Ҭырқәтәыла аибашьыга ӷбақәа Амшын еиқәаҿы идыргылар ауам

© AFP 2023 / OZAN KOSEКоммерческое судно проплывает под Мостом мучеников 15 июля, также известным как Босфорский мост, в проливе Босфор
Коммерческое судно проплывает под Мостом мучеников 15 июля, также известным как Босфорский мост, в проливе Босфор - Sputnik Аҧсны, 1920, 11.04.2022
Анапаҵаҩра
НовостиTelegram
Амшын еиқәа ҩнуҵҟатә мшынуп, уахь уҭаларц азы аӡыбжьахалақәа Босфори Дарданеллқәеи урҭысроуп. Урҭ Ҭырқәтәыла анапаҵаҟа иҟоуп.
АҞӘА, мшаԥы 11 - Sputnik. Ҭырқәтәыла аибашьыга ӷбақәа Амшын еиқәаҿы идыргылар ауам ҳәа аанацҳауеит РИА Новости, атәыла амилаҭтә хьчара аминистр Хулус Акара иажәақәа шьаҭас иҟаҵаны.
"Ҭырқәтәыла Монтре иконвенциа иқәныҟәаны аибашьыга ӷбақәа Амшын еиқәахь иҭанажьлом", - иҳәеит Акар ателеканал A Haber аефир аҿы.
Уаанӡа Ҭырқәтәыла адәныҟатәи аусқәа рминистр Мевлиут Чавушоглу иҳәахьан атәыла Монтре иконвенциа иацәхьаҵуам ҳәа.
Аконвенциа инақәыршәаны ахәаахәҭратә ӷбақәа рхы иақәиҭны Амшын еиқәа аӡқәа ирҭалар рылшоит аҭынчаамҭаз аиԥш аибашьра аамҭазгьы. Амшын еиқәа иатәым аҳәынҭқаррақәа рыӷбақәа ракәзар, адокумент дара арҭ амшынӡқәа рҿы рыҟазаара хымчыбжьа еиҳамхароуп.
Танкер ВМС США  - Sputnik Аҧсны, 1920, 31.03.2022
Урыстәыла Донбасс имҩаԥнаго арратә операциа ҷыда
ЕАА Украинатәи ахҭысқәа ирхырҟьаны рыӷбақәа Амшын еиқәа аҟынтәи иҭыргеит
Уи адагьы Ҭырқәтәыла аҭагылазаашьа ҷыда аныҟало, Ҭырқәтәыла азин амоуп арҭ аӡыбжьахалақәа рыла аибашьыга ӷбақәа арахь рҭалара азин аҟаҵара ма аҟамҵара.
Уаанӡа Урыстәыла АШәМ адырра ҟанаҵахьан Украинатәи аруаа аоперациа ҷыда иалагазар 420 мина шьақәдыргылеит Одесса, Очаков, Черноморск, Иужныи абаӷәазақәа рнеирҭахь ҳәа, урҭ аминақәа Босфор иҭысны анаҩсҟа Адгьылбжьахатә мшын ахь аӡы иаццар ҟалоит.
Мшаԥы алагамҭаз Ҭырқәтәыла атәылахьчара аминистрра аҳәамаҭ ҟанаҵеит аминақәа ирызку аинформациа аганахьала иахәҭоу ауснагӡатәқәа шымҩаԥнаго.
Патрульное судно ВМФ России проекта 22160 Дмитрий Рогачев-375 проходит через пролив Босфор по пути в Черное море мимо города Стамбул - Sputnik Аҧсны, 1920, 04.04.2022
Ҭырқәтәыла атәылахьчара аминистрра: аминатә шәарҭара алзмыршаша ауснагӡатәқәа ҳадаҳкылоит
Ажәабжьқәа зегьы
0