https://sputnik-abkhazia.info/20220306/fazil-asnazy-dourykhup-iskander-diizhei-93-shysa-it-1037958117.html
"Фазиль Аԥсназы дҭоурыхҩҩуп": Искандер диижьҭеи 93 шықәса ҵит
"Фазиль Аԥсназы дҭоурыхҩҩуп": Искандер диижьҭеи 93 шықәса ҵит
Sputnik Аҧсны
1929 шықәса хәажәкыра 6 рзы диит адунеи аҿы зыхьӡ еицырдыруа, зҩымҭақәа атәым бызшәақәа жәпакы рахь еиҭаргахьоу, урысшәыла иҩуаз аԥсуа шәҟәыҩҩы ҳәа ззырҳәаз... 06.03.2022, Sputnik Аҧсны
2022-03-06T12:55+0300
2022-03-06T12:55+0300
2022-03-06T12:58+0300
аԥсны
ажәабжьқәа
https://cdnn1.img.sputnik-abkhazia.info/img/101407/62/1014076213_0:0:3077:1731_1920x0_80_0_0_1a2515e005f323c82aaabe6121ab7dea.jpg
SputnikФазиль Искандер аԥсуаа мацара дыртәымызт, иара адунеи уаажәларра, аиҳаракгьы аурыс дунеи дахәҭакын. Абас ихцәажәоит илитература ззаигәаз, ихыԥша еилызкаауаз ауаа. Фазиль Искандер дуаҩы аамысҭашәан. Асеиԥш иҟоу ауаҩы иааигәа уаныҟоу уаргьы ууаҩы цқьахоит, иҳәоит ашәҟәыҩҩы иҩыза, илитературатә агент Руслан Џьапуа."30 шықәса инарзынаԥшуа ҳаиҿцаауан. Аԥхьа ҩызак иаҳасабала сицыҟан, нас литературатә агентк иаҳасабала аус ицызуан. Абарҭ аамҭақәа рзы ииҩыз зегьы снапы иҵызгон, ашәҟәҭыжьырҭақәеи ҳареи ҳабжьара аиқәшаҳаҭрақәа еиқәсыршәон", — иҳәоит Џьапуа.Фазиль аҩнгьы, адәынгьы даамысҭашәан, иажәа раӡан иҳәоит Џьопуа.Ашәҟәыҩҩы, ажурналист Надежда Венедиктова илҳәахьан, асовет аамҭазтәи аԥхьаҩцәа рзы ишгәырӷьара духаз Искандер ипроза ацәырҵра. Лара лажәақәа рыла, усҟантәи аамҭазы аҳра зуаз "апартиатә" бызшәа згәы ԥнаҵәахьаз рзы Искандер иҩымҭақәа аҳауа цқьа иаҩызахеит.Аԥсны Ашәҟәыҩҩцәа реидгыла ахантәаҩы, ашәҟәыҩҩы Вахтанг Абҳазоу иазгәеиҭеит Фазиль Искандер апрозахь дыиасаанӡа акыр апоезиаҿы иҽԥишәахьан ҳәа. "Искандер иԥшәмаԥҳәыс Антонина илҳәахьан: "Я выходила замуж за поэта", - ҳәа. Уи иҳанаҳәо рацәоуп. Искандер инарҭбааны ипроза шеицырдыруа еиԥш, ипоезиа рзымдыруазаргьы, иазгәаҭатәуп, апрозаҿы ҳажәлар рдоуҳа, ржәытә-рҿатә, раԥсуара акыр даманшәаланы иаарԥшуазар, ипоезаҿгьы, аханатә, аԥсуа колорит, Аԥсны аԥсабареи, ҳажәлар рмилаҭтә ҷыдарақәеи зныԥшуа иажәеинралаақәа шыҟоу", - ҳәа еиҭеиҳәеит Абҳазоу.Руслан Џьапуа иара убас иазгәеиҭеит Фазиль иҩызцәа рырҿиамҭақәа дшырзыҟаз. "Иара ахаангьы абзарӡы аҳәаракәын дзызҟазаз. Иаԥсам ҳәа иишьоз шәҟәык "уаԥхьахьоума, ишԥоубои?" ҳәа ианиазҵаалак, "сахьымӡац аԥхьара" иҳәон", - еиҭеиҳәоит Руслан Џьапуа.Иара иазгәеиҭеит Фазиль Искандер аҭаацәара ду - аԥхьаҩцәа рҭаацәара шимоу.Фазиль Абдул-иԥа Искандер диит хәажәкыра 6, 1929 шықәса рзы, Аҟәа. 1954 шықәса рзы далгеит А.М. Горки ихьӡ зху Алитературатә институт. Ҩышықәса рышьҭахь дхынҳәуеит Аԥсныҟа, Аҳәынҭшәҟәҭыжьырҭа аԥсуа ҟәша аредакторс. 1956 инаркны иҩымҭақәа ркьыԥхьуан ажурналқәа: "Смена", "Неделя", "Костер", "Сельская молодежь" уҳәа рыҟны. Раԥхьатәи иажәеинраалақәа реизга "Горные тропы" ҭыҵит 1957 шықәса рзы Аҟәа. 1966 шықәса рзы ажурнал "Новый мир" аҟны икьыԥхьын аповест — "Созвездие Козлотура". Искандер ирҿиамҭақәа ирылукаартә иҟоуп "Сандро из Чегема" (1973-1988, автобиографиатә ҩымҭа). Искандер иажәабжьқәеи иповестқәеи еиҭагоуп шамахамзар европатәи абызшәақәа зегьы рахь. Искандер иҩымҭақәа ирылхны иҭыхын абарҭ афильмқәа: "Воры в законе", "Пиры Валтасара, или Ночь со Сталиным", "Маленький гигант большого секса".Фазиль Искандер ианашьан аорденқәа "За заслуги перед Отечеством" III (1999), II (2004), IV (2009) аҩаӡарақәа, "Ахьӡ-аԥша" аорден I аҩаӡара, Аԥсны (2002).
https://sputnik-abkhazia.info/20211218/fazil-iskander-ikh-zkhu-zhlarbzharati-apremia-ranarsheit-moskva-1036761593.html
https://sputnik-abkhazia.info/20201009/Abazou-Fazil-Iskander-ipoeziazy-asua-kolorit-milat-ydaraa-asabara-rnyshuan-1031075996.html
https://sputnik-abkhazia.info/20170731/fazil-imiahustachi-sandro-chagiamti-dahinhoz-ainachi-1021556037.html
https://sputnik-abkhazia.info/20190306/Chagamti-alyshaakha-1026818046.html
Sputnik Аҧсны
media@sputniknews.com
+74956456601
MIA „Rossiya Segodnya“
2022
Sputnik Аҧсны
media@sputniknews.com
+74956456601
MIA „Rossiya Segodnya“
Ажәабжьқәа
ab_AB
Sputnik Аҧсны
media@sputniknews.com
+74956456601
MIA „Rossiya Segodnya“
Sputnik Аҧсны
media@sputniknews.com
+74956456601
MIA „Rossiya Segodnya“
ажәабжьқәа
"Фазиль Аԥсназы дҭоурыхҩҩуп": Искандер диижьҭеи 93 шықәса ҵит
12:55 06.03.2022 (ирҿыцуп: 12:58 06.03.2022) 1929 шықәса хәажәкыра 6 рзы диит адунеи аҿы зыхьӡ еицырдыруа, зҩымҭақәа атәым бызшәақәа жәпакы рахь еиҭаргахьоу, урысшәыла иҩуаз аԥсуа шәҟәыҩҩы ҳәа ззырҳәаз Фазиль Абдул-иԥа Искандер.
Фазиль Искандер аԥсуаа мацара дыртәымызт, иара адунеи уаажәларра, аиҳаракгьы аурыс дунеи дахәҭакын. Абас ихцәажәоит илитература ззаигәаз, ихыԥша еилызкаауаз ауаа.
Фазиль Искандер дуаҩы аамысҭашәан. Асеиԥш иҟоу ауаҩы иааигәа уаныҟоу уаргьы ууаҩы цқьахоит, иҳәоит ашәҟәыҩҩы иҩыза, илитературатә агент Руслан Џьапуа.
"30 шықәса инарзынаԥшуа ҳаиҿцаауан. Аԥхьа ҩызак иаҳасабала сицыҟан, нас литературатә агентк иаҳасабала аус ицызуан. Абарҭ аамҭақәа рзы ииҩыз зегьы снапы иҵызгон, ашәҟәҭыжьырҭақәеи ҳареи ҳабжьара аиқәшаҳаҭрақәа еиқәсыршәон", — иҳәоит Џьапуа.
Фазиль аҩнгьы, адәынгьы даамысҭашәан, иажәа раӡан иҳәоит Џьопуа.
"Иҟоуп ауаа адәны аҽырԥшӡара бзиа избо, аҩны зынӡа аҽакала зхы мҩаԥызго. Фазиль аҩнгьы, адәынгьы даамысҭашәан, иажәа раӡан. Абри атәы рҳәоит иҩызцәа зегьы. Белла Ахмадулина изныкымкәа илҳәахьан Фазиль иакәымзар егьаџьара ҳшәыргәынданы ҳхы мҩаԥаҳгарын ҳәа. Иара ихы шымҩаԥигоз инақәыршәаны ҳаргьы ҳхы мҩаԥаҳамгар ҳацәыԥхашьон. Аиҳаракгьы арепрессиатә аамҭақәа анҳақәыӷәӷәоз", — иҳәоит Џьапуа.
Ашәҟәыҩҩы, ажурналист Надежда Венедиктова илҳәахьан, асовет аамҭазтәи аԥхьаҩцәа рзы ишгәырӷьара духаз Искандер ипроза ацәырҵра. Лара лажәақәа рыла, усҟантәи аамҭазы аҳра зуаз "апартиатә" бызшәа згәы ԥнаҵәахьаз рзы Искандер иҩымҭақәа аҳауа цқьа иаҩызахеит.
Аԥсны Ашәҟәыҩҩцәа реидгыла ахантәаҩы, ашәҟәыҩҩы Вахтанг Абҳазоу иазгәеиҭеит Фазиль Искандер апрозахь дыиасаанӡа акыр апоезиаҿы иҽԥишәахьан ҳәа.
"Искандер иԥшәмаԥҳәыс Антонина илҳәахьан: "Я выходила замуж за поэта", - ҳәа. Уи иҳанаҳәо рацәоуп. Искандер инарҭбааны ипроза шеицырдыруа еиԥш, ипоезиа рзымдыруазаргьы, иазгәаҭатәуп, апрозаҿы ҳажәлар рдоуҳа, ржәытә-рҿатә, раԥсуара акыр даманшәаланы иаарԥшуазар, ипоезаҿгьы, аханатә, аԥсуа колорит, Аԥсны аԥсабареи, ҳажәлар рмилаҭтә ҷыдарақәеи зныԥшуа иажәеинралаақәа шыҟоу", - ҳәа еиҭеиҳәеит Абҳазоу.
Руслан Џьапуа иара убас иазгәеиҭеит Фазиль иҩызцәа рырҿиамҭақәа дшырзыҟаз.
"Иара ахаангьы абзарӡы аҳәаракәын дзызҟазаз. Иаԥсам ҳәа иишьоз шәҟәык "уаԥхьахьоума, ишԥоубои?" ҳәа ианиазҵаалак, "сахьымӡац аԥхьара" иҳәон", - еиҭеиҳәоит Руслан Џьапуа.
Иара иазгәеиҭеит Фазиль Искандер аҭаацәара ду - аԥхьаҩцәа рҭаацәара шимоу.
"Фазиль 87 шықәса ниҵит. Иҭаацәара дууп – аԥхьаҩцәа рҭаацәароуп. Ҳагәқәа рҟны ишьҭа аанижьит, анырра ду ҳаиҭеит. Ҳҩыза Станислав Лакоба ишиҳәо ала, Фазиль Аԥсназы дҭоурыхҩҩуп", - иҳәеит Џьопуа.
Фазиль Абдул-иԥа Искандер диит хәажәкыра 6, 1929 шықәса рзы, Аҟәа. 1954 шықәса рзы далгеит А.М. Горки ихьӡ зху Алитературатә институт. Ҩышықәса рышьҭахь дхынҳәуеит Аԥсныҟа, Аҳәынҭшәҟәҭыжьырҭа аԥсуа ҟәша аредакторс. 1956 инаркны иҩымҭақәа ркьыԥхьуан ажурналқәа: "Смена", "Неделя", "Костер", "Сельская молодежь" уҳәа рыҟны.
Раԥхьатәи иажәеинраалақәа реизга "Горные тропы" ҭыҵит 1957 шықәса рзы Аҟәа. 1966 шықәса рзы ажурнал "Новый мир" аҟны икьыԥхьын аповест — "Созвездие Козлотура". Искандер ирҿиамҭақәа ирылукаартә иҟоуп "Сандро из Чегема" (1973-1988, автобиографиатә ҩымҭа).
Искандер иажәабжьқәеи иповестқәеи еиҭагоуп шамахамзар европатәи абызшәақәа зегьы рахь. Искандер иҩымҭақәа ирылхны иҭыхын абарҭ афильмқәа: "Воры в законе", "Пиры Валтасара, или Ночь со Сталиным", "Маленький гигант большого секса".Фазиль Искандер ианашьан аорденқәа "За заслуги перед Отечеством" III (1999), II (2004), IV (2009) аҩаӡарақәа, "Ахьӡ-аԥша" аорден I аҩаӡара, Аԥсны (2002).
