Признание Сирией Абхазии - Sputnik Аҧсны, 1920, 28.10.2021
Аԥсны
Ажәабжьқәа Sputnik Аԥсны аҟны

Ашьапылампыл азы Аԥсны ахраҿа хада иаиааит аҟәатәи "Нарҭ"

© Sputnik / Леон Адлейба Суперкубок Абхазии по футболу
Суперкубок Абхазии по футболу  - Sputnik Аҧсны, 1920, 19.03.2022
Анапаҵаҩра
Yandex newsTelegram
Ҵыԥхтәи ашьапылампылтә сезон аан аҟәатәи "Нарҭ" Аԥсны ачемпионат иаиааит, "Гагра" Аԥсны ахраҿа иаиааит.
АҞӘА, хәажәкыра 19 – Sputnik, Бадраҟ Аҩӡба. Аҟәатәи "Нарҭ" ашьапылампыл азы Аԥсны ахраҿа хада иаиааит акоманда "Гагра" ианацыхәмаруаз 2:1 ҳәа аҳҭнықалақь астадион "Динамо" аҿы асабша хәажәкыра 19 рзы.
Амш акыр ишыхьшәашәазгьы, зықьҩык рҟынӡа ахәаԥшцәа астадион ахь инеит. Ахәмарра дахәаԥшуан Аԥсны ахада Аслан Бжьаниа.
Есышықәса ахраҿа хадазы ахәмаррала ашьапылампылтә сезон иалагоит Аԥсны. Уи аҿы еиԥылоит ачемпионат аҿы иаиааизи атәыла ахраҿа иаиааизи. Ҵыԥх ачемпионат иаиааит "Нарҭ", "Гагра" - ахраҿа.
Раԥхьатәи ампыл амба иҭаршәын ирласны - ажәбатәи аминуҭ аан "Нарҭ" ахәмарҩы Ҭемыр Агрба харантәи дыкшан, хьаҳәаԥаҳәада илҭаиршәит, 1:0 ааҟалеит. Актәи азбжазы аҳҭнықалақь акоманда ампыл иаҳа анапаҿы иааганы иаман. Гаграа раԥхьаӡа акәны 23-тәи аминуҭ азоуп аҟәаа рымба аганахь ампыл анашьҭра анрылша.
Минуҭқәак рышьҭахь аҟәатәи ашьапылампыласцәа аҩбатәи ампыл амба иҭадыршәырц акы аарыгымхеит, аха иара ашьаҟа иаахеит. Актәи азбжа аанҵәон еиԥш, "Нарҭ" ахәмарҩы Асхат Аршба ампыл амба иҭаиршәит, аха гаграа напыла ахәмарра ыҟан ҳәа аӡбаҩ адырра ирҭо иалагеит. Иҟалаз шыҟалаз аилкааразы, аӡбаҩ хада Дмитри Жуков авидео ианнаҵаз дахәаԥшны иангәеиҭа, ампыл шҭашәаз шьақәирӷәӷәеит - 2:0.
Аҩбатәи азбжазы "Гагра" рыҽдырӷәӷәеит, иаразнакгьы Инал Акәыџба ампыл ҭаиршәит - 2:1. Уажәшьҭа аҟәатәи акоманда уаанӡа иаанарԥшуаз аԥыжәара шамамызгьы, гаграа уаҳа ирызҭамыршәит, аҟәаагьы ҩ-мпылк рҿы иаангылеит.
Пресс-конференция с ФФА о предстоящем футбольном сезоне - Sputnik Аҧсны, 1920, 15.03.2022
Аԥсны
Иааиуа Аԥсны ачемпионат иалахәхоит ашьапылампылтә командақәа ааба
Ажәабжьқәа зегьы
0