https://sputnik-abkhazia.info/20220326/gagrati-akhyty-shapylampylt-kluba-anapa-aturnir-ay-akhakha-rgeit-1038328486.html

Гагратәи ахәыҷтәы шьапылампылтә клубқәа Анапа атурнир аҿы аԥхьахәқәа ргеит

Гагратәи ахәыҷтәы шьапылампылтә клубқәа Анапа атурнир аҿы аԥхьахәқәа ргеит

Sputnik Аҧсны

Ааԥынтәи Урыстәылазегьтәи атурнир "Anapa Сup" мҩаԥысит Анапа, хәажәкыра 20 - 26 рзы. 26.03.2022, Sputnik Аҧсны

2022-03-26T16:57+0300

2022-03-26T16:57+0300

2022-03-26T17:10+0300

аԥсны

ажәабжьқәа

аспорт

https://cdnn1.img.sputnik-abkhazia.info/img/07e6/03/1a/1038324059_0:89:957:627_1920x0_80_0_0_8666936b9c2217b1184d659e05eb3c24.jpg

АҞӘА, хәажәкыра 26 – Sputnik, Бадри Есиава. Актәи аҭыԥқәа ԥшьба, аҩбатәи аҭыԥқәа акы ранашьахеит Гагратәи аспортшкол аклубқәа Анапа имҩаԥысуаз Урыстәылазегьтәи ртурнир "Anapa Сup" аҟны ҳәа еиҭеиҳәоит азыҟаҵаҩ Алексеи Бондаренко.Бондаренко иҳәеит аицлабрақәа ишрылахәыз 30 команда - Анапа, Ростов-на-Дону, Таганрог, Краснодар уҳәа рҟынтәи. Арҭ ақалақьқәеи арегионқәеи 6-8 команда ықәдыргылеит.Азыҟаҵаҩ иажәақәа рыла, ҵыԥх аасҭа сынтәа алҵшәақәа реиӷьтәра алшеит аспортсменцәа қәыԥшцәа рҽазышәаралеи рнапхгаҩцәа лҵшәа бзиала русуралеи."Маҷ-маҷ ҳаизҳауеит. Ахәыҷқәа рԥышәа иацлоит. Аҭагылазаашьа иахәазар ауеит иалахәхараны иҟаз зегь ахьзымнеизгьы", - иҳәеит Бондаренко.Алексеи Бондаренко идагьы "ДЮСШ Гагра" акомандақәа азыҟарҵоит Витторио Куциеи Џьанкат Чқәуеи.Анапа иреиӷьу ахәмарыҩцәа ҳәа иалыркааит: Саид Ԥкьын, Русҭам Возба, Захар Полиаков. Иреиӷьу ахьчаҩбжацәа ҳәа иалхын: Доминик Шьакаиа, Амирхан Бганба, Амаль Абыџба. Иреиӷьу амбахьчаҩ ҳәа ихьӡ рҳәеит Владимир Хышба, иреиӷьу ажәылаҩ - Едуард Узуниан, атурнир аҿы иреиӷьу хәмарҩуп ҳәа далкаан Роман Малиа.

https://sputnik-abkhazia.info/20220319/aati-nar-ashapylampyl-azy-asny-akhraa-khada-iaiaait-1038208642.html

2022

Ажәабжьқәа

ab_AB

ажәабжьқәа, аспорт