ԥшӡарақәа рахь аныҟәарақәа рзымҩаԥган. Доусы рыешьара ахьынхоз ақыҭақәа дырбан. Шьенаи илгәалашәоит иахьынаԥшааԥшуаз зехьынџьара лаӷырӡыла ишынаскьаргоз."Ҭырқәтәылаҟа ҳанаа, ҳҭынхаҵәеи ҳҩызцәеи иаҳзықәдыргылоз азҵаарақәа ҵыхәаԥҵәара рымамызт. "Ижәбеи? Ишәаҳаи? Изеиԥшреи ҳабдуцәа рыдгьыл уҳәа. Ҳаргьы, џьанаҭ ҳаҟан, саԥсыуоуп ҳәа зхы иазызҳәо адунеи нижьаанӡа уи иблала ибароуп ҳәа раҳҳәеит", - лажәа иацылҵоит аԥҳәызба.Шьенаи Агәмааԥҳа лгәазыҳәара хадақәа иреиуоуп атәым дгьылқәа рахь иқәнагалаз аԥсуаа рҭоурыхтә дгьыл еиднакыларц. Ари аус аҿы ахацәа рыгәаӷьра иалшо рацәоуп ҳәа агәаанагара лымоуп лара. Иахьа зшәымҭа иҭагылоу ахьымӡаргьы, "аӡы ахьышьҭрахь игьежьуеит" шырҳәо еиԥш абиԥара ҿа рабдуцәа рхәышҭаараҭыԥ иаднаԥхьалап ҳәа дгәыӷуеит.
Sputnik Аҧсны
media@sputniknews.com
+74956456601
MIA „Rossiya Segodnya“
2022
Саида Жьиԥҳа
https://cdnn1.img.sputnik-abkhazia.info/img/07e5/07/0f/1032843706_750:0:2797:2047_100x100_80_0_0_5296ee4582322343fafed0d2d84e5823.png
Саида Жьиԥҳа
https://cdnn1.img.sputnik-abkhazia.info/img/07e5/07/0f/1032843706_750:0:2797:2047_100x100_80_0_0_5296ee4582322343fafed0d2d84e5823.png
Ажәабжьқәа
ab_AB
Sputnik Аҧсны
media@sputniknews.com
+74956456601
MIA „Rossiya Segodnya“
Sputnik Аҧсны
media@sputniknews.com
+74956456601
MIA „Rossiya Segodnya“
Саида Жьиԥҳа
https://cdnn1.img.sputnik-abkhazia.info/img/07e5/07/0f/1032843706_750:0:2797:2047_100x100_80_0_0_5296ee4582322343fafed0d2d84e5823.png
арепатриациа
"Аԥсны ҳахырбааит": ҳџьынџьуаҩ Шьенаи Агәмааԥҳа лыԥсадгьыл иазкны
17:20 03.01.2022 (ирҿыцуп: 17:40 03.01.2022) Ҳџьынџьуаа рхылҵшьҭрақәа, рҭоурыхтә ԥсадгьыл аҭаара алшара анроу зықьҩыла иааны рабдуцәа рыдгьыл иқәгылеит, шәҩыла наӡаӡа ихынҳәит. Иахьа лыӡбахә шәзеиҭасҳәоит "Аԥсны ҳахырбааит" ҳәа раԥхьаӡа зыԥсадгьыл баны агәыхь зауз, Ҭырқәтәыла инхо ҳџьынџьуаҩ Шьенаи Агәмааԥҳа.
Ҭырқәтәыла инхо ҳџьынџьуаа аӡәырҩы рыԥсҭазаара Германиа иадҳәалоуп. Џьоукы уахь аусура ицаны иаангылеит, егьырҭ аҵара ҵаны ҩаԥхьа Ҭырқәтәылаҟа ихынҳәит. Шьенаи Агәмааԥҳа лакәзар, лаб Омери лан Саадеҭ Ҭарԥҳаи Германиа аусқәа руан азы акыр шықәса уаҟа иҟан, рхәыҷқәагьы аҳәаанырцә ирызҳаит.
"Ҳара ҳҭаацәараҟны фҩык ахшара ҳаҟан, ԥшьҩык аиаҳәшьцәеи ҩыџьа аишьцәеи. Егьырҭ раасҭа сара схәыҷра Ҭырқәтәыла имҩасит сҳәарц сылшоит. Санду Назлы Ашәԥҳа слааӡеит", - еиҭалҳәоит ҳџьынџьуаҩ.
Амҳаџьырра аамҭақәа раан, атәым дгьыл ахь ихырҵәаз Шьенаи лабду иабду Мудир иоуп. Иара дхәыҷны Ҭырқәтәылаҟа дықәнагалеит. Даазгаз ихылҵшьҭра ирыздырӡом. Ажәакала Мудир знапы даныз ахҵәацәа Ефҭениа ақыҭан, аԥсуаа, лымкаала Шәлиман Ашәба ишьақәиргылаз, иахьа Сулеиманбеи ҳәа изышьҭоу ацуҭаҟны инхеит. Мудир Агәмаагьы идац ара иаиркит.
"Сара сабду Беқьир иҟынтәи ауп ҳабиԥара шысгәалашәо. Иара дзаҵәын. Инасыԥхаз санду Назлы Ашәԥҳаи иареи ҩыџьа аԥацәа рхылҵит, саби уи иашьа Иашьари. Ҳаҩнаҭаҟны зегьы ибзианы ҳхатәы бызшәа ҳдыруеит. Акыр шықәса Германиа ҳшыҟазгьы иаҳхамшҭӡеит. Уи зыбзоуроу ашьаҭа ҳзыркыз ҳанду лоуп", - ҳәа азгәалҭоит Шьенаи.
Шьенаи Агәмааԥҳа Есқьишьеҳиртәи ауниверситет ауаажәларратә еимадара афакультет далгеит, аха лзанааҭ ала аус луртә еиԥш изыҟамлеит ичмазаҩыз лан дахьлыдтәалаз инамаданы.
Шьенаи 13 шықәса раахыс Сақариа иҟоу Кавказ акультуратә Центр даҭаауеит. Араҟа иреизарҭа ҭыԥуп, ихәшҭаароуп Кавказ ахаҭарнакцәа зегьы.
"Адернеқь аҟны ҳазҿлымҳаны аԥсуа бызшәа ҳҵоит, рҵаҩцәас иҳамоуп Фаарықә Ажьибеи Ирфан Ахәаҷбеи. Акурсқәа ирҭаауеит аинтерес змоу егьырҭ амилаҭқәа рхаҭарнакцәагьы. Араҟа еиуеиԥшым аиԥыларақәа еиҿаҳкаауеит. Кавказ ашәаҳәаратәи акәашаратәи агәыԥқәа аԥҵоуп. Аԥснынтәи асасцәа анаауа иҳадаҳкылоит. Шықәсқәак раԥхьа Кавказ Адернеқь хазы хыбраны идыргылеит аҟнытә даара иманшәалахеит ҳара ҳзы", - лҳәоит ҳџьынџьуаҩ.
Шьенаи Агәмааԥҳа жәашықәса инацны иҵоит раԥхьаӡакәны Аԥсныҟа данаа. Лара аҳәаа дшаахыҵыз еиԥш "Аԥсны ҳахырбааит" ҳәа агәыхь лызцәырҵит.
"Аԥснытәи аҳауа анылбаазда сыҩнуҵҟа зегьы аҽеиҭанакит. Иаразнак иснырит ари адгьыл сара ишыстәыз. Ҳара жәла-жәлала ԥыҭҩык ҳаицын. Асасааирҭа "Интер-Сухум" ҳаангылеит. Аха ҳаӡбахә заҳаз ҳажәлантәқәа иааны ҳаргеит. Мураҭ Агәмааи, иԥшәмаԥҳәыси, сареи аҩныҟа ҳаргеит Аҟәа инхоз Варлам Агәмаа иҭаацәа. Урҭ амшқәа ашана ацны имҩасит", - илгәалашәоит Шьенаи.
Ҳџьынџьуаа Аԥсны иҟанаҵы рҭоурыхтә ԥсадгьыл аҭыԥ ԥшӡарақәа рахь аныҟәарақәа рзымҩаԥган. Доусы рыешьара ахьынхоз ақыҭақәа дырбан. Шьенаи илгәалашәоит иахьынаԥшааԥшуаз зехьынџьара лаӷырӡыла ишынаскьаргоз.
"Ҭырқәтәылаҟа ҳанаа, ҳҭынхаҵәеи ҳҩызцәеи иаҳзықәдыргылоз азҵаарақәа ҵыхәаԥҵәара рымамызт. "Ижәбеи? Ишәаҳаи? Изеиԥшреи ҳабдуцәа рыдгьыл уҳәа. Ҳаргьы, џьанаҭ ҳаҟан, саԥсыуоуп ҳәа зхы иазызҳәо адунеи нижьаанӡа уи иблала ибароуп ҳәа раҳҳәеит", - лажәа иацылҵоит аԥҳәызба.
Шьенаи Агәмааԥҳа лгәазыҳәара хадақәа иреиуоуп атәым дгьылқәа рахь иқәнагалаз аԥсуаа рҭоурыхтә дгьыл еиднакыларц. Ари аус аҿы ахацәа рыгәаӷьра иалшо рацәоуп ҳәа агәаанагара лымоуп лара. Иахьа зшәымҭа иҭагылоу ахьымӡаргьы, "аӡы ахьышьҭрахь игьежьуеит" шырҳәо еиԥш абиԥара ҿа рабдуцәа рхәышҭаараҭыԥ иаднаԥхьалап ҳәа дгәыӷуеит.
