Признание Сирией Абхазии - Sputnik Аҧсны, 1920, 28.10.2021
Аԥсны
Ажәабжьқәа Sputnik Аԥсны аҟны

Аԥсны Аҭҵаарадыррақәа ракадемиа 2021 шықәсазтәи аусура аихшьала ҟанаҵеит

© Sputnik / Бадрак Авидзба Отчетное собрание Академии наук Абхазии.
Отчетное собрание Академии наук Абхазии. - Sputnik Аҧсны, 1920, 23.03.2022
Анапаҵаҩра
НовостиTelegram
2021 шықәсазы Аԥсны аҭҵаарадырратә Академиа иаҵанакуа аҟәшақәа аус рыдыруылеит 105 темеи 146 хәҭеи рыла ишьақәгылаз 24 усумҭеи, урҭ рахьынтә 32 тема хыркәшоуп, 73 ҳаԥхьаҟатәи ашықәсқәа рахь ииагоуп.
АҞӘА, хәажәкыра 23 - Sputnik, Наала Гәымԥҳа. Аԥсны аҭҵаарадыррақәа ракадемиа 2021 шықәсазтәи аусура аихшьаалатә еилатәара мҩаԥысит Аботаникатә Институт аҟны, хәажәкырамза 23 азы.
Абхазский институт гуманитарных исследований - Sputnik Аҧсны, 1920, 20.03.2022
Аԥсны
Аԥсуа ҭҵаарадырра арӷәӷәареи аизырҳареи рзы: Арда Ашәба Аԥсуаҭҵааратә институт иазкны
Аԥсны аҭҵаарадыррақәа ракадемиа ахада Зураб Џьапуа иқәгылараҟны гәалсра дула иазгәеиҭеит иҳаҩсыз ашықәс азы рыԥсҭазаара ишаылҵыз аԥсуа академиа ахыҵхырҭаҿы игылаз аҵарауаа дуқәа: Шоҭа Салаҟаиа, Лидиа Чкадуаԥҳа, Елена Малиаԥҳа, Валикәа Ԥачлиа, Цира Габниаԥҳа. Урҭ минуҭктәи ҿымҭрала иргәаладыршәеит.
Зураб Џьапуа иажәақәа рыла, академиа иамоу ауадаҩрақәа рыӡбаразы аҵарауаа изныкымкәан Аԥсны анапхгара ирыдҵаалахьеит, аха макьана илыҵшәадоуп.

"Иаҳҭахуп ҳакадемиа иҵегьы лаԥшы ҵарыла иазхьаԥшырц, сагьақәгәыӷуеит Аԥсны иахьатәи ахадареи ҳареи ҳахшыҩеилаҵара иабзоураны ҳҳәынҭқарра арҿиара иахәаша алҵшәақәа шаиуа",- иҳәеит Зураб Џьапуа.

Анаҩс, Аԥсны аҭҵаарадыррақәа ракадемиа 2021 шықәсазы имҩаԥнагаз аҭҵаарадырратә, аҭҵаарадырра-еиҿкааратә усура иазкны аҳасабырба ҟаиҵеит академик-маӡаныҟәгаҩ Валентин Коӷониа. Иажәахә аҿы даӡааҭгылеит ААР алахәылацәа рлагала, ААР аҟәшақәа рҟны аҭҵаарадырра-еилкааратә усурақәа рыплан анагӡара, ААР апрезидиум аусуреи аҭҵаарадырратә кадрқәеи рызҵаатәы, ААР асистемаҿы аконференциақәа рымҩаԥгареи рылахәхареи, убас аусумҭақәа ркьыԥхьреи.
Коӷониа иазгәеиҭеит, адунеи иахаԥаз аҿкчымазара академиа аусура ишаныԥшазгьы, аха зегьы акоуп 2021 шықәсазы академиа алахәылацәа русура ԥкымызт, ишаҿыц иаҿын аҭҵаарадырреи, арккареи, аҿар реиҵааӡареи, ауаажәларратә уси. Академиа алахәылацәа рхы аладырхәит Аԥсни уи анҭыҵи имҩаԥгаз, аҭҵаарадырратә форумқәа 60 инарзынаԥшуа иҳәеит иара.
Зураб Джапуа - Sputnik Аҧсны, 1920, 01.12.2018
Арадио
Џьапуа: аҳәынҭқарраҟны хырхарҭас иҟоу зегьы аҭҵаарадырра шьаҭас ирымазароуп
Коӷониа иажәақәа рыла, 2021 шықәса иалагӡаны иҭыжьын амонографиақәеи, астатиақәеи, арецензиақәеи. Убарҭ иреиуоуп академик Зураб Џьапуа инапхгарала иҭыҵыз "А. Н. Генко. Кавказтәи аетнографиа алагала", зыхьӡу ашәҟәы, Шоҭа Арсҭаа ишәҟәы "Аԥсуа грамматика. II атом. Асинтаксис" уҳәа егьырҭ аусумҭа дуқәа. Акьыԥхь иазырхиоуп иналукааша абнаҭҵааҩы, академик Сергеи Бебиа акыршықәса аус здиулоз аусумҭа "Аԥсны абнақәа".
Иара убас 2021 шықәса иалагӡаны Аԥсни аҳәаанырцәи акьыԥхь рбеит аҭҵаарадырра еиуеиԥшым ахырхарҭақәа рыла иҩу 90 статиа инареиҳаны. Урҭ аԥызҵаз иреиуоп академикцәа Зураб Џьапуа, Ианварби Екба, Заур Шьалашьаа, Виачеслав Чрыгба, Владимир Занҭариа уҳәа убас егь.
Академия наук Абхазии. - Sputnik Аҧсны, 1920, 06.10.2021
Џьапуа: Аԥсны аҭҵаарадыррақәа Ракадемиа аҳәынҭқарра ихадароу атрибутқәа иреиуоуп
Академиа аиҳабы актәи ихаҭыԥуаҩ, академик Сергеи Бебиа ААР апрезидиум аусура иазкыз иажәахә аҟны дазааҭгылеит, иаҳхысыз ашықәсаз академиа ишымҩаԥнагаз азеиԥш еизарақәа ҩба, апрезидиум аилатәарақәа 11. Урҭ рҿы ирылацәажәан иахәҭоу ақәҵарақәагьы рыдкылан хразлоу азҵаатәқәа жәпакы.

Аихшьаалатә еилатәараҟны иҳәан 2021 шықәса иалагӡаны Академиа аинститутқәа рҵарауаа рхы шрыладырхәыз Москва, Кембриџь, Рим, Тегеран, Белград, Минск, Бишкек, Санкт-Петербург, Томск уҳәа имҩаԥгаз зыҩаӡара ҳаракыз 150 ҭҵаарадырратә форумқәа, жәларбжьратәиқәагь убрахь иналаҵаны. Аԥсуаҭҵааратә институт аҵарауаа алахәын 68 форум, аекономикеи азини ринститут -44, аботаника аинститут-18, аексперименталтә паталогиеи атерапиеи ринститут - 25, аекологиа аинститут-9.

"2021-тәи ашықәс иалагӡаны Академиа аҟәшақәа рҵарауаа иҭрыжьит 25 шәҟәы инареиҳаны, 300 инарзынаԥшуа астатиақәа", - иҳәеит Валентин Коӷониа.
Академиа есышықәса аҵарауаа ҿарацәа аԥсышәала иҩу русумҭақәа рзы иазԥҵәоуп х-премиак: шәҟәны иҩу аусумҭа иақәуп 59 нызқь мааҭ, статианы иҩу 25 нызқь мааҭ.Ҵыԥхтәи ашықәс азы апремиа ианашьахеит амедико-биологиатә ҭҵаарадыррақәа рхырхарҭала аусумҭа зҩыз Рашид Ҵәыџьба.
Ажәабжьқәа зегьы
0