Признание Сирией Абхазии - Sputnik Аҧсны, 1920, 28.10.2021
Аԥсны
Ажәабжьқәа Sputnik Аԥсны аҟны

Аԥсны ашьапылампыл азы ачемпионат ҿыц аҟны цандрыԥшьтәи "Саӡ" аҟәатәи "Динамо" иаиааит

© Sputnik / Томас ТхайцукФутбольный мяч
Футбольный мяч  - Sputnik Аҧсны, 1920, 24.03.2022
Анапаҵаҩра
Yandex newsTelegram
Аԥсны ашьапылампыл азы изаамҭанытәиу ажәбатәи ачемпионат иалахәуп ашьапылампылтә командақәа ааба.
АҞӘА, хәажәкыра 24 – Sputnik, Бадраҟ Аҩӡба. Цандрыԥшьтәи "Саӡи" аҟәатәи "Динамои" рыхәмаррала хәажәкыра 24 азы Даур Ахвледиани ихьӡ зху гагратәи астадион аҟны иаартын Аԥсны ашьапылампыл азы XXIX ачемпионат.
Актәи ахәмарра аҟны "Саӡ" ашьапылампыласыҩ Ҭимыр Сақаниа иџьбараз ихәмарра иахҟьаны аӡбаҩ Дмитри Жуков абӷьыц ҟаԥшь ииҭеит. "Динамо" "Саӡ" рмаҷра рмыхәеит, аҳҭнықалақь ашьапылампыласҩцәа амба ампыл рыцәҭашәеит.
Суперкубок Абхазии по футболу  - Sputnik Аҧсны, 1920, 19.03.2022
Аԥсны
Ашьапылампыл азы Аԥсны ахраҿа хада иаиааит аҟәатәи "Нарҭ"
41-тәи аминуҭазы "Саӡ" акоманда ашьапылампыласҩы Ашот Маркариан жәеиза метра ала ампыл ҭаиршәуеит. Ашьҭахь уи аҩыза алшара роуит "Динамо" ашьапылампыласҩцәагьы, аҳҭнықалақь акоманда акапитан Аслан Багаҭелиа ахыԥхьаӡара еиҟареитәуеит - 1:1.
Ахәмарра аҩбатәи ахәҭаҟны аҩ-командакгьы ибзианы ихәмаруан, аха аиааира рылшеит цандрыԥшьтәи аспортсменцәа. 93-тәи аминуҭазы Денис Павлов иҭаиршәыз ампыл иабзоураны ахәмарра хыркәшахеит 2:1 ҳәа.
Аԥсны ачемпионат иалахәхоит ашьапылампылтә командақәа ааба: галтәи "Самырзаҟан", очамчыратәи "Ерцахә", аҟәатәи "Нарҭи" "Динамои", афонтәи акоманда "Афон", гәдоуҭатәи "Риҵа", гагратәи акоманда "Гагра", цандрыԥшьтәи "Саӡ".
Ажәабжьқәа зегьы
0