Микрофон  - Sputnik Аҧсны, 1920
Арадио

Барганџьиа ақыҭанхамҩа апроектқәа рынагӡашьа аус азы: анхацәа ироуз пату ақәырҵеит

Барганџьиа ақыҭанхамҩа апроектқәа рынагӡашьа аус азы: анхацәа ироуз пату ақәырҵеит
Анапаҵаҩра
Yandex newsTelegram
Ақыҭанхамҩа аминистрра апроектқәа рынагӡара аус шцо азы агәаҭарақәа мҩаԥган Гәдоуҭеи Гагреи рраионқәа рҿы. Аминистрра агрономиа аҟәша аиҳабы Едуард Барганџьиа арадио Sputnik аефир аҿы еиҭеиҳәеит урҭ рылҵшәа атәы.
Барганџьиа иажәақәа рыла, Гагра араион аҿы апрограмма иалахәуп фҩык анхацәа. Ус, Маҳадыр иахьаҵанакуа ахәырма аиҭаҳара аус иалагахьеит. Уи адагьы, араион аҿы апрограммала иазгәаҭоуп амандаринеи абҳәеи рааӡара аус.
Аминистрра агрономиа аҟәша аиҳабы иҳәеит Гәдоуҭа араион ақыҭақәа рҿы ишазгәаҭоу ахәырмеи, арасеи, акакани раарыхра. Уи адагьы, Дәрыԥшь ақыҭан иаадыртраны иҟоуп ашәырқәа ахьдырҩало анаплак ду. Ақыҭан ашәыр зааӡо раалыҵ аҭиразы ауадаҩрақәа рымоуп аҟынтә, анаплакы аус аур, анхацәа рзы даара иманшәалахоит ҳәа азгәеиҭеит Барганџьиа.
Аспециалист еиҭеиҳәеит ааигәа иаагаз арахә анхацәа рҿы рхы шаадырԥшыз атәы, аҭыԥантәи аҳауа ишашьцылаз. Иара убас Барганџьиа иазгәеиҭеит егьырҭ араионқәа рахь агәаҭаратә ныҟәарақәа шазгәаҭоу.
Аиҿцәажәара шәазыӡырҩыр шәылшоит арадио Sputnik Аԥсны аефир аҿы, мамзаргьы аудиофаил аҿы.
Ажәабжьқәа зегьы
0