https://sputnik-abkhazia.info/20220128/niaa-afilarmonia-ausura-aiakhatsyrkrazy-auay-aydi-abysei-matsara-dazymkhatsuazaroup-1037316869.html
Џьниаԥҳа афилармониа аусура аиҭахацыркразы: ауаҩы аҟәыди абысҭеи мацара дазымхәыцуазароуп
Џьниаԥҳа афилармониа аусура аиҭахацыркразы: ауаҩы аҟәыди абысҭеи мацара дазымхәыцуазароуп
Sputnik Аҧсны
Аҿкчымазара алмырҵәаразы аԥкрақәа акультуратә хәышҭаарақәа рганахьала ианаԥырх ашьҭахь, Аԥснытәи аҳәынҭқарратә филармониа аусура иахьынӡазхиоу атәы арадио... 28.01.2022, Sputnik Аҧсны
2022-01-28T11:34+0300
2022-01-28T11:34+0300
2022-01-28T18:06+0300
арадио
аԥсны
хра злоу ахҭысқәа
аподкаст
https://cdnn1.img.sputnik-abkhazia.info/img/07e6/01/1b/1037317040_0:0:2000:1125_1920x0_80_0_0_9c1f232e2be41ea9be4a7ea40a5cb316.jpg
Хра злоу ахҭысқәа: Џьниаԥҳа аԥкрақәа рышьҭахь афилармониа аусура аиҭахацыркра атәы
Sputnik Аҧсны
Хра злоу ахҭысқәа: Џьниаԥҳа аԥкрақәа рышьҭахь афилармониа аусура аиҭахацыркра атәы
Аԥсны ауааԥсыра COVID-19 рацәыхьчаразы иалагалаз аԥкрақәа инарықәыршәаны 2021 шықәса нанҳәамзаахыс русура аанкылан акультура аусбарҭақәеи аспорттә хыбрақәеи. Ажьырныҳәа 25 рзы дара русура ахацыркразы азин рыҭан."Ҳәарада, ҳахиоуп аусура, ҳазыԥшуижьҭеи акырҵуеит, ҳаигәырӷьеит ажәабжь, аха макьана иаҳзеилкаауам иарбан санитартә нормақәоу иҳадыргало, иҳаилдыркаап ҳәа сгәы иаанагоит. Ҵыԥх аԥкрақәа рнаҩс маҷк аус ҳуан, афилармониа аартын, усҟан ҳрықәныҟәон адҵақәа: ахәаԥшцәа асабрадақәа рҿан, хара-хара иҳартәон. Усҟан иаауаз ыҟан, ачымазара иацәшәазгьы ҟалеит, уи еилукаартә иҟоуп. Уажәгьы ус акәхап, аха зынӡа ашәқәа чаԥаны акультуартә хәышҭаарақәа зегьы раркра иашаӡам. Акультуратә хәышҭаара уи ахыбреи аҭыӡқәеи ракәӡам, уи ауаа роуп. Актиорцәа, амузыкантцәа, артистцәа асценахь ицәырымҵыр, нас ишԥаҟало рпрофессионалтә ҩаӡара?",- лҳәеит Џьниаԥҳа.Лара иазгәалҭеит апандемиазы адунеи зегьы аҟны акультуратә хәышҭаарақәа аус руазар, Аԥсны уи азҵаара даҽа ӡбашьак заиураны иҟоузеи ҳәа.Аԥснытәи аҳәынҭқарратә филармониа асахьаркыратә напхгаҩы еиҭалҳәеит ақәгыларақәа рзы гәҭакқәас ирымоу, урҭ аналыршахо атәы, иарбан гастрольқәоу иазгәарҭо афилармониа артистцәа.Есма Џьниаԥҳа иазгәалҭеит иуадаҩу аамҭа аангьы ауаа адоуҳа иазхәыцлароуп ҳәа."Ауаҩы аԥсҭазаара уадаҩ данҭагылоугьы иҟазароуп адоуҳатә ԥсҭазаара. Абысҭеи аҟәыди мацара уазхәыцуазар, узеиԥшрахои? Ҳара ҳхаҭа ҳҽыҳаԥсахыр, ҳаԥсҭазаарагьы аҽаԥсахуеит. Лассы-ласс исаҳалоит иаҳцәыӡит ҳаԥсуара, апатуеиқәҵара ҳәа. Иаҳцәыӡит адоуҳаатә ԥсҭазааразы аҩнуҵҟатәи азхәыцра. Ҳныҟәалроуп атеатрқәа, афилармониақәа рахь, ҳрыԥхьалароуп ашәҟәқәа, ауаа ҟәышқәа ҳарзыӡырҩлароуп, нас аԥсҭазаарагьы аҽаԥсахуеит", - лҳәеит Џьниаԥха.Аицәажәара инарҭбааны ишәаҳар шәылшоит аудиофаил аҟны.
Sputnik Аҧсны
media@sputniknews.com
+74956456601
MIA „Rossiya Segodnya“
2022
Sputnik Аҧсны
media@sputniknews.com
+74956456601
MIA „Rossiya Segodnya“
Ажәабжьқәа
ab_AB
Sputnik Аҧсны
media@sputniknews.com
+74956456601
MIA „Rossiya Segodnya“
Sputnik Аҧсны
media@sputniknews.com
+74956456601
MIA „Rossiya Segodnya“
аԥсны, хра злоу ахҭысқәа, аподкаст, аудио
аԥсны, хра злоу ахҭысқәа, аподкаст, аудио
Џьниаԥҳа афилармониа аусура аиҭахацыркразы: ауаҩы аҟәыди абысҭеи мацара дазымхәыцуазароуп
11:34 28.01.2022 (ирҿыцуп: 18:06 28.01.2022) Аҿкчымазара алмырҵәаразы аԥкрақәа акультуратә хәышҭаарақәа рганахьала ианаԥырх ашьҭахь, Аԥснытәи аҳәынҭқарратә филармониа аусура иахьынӡазхиоу атәы арадио Sputnik аефир аҟны еиҭалҳәеит афилармониа асахьаркыратә напхгаҩы Есма Џьниаԥҳа.
Аԥсны ауааԥсыра COVID-19 рацәыхьчаразы иалагалаз аԥкрақәа инарықәыршәаны 2021 шықәса нанҳәамзаахыс русура аанкылан акультура аусбарҭақәеи аспорттә хыбрақәеи. Ажьырныҳәа 25 рзы дара русура ахацыркразы азин рыҭан.
"Ҳәарада, ҳахиоуп аусура, ҳазыԥшуижьҭеи акырҵуеит, ҳаигәырӷьеит ажәабжь, аха макьана иаҳзеилкаауам иарбан санитартә нормақәоу иҳадыргало, иҳаилдыркаап ҳәа сгәы иаанагоит. Ҵыԥх аԥкрақәа рнаҩс маҷк аус ҳуан, афилармониа аартын, усҟан ҳрықәныҟәон адҵақәа: ахәаԥшцәа асабрадақәа рҿан, хара-хара иҳартәон. Усҟан иаауаз ыҟан, ачымазара иацәшәазгьы ҟалеит, уи еилукаартә иҟоуп. Уажәгьы ус акәхап, аха зынӡа ашәқәа чаԥаны акультуартә хәышҭаарақәа зегьы раркра иашаӡам. Акультуратә хәышҭаара уи ахыбреи аҭыӡқәеи ракәӡам, уи ауаа роуп. Актиорцәа, амузыкантцәа, артистцәа асценахь ицәырымҵыр, нас ишԥаҟало рпрофессионалтә ҩаӡара?",- лҳәеит Џьниаԥҳа.
Лара иазгәалҭеит апандемиазы адунеи зегьы аҟны акультуратә хәышҭаарақәа аус руазар, Аԥсны уи азҵаара даҽа ӡбашьак заиураны иҟоузеи ҳәа.
Аԥснытәи аҳәынҭқарратә филармониа асахьаркыратә напхгаҩы еиҭалҳәеит ақәгыларақәа рзы гәҭакқәас ирымоу, урҭ аналыршахо атәы, иарбан гастрольқәоу иазгәарҭо афилармониа артистцәа.
Есма Џьниаԥҳа иазгәалҭеит иуадаҩу аамҭа аангьы ауаа адоуҳа иазхәыцлароуп ҳәа.
"Ауаҩы аԥсҭазаара уадаҩ данҭагылоугьы иҟазароуп адоуҳатә ԥсҭазаара. Абысҭеи аҟәыди мацара уазхәыцуазар, узеиԥшрахои? Ҳара ҳхаҭа ҳҽыҳаԥсахыр, ҳаԥсҭазаарагьы аҽаԥсахуеит. Лассы-ласс исаҳалоит иаҳцәыӡит ҳаԥсуара, апатуеиқәҵара ҳәа. Иаҳцәыӡит адоуҳаатә ԥсҭазааразы аҩнуҵҟатәи азхәыцра. Ҳныҟәалроуп атеатрқәа, афилармониақәа рахь, ҳрыԥхьалароуп ашәҟәқәа, ауаа ҟәышқәа ҳарзыӡырҩлароуп, нас аԥсҭазаарагьы аҽаԥсахуеит", - лҳәеит Џьниаԥха.
Аицәажәара инарҭбааны ишәаҳар шәылшоит аудиофаил аҟны.
