Микрофон  - Sputnik Аҧсны, 1920
Арадио

Ҳазлацәажәаша ҳамоуп: Кәыҵниаԥҳа аҿар рзы ауснагӡатәқәа, урҭ ралыршара иаԥырхагоу

Ҳазлацәажәаша ҳамоуп: Кәыҵниаԥҳа аҿар рзы ауснагӡатәқәа, урҭ ралыршара иаԥырхагоу
Анапаҵаҩра
Yandex newsTelegram
Аҟәа ақалақь ахадара аҿари аспорти русқәа рзы аусбарҭа аиҳабы лхаҭыԥуаҩ Есма Кәыҵниаԥҳа еиҭалҳәеит аҿар рзы иазԥхьагәаҭоу ауснагӡатәқәа, урҭ рынагӡаразы уадаҩрас иҟоу.
Мышқәак раԥхьа Аҟәа ақалақь ахада Беслан Ешба аҿари аспорти русқәа рзы аусбарҭа даҭааит. Аспециалистцәа ақалақь ахада изеиҭарҳәеит иазԥхьагәаҭаны ирымоу аусмҩаԥгатәқәа ртәы, убасгьы зымҩаԥгара алыршахаз апроектқәеи аиԥыларақәеи ирылацәажәеит. Аилатәара алҵшәақәа еиҳа инарҭбааны дырзааҭгылеит арадио Sputnik аефир аҟны Аҟәа ақалақь ахадара аҿари аспорти русқәа рзы аусбарҭа аиҳабы лхаҭыԥуаҩ Есма Кәыҵниаԥҳа.
"Иҟаҳҵаз апроектқәа рхыԥхьаӡара маҷзаргьы, алҵшәа рымоуп ҳәа сыԥхьаӡоит. Есымша иҳабжьигоит (аҳҭнықалақь ахада изы - аред.) ҳусура алҵшәа еиӷьхарц. Зегьы ирҳәоит аҿартә политика Аԥсны иҟаӡам ҳәа, аха уи иаанагаӡом ҳара аус ҳуӡом ҳәа. Аҿартә политика асистема ахьамам, иҟаҳҵо алҵшәа аиуӡом. Аҳәынҭқарратә программа, асистема ыҟазҭгьы уи иаҳа алҵшәа аиуан", - лҳәеит Кәыҵниаԥҳа.
Аицәажәара инарҭбааны хыхь аудиофаил аҟны.
Ажәабжьқәа зегьы
0