Признание Сирией Абхазии - Sputnik Аҧсны, 1920, 28.10.2021
Аԥсны
Ажәабжьқәа Sputnik Аԥсны аҟны

"Аԥсныбылтәы" уаанӡатәи ахада 140 миллион мааҭ игеит ҳәа ахара ихарарҵоит

© Sputnik / Томас ТхайцукЗдание генеральной прокуратуры
Здание генеральной прокуратуры - Sputnik Аҧсны, 1920, 16.02.2022
Анапаҵаҩра
Yandex newsTelegram
2020 шықәса хәажәкырамзазы Аҳәынҭеилахәыра адиректор хада иганахь ала аԥареимҵәараз ашьаус хацыркын.
АҞӘА, жәабран 16 - Sputnik. Аԥсны апрокуратура хада ашьаусҭҵааратә усбарҭа заанаҵтәи аусҭҵаара хнаркәшеит, "Аԥсныбылтәы" уаанӡатәи ахада Беслан Аҩӡба иганахь ала ҳәа аанацҳауеит аусбарҭа асаит.
Аҩӡба харан идырҵоит аҳәынҭмазара 8 хҭыск рыла еимиҵәеит имаҵзуратә ҭыԥ ихы иархәаны ҳәа.
Аусҭҵаара алкаақәа рыла Аҩӡба ихарала аматериалтә ԥхасҭа ишьақәнартәоит 146 959 196 мааҭ.
Аусҭҵаара ишьақәнаргылеит аԥареимҵәара шымҩаԥысуаз абылтәы-хьшьтәы материалқәа Беслан Аҩӡба ихьӡала ашәҟә раныхрала - 55 миллион мааҭ рыхә, даҽа шьоуки иԥсхьоу ахаҿқәеи рыхьӡала - 64 миллион мааҭ рыхә. Иӷьычыз аԥарақәа, ауал зқәу аилахәырақәа рҟынтә ироуз 13 миллион мааҭ ыҟан, иԥаршеиз аилаӡарақәа рыла ироуз 9, 5 миллион мааҭ ыҟан, аилахәыра акассаҟынтә ироуз - 3 миллионки 920 нызқьмааҭ ыҟан.
Ахара здырҵо Аҩӡба аус аматериалқәа анидырдырлак ашьҭахь, заанаҵтәи аусҭҵааратә усбарҭа аус Апрокурор хада ихаҭыԥуаҩ иахь инанашьҭуеит ахарадҵаратә хыркәша амҩаԥгаразы.
2020 шықәса хәажәкырамза 12 азы Аҳәынҭеилахәыра адиректор хада Беслан Аҩӡба иганахь ала аԥареимҵәараз ашьаус хацыркын. Усҟан аԥхасҭа 31 миллион ҳәа ахә шьан.
Ажәабжьқәа зегьы
0