Лавров иҳәеит ашәарҭадараз аҭакԥхықәра аилагара шахәҭам

© Sputnik Виктор Толочко / Амедиаҵәахырҭахь аиасраМинистр иностранных дел РФ Сергей Лавров
Министр иностранных дел РФ Сергей Лавров - Sputnik Аҧсны, 1920, 12.02.2022
Анапаҵаҩра
Асабша жәабран 12 рзы Урыстәыла Адәныҟатәи аусқәа рминистр Сергеи Лаврови Еиду Америкатәи Аштатқәа аҳәынҭқарратә маӡаныҟәгаҩ Ентони Блинкени ҭелла реицәажәара мҩаԥысит.
АҞӘА, жәабран 12 – Sputnik. Урыстәыла ААР ахада Сергеи Лавров ЕАА аҳәынҭқарратә маӡаныҟәгаҩ Ентони Блинкен асабша телла даниацәажәоз иигәалаиршәеит Евро-Атланика аҟны ашәарҭадараз аҭакԥхықәра аилагара шахәҭам, ҳәа аҩуеит РИА Новости.
"Лавров иргәалаиршәеит ҟалашьа змам ахымҩапгара ҟамлар шакәу Евро-Атланика аҟны ашәарҭадараз аҭакԥхықәра аиламгараз", - ҳәа аҳәоит Урыстәыла ААР аҳәамҭаҿы аицәажәара аихшьаалақәа рыла.
Иара убас Лавров иҳәеит, Москва азын ихадоу ԥҟаран иҟоу ашәарҭадара ахәдықәҵараз апроект адокументқәа Мраҭашәараа рхымҩаԥгашьала гәхьаамкрыла ишазнеиуа.
Президент РФ В. Путин провел совещание с руководством министерства обороны РФ и предприятий ОПК - Sputnik Аҧсны, 1920, 02.02.2022
Путин иҳәеит ЕАА Урыстәыла ҷыдала хьаас ирымоу азҵаарақәа хырҩа шрырымҭаз
"Урыстәылатәи ААР ахада ишазгәеиҭаз ала, урыстәыла-америкатәии НАТОи реиқәшаҳаҭра ашәарҭадара ахәдықәҵараз апроект адокументқәа инаҳашьҭыз гәхьаамкрыла иазнеиуеит, ҳара ҳзын ихадоу ԥҟаран иҟоу зегь раԥхьа игылоуп урыстәылатәи аҳәаақәа рзааигәара алианс аҽамырҭбаареи ажәыларатә бџьар уахь анамгареи", - ҳәа аҳәоит ААР аҳәамҭаҟны.
Иара убасгьы, Ловров ЕАА аҳәынҭқарратә маӡаныҟәгаҩ иацәажәараан иазгәеиҭеит Америкатәи апропагандатә еилахәыреи уи адгылаҩцәеи имҩаԥырго "урыстәылатәи агрессиа" ҳәа Украина аганахь ала аичырчара хықәкыс ишамоу.
Урыстәыла Адәныҟатәи аусқәа рминистрра аиҿцәажәаразы иҟанаҵаз аихшьаалатә шәҟәы аҟны иазгәаҭоуп, "адәныҟаполитикатә усбарҭақәа рхадацәа шазааҭгылаз ҩганктәи аизыҟазаашьақәа ирыдҳәалоу хра злоу азҵаарақәагьы". Уаҟа иарбаӡам хықәкыла иарбан зҵаарақәоу амшхәаԥштә аҿы излацәажәаз.
Ажәабжьқәа зегьы
0