Признание Сирией Абхазии - Sputnik Аҧсны, 1920, 28.10.2021
Аԥсны
Ажәабжьқәа Sputnik Аԥсны аҟны

Арӡынба Қырҭтәыла имҩаԥнаго аинформациатә еибашьраан аинвестфорум ҵакыс иамоу атәы иҳәеит

© Sputnik / Томас Тхайцук Инал Ардзинба
Инал Ардзинба  - Sputnik Аҧсны, 1920, 02.04.2022
Анапаҵаҩра
Yandex newsTelegram
Афорум мҩаԥгалахоит ахәаахәҭра-економикатәи аинвестициатәи ускқәа рҿы Аԥсны аусацура еиҳа иазҿлымҳахар зылшо Урыстәыла арегионқәа рҿы.
ШӘАЧА, мшаԥы 2 - Sputnik, Бадраҟ Аҩӡба. Қырҭтәыла хықәкыла агибридтә информациатә еибашьра анымҩаԥнаго аамҭазы "Аԥснытәи аинвестициатә форум" хықәкыс иамоуп Аԥсны иазку иобиективтәу, ииашоу адыррақәа ауаажәларра рызнагароуп, уи иамоу апотенциал аӡыргароуп иҳәеит Аԥсны ААР ахада Инал Арӡынба, Шәача афорум аартраан дықәгыло.
"Қырҭтәыла хықәкыла агибридтә информациатә еибашьра мҩаԥнагоит. Ганкахьала, иара Аԥсни уи аиҳабыреи рыхьӡ бжьнахуеит, ирыдыркыло аӡбамҭақәа рҵакы ладырҟәуеит, даҽа ганкахьала - аҭынч еиҿцәажәарақәа рыӡбахә аҳәоит. Хымԥада, абри аҩыза аҭагылазаашьаан ҳара хықәкы хадас иҳамоуп Аԥсны Аҳәынҭқарра иазку иобиективтәу, ииашоу адыррақәа ауаажәларра рызнагара. Афорум аҳәаақәа ирҭагӡаны ҳара абри аус ҳнапы ааҳкуеит Урыстәыла арегионқәа рҿы", - иҳәеит Аԥсны адәныҟаполитикатә усбарҭа аиҳабы.
Анаҩс, иара ажәа лиҭеит Аԥсны Ахәаахәҭра-ааглыхратә палата аиҳабы Ҭамила Мерцхәлааԥҳа, лара иазгәалҭеит Аԥсни Урыстәылеи рпалатақәа реимадара аҭыԥ ду шааннакыло аҩтәылак рбизнес аҟны русеицураҿы.
Ахәаша Аԥсны ААР мшаԥы 1 азы аҳәамҭа ҟанаҵеит иааиԥмырҟьаӡакәа аус зуа агәаанагареибыҳәаратә мобилтә ҭыԥ "Аԥснытәи аинвестициатә форум" шаартхо.
Абхазский Инвестиционный форум в Сочи - Sputnik Аҧсны, 1920, 02.04.2022
Аԥсны
Шәача иаатит "Аԥснытәи аинвестициатә форум"
Афорум мҩаԥгалахоит ахәаахәҭра-економикатәи аинвестициатәи ускқәа рҿы Аԥсны аусацура еиҳа иазҿлымҳахар зылшо Урыстәыла арегионқәа рҿы.
Аԥсны ААР рыҿцәажәоит Москватәи, Тулатәи, Ростовтәи аобластқәа, Санкт-Петербург, егьырҭ Урыстәыла асубиектқәа рхадацәа "Аԥснытәи аинвестициатә форум" дара рҿы амҩаԥгара алыршаразы.
Аԥсны ААР ахада Инал Арӡынба иажәақәа рыла, ари аҩыза аусутә формат ҿыц адҵа хадақәа ируакуп Аԥсны аинвестициатә потенциал ацәыргара.
Шәача имҩаԥысыз аартраан "Аԥснытәи аинвестициатә форум" алахәылацәа иддырбеит ҳреспублика аекономикатә лшарақәа ирызкыз асиужет.
Ажәабжьқәа зегьы
0