https://sputnik-abkhazia.info/20220223/aa-iaadyrtit-asuaa-ryaasha-akultura-iazku-atsyrgaa-1037736885.html

Аҟәа иаадыртит аԥсуаа рҩыҟаҵашьа акультура иазку ацәыргақәҵа

Аҟәа иаадыртит аԥсуаа рҩыҟаҵашьа акультура иазку ацәыргақәҵа

Sputnik Аҧсны

Аԥсуаа рҩыҟаҵашьа акультура иазку мышктәи ацәыргақәҵахь инаган 40 қәҵарба, аекспозициа иашьагәыҭын асахьаҭыхыҩ Леуарса Быҭәба х-хәҭак рыла ишьақәгылоу иусумҭа. 23.02.2022, Sputnik Аҧсны

2022-02-23T17:09+0300

2022-02-23T17:09+0300

2022-02-23T17:10+0300

аԥсны

ажәабжьқәа

акультура

https://cdnn1.img.sputnik-abkhazia.info/img/07e6/02/17/1037736542_0:160:3072:1888_1920x0_80_0_0_778a7c2d9cad48649189892e7b201b4b.jpg

АҞӘА, жәабран 23 – Sputnik, Бадраҟ Аҩӡба. Аԥсуа рҩыҟаҵашьа акультура иазку ацәыргақәҵа аартын азауад "Аԥсны аҩқәеи аӡқәеи" агьамабаратә зал аҿы жәабран 23 азы Аҟәа.Анаплакы "Аԥсны аҩқәеи аӡқәеи" аҩыҟаҵаҩ хада Валери Аҩӡба еиҭеиҳәеит, аилахәыра иҭнажьуа аҩқәа руак Искандер иаҳаҭыраз "Чагьам" шахьӡу, уи иара дазыразхеит.Аҩӡба иҳәеит, Фазиль Искандер ииубилеи аламҭалазы усҟантәи ахада Владислав Арӡынба ԥыҭҩык еизигеит, ари арыцхә азы иҟаҵатәу алацәажәаразы, ари аусутә гәыԥ Валери Аҩӡбагьы далахәын."Искандери сареи ҳаибадыруан, ҳаиҩызцәан, игьама бзианы издыруан, уи азы исҭаххеит ихьӡала аҩы ҭыжьзарц. Владислав Григори-иԥа идызгалеит ихьӡала аҩы "Сандро" ахьӡаҳҵарц. "Сандро, ухаҭа уоуп. Аҽак хәыц" – иҳәеит иара. Абас ала иит аҩы ахьӡ - "Чагьам," – еиҭеиҳәоит Аҩӡба.Абри ашьҭахь, аԥснытәи аделегациа Москваҟа иахьцоз Валери Аҩӡба ашәҟәыҩҩы изы ари аҩы шьҭихит.Валери Аҩӡба иазгәеиҭеит аҩы аԥсуа культура иузаҟәымыҭхо ишадҳәало.Ацәыргақәҵа аиҿкааҩцәа ируаӡәку Баҭал Кобахьиа иеиҭеиҳәеит, быжьбаҟа шықәса раԥхьа Ельвира Арсалиаԥҳаи иареи ишаԥырҵаз акультуратә ҭынха еиҭамҵуа ахыбрақәа рсиа. Убасҟан ишцәырҵыз иматериалтәым аҭынха ареестр ҷыда аԥҵара аидеиа."Ҳәарада ари иуадаҩу усуп. Аҭҵаара ду аҭахуп. Имаҷымкәа иҟоуп аетнологцәа, афольклористцәа, аҭоурыхдырыҩцәа рыҭҵаамҭақәа, ркьыԥхьымҭақәа. Аха урҭ еизактәуп. Агәахәара ду ҳнаҭоит анаплакы аҵыхәтәантәи аамҭазы Аԥсны аӡахәааӡареи аҩыҟаҵараеи ртема актуалра аманы иахьазнеиуа", - иҳәеит Кобахьиа.Ацәыргақәҵа еиҿкаауп апроект "Акультура амҩеихысырҭа" аҳәаақәа ирҭагӡаны, авторцәас иамоуп Ельвира Арсалиаԥҳаи Баҭал Кобахьиеи.Ацәыргақәҵаҿ инаган асахьаҭыхыҩ Витали Қацәба ирҿиамҭақәа 20, археологиатә ԥшаахқәа, ажәытә гравиурақәа.Ацзыргақәҵа иашьагәыҭын 15 шықәса раԥхьа аҩызауад аҿаҵарала асахьаҭыхыҩ Леуарса Быҭәба иҟаиҵаз х-хәҭак рыла ишьақәгылоу иусумҭақәа.

https://sputnik-abkhazia.info/20220223/arsaliaa-ayaara-iazku-atsyrgaazy-temak-anua-amaterial-esnag-ainteres-aoup--1037712536.html

https://sputnik-abkhazia.info/20201003/Atraditsiei-aourykhi-Sputnik-any-eiareit-azhytan-asuaa-ay-shyaroz-1031043746.html

2022

Ажәабжьқәа

ab_AB

ажәабжьқәа, акультура