Микрофон  - Sputnik Аҧсны, 1920
Арадио

Ҳазлацәажәаша ҳамоуп: Гәымба адоктортә диссертациа ахьчаразы темас ишьҭихыз атәы

Ҳазлацәажәаша ҳамоуп: Гәымба адоктортә диссертациа ахьчаразы темас ишьҭихаз атәы
Анапаҵаҩра
НовостиTelegram
Ақырҭцәа ҳәа иҟоу амилаҭ рыхьӡ аҭыԥ ахьӡ аҟынтәи ишаауа, уи аҭыԥ аҟны уаанӡа инхоз уҳәа ртәы арадио Sputnik аефир аҟны адоктортә диссертациазы иалихыз атема атәы еиҭеиҳәеит аҭоурыхҭҵааҩ Гәырам Гәымба.
Аԥснытәи аҳәынҭқарратә университет аҭоурыхтә факультет аҟны имҩаԥысит Аԥсны аҭоурыхи, археологиеи, аетнологиеи Урыстәылеи аҳәаанырцәтәи аҳәынҭқаррақәеи рҭоурых акафедрақәа русзуҩцәа реилатәра. Аилатәараҟны имҩаԥысит аҭоурыхтә ҭҵаарадыррақәа ркандидат, адоцент Гәырам Џьота-иԥа Гәымба "Аладатәи Кавказ иаҵанакуа аетно-культуратә аиммиграциатә процессқәа" ҳәа хьӡыс измаз идоктортә диссертациа ахцәажәара.
Аҭоурыхҭҵааҩ Гәырам Гәымба иқәгылараҟны инарҭбааны еиҭеиҳәеит идоктортә диссертациа ахқәеи ахәҭаҷқәеи иаадырԥшуа ахықәкы хада. Ахцәажәара иалахәыз аҭоурыхҭҵааҩцәа адиссертант азҵаарақәа ирҭон.
Анаҩс, аусумҭа арецензентцәа аҭоурыхтә ҭҵаарадыррақәа ркандидат, адоцент Сима Дбари аҭоурыхтә ҭҵаарадыррақәа рдоктор, апрофессор Омар Маани рықәгыларақәа рҟны иазгәарҭеит Гәырам Гәымба ишьҭихыз атема раԥхьаӡа акәны аԥсуа ҭоурых аҟны инарҵауланы асистематә шьаҭа аҭаны аҭҵаара шилшаз. Аҭоурыхтә факультет адекан Алик Габелиа иазгәеиҭеит адиссертациа аетнологиа-ҭоурыхтә ҟазшьа шамоу.
Гәырам Гәымба идоктортә диссертациа ахцәажәара ахыркәшамҭазы аҵарауаа иазырыӡбеит аусумҭа ахьчарахь анашьҭра.
Аицәажәара аудиофаил аҟны ишәаҳар шәылшоит.
Ажәабжьқәа зегьы
0