https://sputnik-abkhazia.info/20220125/asikhologiat-khmarra-rusdram-aspektakl-grenkholm-imetod-akharbara-aznarkhioit-1037285106.html
Апсихологиатә хәмарра: РУСДРАМ аспектакль "Гренхольм иметод" аԥхьарбара азнархиоит
Апсихологиатә хәмарра: РУСДРАМ аспектакль "Гренхольм иметод" аԥхьарбара азнархиоит
Sputnik Аҧсны
Испаниатәи адраматург Жорди Гальсеран ипиеса иалху аспектакль “Гренхольм иметод” Искандер ихьӡ зху Аурыс драматә театр аҿы ықәиргылоит урыстәылатәи актиор... 25.01.2022, Sputnik Аҧсны
2022-01-25T17:44+0300
2022-01-25T17:44+0300
2022-01-25T19:41+0300
аԥсны
акультура
ажәабжьқәа
https://cdnn1.img.sputnik-abkhazia.info/img/07e5/02/10/1031845543_0:103:1500:947_1920x0_80_0_0_8241269986c604500eccb99dfb0733c0.jpg
АҞӘА, ажьырныҳәа 25 - Sputnik, Сариа Кәарцхьиаԥҳа. РУСДРАМ иқәнаргылоит испаниатәи адраматург Жорди Гальсеран ипиеса иалху аспектакль "Гренхольм иметод", абри атәы Sputnik иазеиҭеиҳәоит атеатр адиректор хада Иракли Хынҭәба.Хынҭәба иажәақәа рыла ари аҩыза апиеса Аԥсны иқәыдмыргылацт."Ари апиеса психологиатә триллеруп. Асиужет иагьымариоуп, иагьыуадаҩуп, еиуеиԥшым аартрақәа амоуп. Ахәаԥшҩы даднахалоит. Сааҭки бжаки ицо аспектакль аҿы актиорцәа, аперсонажқәа ганрацәала ахәаԥшҩы рхы идырбоит. Ибзиоуп ҳәа ирыԥхьаӡо иаалырҟьаны аҽа ганкахьала дааԥшуеит. Акыр аинтерес аҵоуп", - иҳәоит иара.Хынҭәба агәра игоит арежиссиор Марк Вдовин актиорцәа аус рыцура шилшо."Убри азоуп аспектакль ахәаԥшцәа аинтерес азаадырԥшуеит ҳәа сызгәыӷуа. Хәажәкыра анҵәамҭаз аԥхьарбара мҩаԥгахап ҳәа ҳаҟоуп. Аспектакль алахәылацәа рсиа хиоуп. Аҽазыҟаҵарақәа мҩаԥыргалоит: Емиль Петров, Марина Сыҷынааԥҳа, Кирилл Шишкин, Рубен Депелиан. Аԥсахрақәа ҟалар ҟалоит, аха урҭ рнап иану аус шынарыгӡо агәра згоит", - иҳәоит Иракли Хынҭәба.РУСДРАМ уаанӡагьы аҽа ԥхьарбарак шыҟало рыланаҳәахьан - "Сара исыхҳәаам" - Маиа Тульчинскаиа лпиеса. Урыстәылеи Ермантәылеи зҽаԥсазтәыз артистка Вера Бабичева лмоноспектакль атеатр арепертуар иалоуп, аха макьаназ идыдмырбац."Атеатр аусзуҩцәа идҳарбахьеит. Исҳәар сҭахуп агәахәара узҭо спектакльны ишыҟалаз. Вера Бабичева – Урыстәыла иреиӷьу актрисацәа дреиуоуп, Маиа Тульчинскаиа иактуалу лтекст, арежиссиор Мариа Романова лҟыбаҩ – зегь еилаӡҩоит. Аԥкрақәа шааҳхырхлак аспектакль ахәаԥшҩы идгалахоит",-иҳәеит адиректор хада.Ажьырныҳәа 24 рзы атәыла аиҳабыра рҿы аковидҿагыларатә уснагӡатәқәа аԥсахрақәа рылагалара иалацәажәеит, хаҭала акультура аусҳәарҭақәа рзы."Асанитартә маҵзура абжьагарақәа азыԥхьагәаҭаны ҳусура ахацыркра ҳазыхиоуп. Адунеитә ԥышәа иаҳнарбоит акультура аусҳәарҭақәа иуадаҩу аепидемҭагылазаашьақәа раангьы аус шыруа", - иҳәеит Иракли Хынҭәба.Аԥсны акультура аусҳәарҭақәа рашәара 12 раахыс русура аанкылоуп аҿкы аламырҵәаразы иалагалоу аԥкрақәа ирыхҟьаны.
https://sputnik-abkhazia.info/20211215/rusdram-vera-babicheva-dalarkhny-amonospektakl-aznarkhioit-1036723726.html
Sputnik Аҧсны
media@sputniknews.com
+74956456601
MIA „Rossiya Segodnya“
2022
Sputnik Аҧсны
media@sputniknews.com
+74956456601
MIA „Rossiya Segodnya“
Ажәабжьқәа
ab_AB
Sputnik Аҧсны
media@sputniknews.com
+74956456601
MIA „Rossiya Segodnya“
Sputnik Аҧсны
media@sputniknews.com
+74956456601
MIA „Rossiya Segodnya“
акультура, ажәабжьқәа
Апсихологиатә хәмарра: РУСДРАМ аспектакль "Гренхольм иметод" аԥхьарбара азнархиоит
17:44 25.01.2022 (ирҿыцуп: 19:41 25.01.2022) Испаниатәи адраматург Жорди Гальсеран ипиеса иалху аспектакль “Гренхольм иметод” Искандер ихьӡ зху Аурыс драматә театр аҿы ықәиргылоит урыстәылатәи актиор, арежиссиор Марк Вдовин.
АҞӘА, ажьырныҳәа 25 - Sputnik, Сариа Кәарцхьиаԥҳа. РУСДРАМ иқәнаргылоит испаниатәи адраматург Жорди Гальсеран ипиеса иалху аспектакль "Гренхольм иметод", абри атәы Sputnik иазеиҭеиҳәоит атеатр адиректор хада Иракли Хынҭәба.
“Гренхольм иметод” ықәиргылоит урыстәылатәи актиор, арежиссиор Марк Вдовин.
Хынҭәба иажәақәа рыла ари аҩыза апиеса Аԥсны иқәыдмыргылацт.
"Ари апиеса психологиатә триллеруп. Асиужет иагьымариоуп, иагьыуадаҩуп, еиуеиԥшым аартрақәа амоуп. Ахәаԥшҩы даднахалоит. Сааҭки бжаки ицо аспектакль аҿы актиорцәа, аперсонажқәа ганрацәала ахәаԥшҩы рхы идырбоит. Ибзиоуп ҳәа ирыԥхьаӡо иаалырҟьаны аҽа ганкахьала дааԥшуеит. Акыр аинтерес аҵоуп", - иҳәоит иара.
Хынҭәба агәра игоит арежиссиор Марк Вдовин актиорцәа аус рыцура шилшо.
"Убри азоуп аспектакль ахәаԥшцәа аинтерес азаадырԥшуеит ҳәа сызгәыӷуа. Хәажәкыра анҵәамҭаз аԥхьарбара мҩаԥгахап ҳәа ҳаҟоуп. Аспектакль алахәылацәа рсиа хиоуп. Аҽазыҟаҵарақәа мҩаԥыргалоит: Емиль Петров, Марина Сыҷынааԥҳа, Кирилл Шишкин, Рубен Депелиан. Аԥсахрақәа ҟалар ҟалоит, аха урҭ рнап иану аус шынарыгӡо агәра згоит", - иҳәоит Иракли Хынҭәба.
РУСДРАМ уаанӡагьы аҽа ԥхьарбарак шыҟало рыланаҳәахьан - "Сара исыхҳәаам" - Маиа Тульчинскаиа лпиеса. Урыстәылеи Ермантәылеи зҽаԥсазтәыз артистка Вера Бабичева лмоноспектакль атеатр арепертуар иалоуп, аха макьаназ идыдмырбац.
"Атеатр аусзуҩцәа идҳарбахьеит. Исҳәар сҭахуп агәахәара узҭо спектакльны ишыҟалаз. Вера Бабичева – Урыстәыла иреиӷьу актрисацәа дреиуоуп, Маиа Тульчинскаиа иактуалу лтекст, арежиссиор Мариа Романова лҟыбаҩ – зегь еилаӡҩоит. Аԥкрақәа шааҳхырхлак аспектакль ахәаԥшҩы идгалахоит",-иҳәеит адиректор хада.
Ажьырныҳәа 24 рзы атәыла аиҳабыра рҿы аковидҿагыларатә уснагӡатәқәа аԥсахрақәа рылагалара иалацәажәеит, хаҭала акультура аусҳәарҭақәа рзы.
"Асанитартә маҵзура абжьагарақәа азыԥхьагәаҭаны ҳусура ахацыркра ҳазыхиоуп. Адунеитә ԥышәа иаҳнарбоит акультура аусҳәарҭақәа иуадаҩу аепидемҭагылазаашьақәа раангьы аус шыруа", - иҳәеит Иракли Хынҭәба.
Аԥсны акультура аусҳәарҭақәа рашәара 12 раахыс русура аанкылоуп аҿкы аламырҵәаразы иалагалоу аԥкрақәа ирыхҟьаны.
