Признание Сирией Абхазии - Sputnik Аҧсны, 1920, 28.10.2021
Аԥсны
Ажәабжьқәа Sputnik Аԥсны аҟны

Бжьаниа Аԥсны ар рахь ааԥынтәи анаԥхьара рылеиҳәеит

© SputnikВооруженные силы Абхазии
Вооруженные силы Абхазии - Sputnik Аҧсны, 1920, 23.03.2022
Анапаҵаҩра
Аррахь инарыԥхьоит 18-27 шықәса зхыҵуа, аррамаҵзурахьы анаԥхьара зыхәҭоу.
АҞӘА, хәажәкыра 23 – Sputnik. Аԥсны ахада Аслан Бжьаниа "Аԥсны Аҳәынҭқарра атәылауаа 2022 шықәса мшаԥы-рашәара амзақәа рзы арра рнаԥхьареи аррамаҵзура иахысыз атәылауаа арраҟынтә рых рақәиҭтәреи азы" Аусԥҟа инапы аҵаиҩит ҳәа аанацҳауеит ахада ипресс-маҵзура.

Аԥсны Аҳәынҭқарра азакәанқәа "Арратә уалԥшьеи арратә маҵзуреи" "Атәылахьчараз" инарықәыршәаны Аԥсны ахада адҵа ҟаиҵеит 2022 шықәса мшаԥы 1 инаркны рашәара 30 рҟынӡа 18-27 шықәса зхыҵуа Аԥсны Аҳәынҭқарра атәылауаа, аррамаҵзура иахысыр зыхәҭоу аррахь рнаԥхьаразы.

Иара убасгьы адҵа ҟаҵоуп аррамҵзуратә ҿҳәара зхызгаз арраҟынтә рхы иақәиҭтәызарц.
Аминистрцәа реилазаара, ақалақьқәеи араионқәеи рхадацәа рнапы ианҵоуп аррамаҵзурахь анаԥхьареи арраҟынтә ахрақәиҭтәреи ирыдҳәалоу ауснагӡатәқәа рынагӡара еиҿыркаарц.
Ажәабжьқәа зегьы
0