Кремль: Лукашенко Ҟрым, Аԥсны, Аахыҵ Уаԥстәыла азхоуҵароуп ҳәа иаҳәара аҭахӡам

© Sputnik / Алексей Даничев / Афотобанк ахь аиасраВиды Москвы
Виды Москвы - Sputnik Аҧсны, 1920, 08.02.2022
Анапаҵаҩра
Yandex newsTelegram
Урыстәыла Аԥсни Аахыҵ Уаԥстәылеи рхьыԥшымра азханаҵеит 2008 шықәса нанҳәамзазы, ишьақәгылоуп адипломатиатә еизыҟазаашьақәа.
АҞӘА, жәабран 8 – Sputnik. Лукашенко Ҟрым, Аԥсны, Аахыҵ Уаԥстәыла азхоуҵароуп ҳәа иаҳәара аҭахӡам ҳәа рԥхьаӡоит Кремль аҿы ҳәа РИА Новости иазеиҭеиҳәеит Урыстәыла ахада ипресс-маӡаныҟәгаҩ Дмитри Песков.

"Ара иҟоуп аҭагылазаашьақәа: закәанлеи фактлеи, иҟоуп Урыстәыла Аԥсни Аахыҵ Уаԥстәылеи рхьыԥшымра азхаҵара, иҟоуп адипломатиатә еизыҟазаашьақәа, Урыстәыла иахәҭаку Ҟрым. Ари иҟаҵәҟьоу ҭагылазаашьоуп. Уи атәы Александр Григори-иԥа (Лукашенко - аред.) ибзианы идыруеит. Иахәҭаны ианибо аамҭазы ихала аӡбара идикылашт. Абри инахырҳәҳәаны ак ҟауҵароуп ҳәа аӡәгьы иеиҳәом", - иҳәеит Песков.

Уаанӡа YouTube-канал "Соловьев Live" аҿы Урыстәылатәи ажурналист Владимир Соловиов Минск Ареспублика Ҟрым астатуси Аԥсни Аахыҵ Уаԥстәылеи разхаҵареи шәышԥахәаԥшуеи ҳәа ииҭаз азҵаара аҭакс Беларуссиа ахада Александр Лукашенко иҳәеит, Ҟрым Урыстәыла ишатәу азхаҵареи Аԥсни Аахыҵ Уаԥстәылеи рсуверинитет азхаҵареи дшазыхиахо ари ашьаҿа ахәҭаны ианиԥхьаӡалак ашьҭахь.
"Сара ари ахәҭоуп ҳәа ишысыԥхьаӡалак, ахада (Урыстәыла ахада - аред.) ари хымԥадатәуп ҳәа ансеиҳәалак", - иҳәеит Лукашенко.
Аԥсны Аҳәынҭқарраҿы Ареспублика Белорусиа ахада Александр Лукашенко, Минск Аԥсны Аҳәынҭқарра азханаҵар алшоит ҳәа, иҟаиҵаз иҳәамҭа агәахәара ҳнаҭеит ҳәа рҳәеит Аԥсны ААР аҿы.
Аԥсны, Урыстәыла иаҩызцәоу аҳәынҭқаррақәа, Аԥсны ажәлар рҭахрақәа еилызкаауа рҩызара иазыхиоуп ҳәа аҳәоит аминистрра ахҳәааҿы.
Ажәабжьқәа зегьы
0