Россотрудничество аҳәаанырцә абитуриентцәа рзы акибершәарҭақәа ҟалар алшоит ҳәа рҳәеит

CC0 / / Девушка с ноутбуком
Девушка с ноутбуком - Sputnik Аҧсны, 1920, 16.03.2022
Анапаҵаҩра
Россотрудничество аҳәаанырцә абитуриентцәа рхатә дыррақәа рзы ишәарҭоу афишингтә саит аанарԥшит, уи аблокадазуразы апрокуратурахь азыҳәа нанашьҭит.
АҞӘА, хәажәкыра 16 - Sputnik. Аурыс Ҩны (Россотрудничество) урыстәылатәи аҵараиурҭақәа ирҭало аҳәаанырцә абитуриентцәа рзы акибершәарҭақәа ҟалар алшоит ҳәа агәҽанҵара ҟанаҵеит.

"Аинтернет аҿы иаарԥшын аԥаршеи интернет ресурс educationrussia.ru. Структурала аресурс Аҳәынҭқарратә информациатә система асаит "Образование в Российской Федерации для иностранцев" еиԥшуп. Аха! Иаразнак улаԥш ақәшәоит агха рацәа: аурысшәахь автоеиҭагара, "Ауниверситетқәа рыхсаала" аҟәшаҿы аҵараиурҭақәа ахьыҟоу аҭыԥқәа реилагара уҳәа егьырҭгьы", - ҳәа аанацҳауеит амаҵзура Telegram аҿы.

Асаит ԥаршеи аԥҵоуп афишинг азы. Ари иаанаго урыстәылатәи аҵараиурҭақәа ирҭало аҳәаанырцә абитуриентцәа рхатә дыррақәа роуроуп. Ахатәы информациазы ишәарҭоуп ҳәа азгәанаҭоит Аурыс Ҩны.
Абри инадҳәаланы Россотрудничество аҳәаанырцә абитуриентцәа рхатә дыррақәа рзы ишәарҭоу адомен аблокадазуразы апрокуратурахь азыҳәа нанашьҭит.
Ажәабжьқәа зегьы
0