https://sputnik-abkhazia.info/20220425/inal-arynba-italia-afashizm-aynti-akhaitra-amsh-rydinyaleit-1038810341.html
Инал Арӡынба Италиа афашизм аҟынтәи ахақәиҭтәра амш рыдиныҳәалеит
Инал Арӡынба Италиа афашизм аҟынтәи ахақәиҭтәра амш рыдиныҳәалеит
Sputnik Аҧсны
Италиа Ахақәиҭтәра амш - атәыла аҭоурых аҿы акрызҵазкуа рыцхәуп: мшаԥы 25 1945 шықәса рзы афашисттә диктатор Бенито Муссолини Милан ақалақь далҵны дыбналеит... 25.04.2022, Sputnik Аҧсны
2022-04-25T20:15+0300
2022-04-25T20:15+0300
2022-04-25T20:20+0300
аԥсны
ажәабжьқәа
аԥсны
аполитика
https://cdnn1.img.sputnik-abkhazia.info/img/07e6/04/02/1038449651_0:85:1620:996_1920x0_80_0_0_8a714a89ef8cf795f3fb1f3cb5ce5c07.jpg
АҞӘА, мшаԥы 25 - Sputnik. Аԥсны Адәныҟатәи аусқәа рминистр Инал Арӡынба Италиа афашизм аҟынтәи Ахақәиҭтәра амш рыдиныҳәалеит, абри атәы аанацҳауеит Sputnik Италиа.Ахақәиҭтәра амш - милаҭтә ныҳәоуп, уи Италиа иазгәарҭоит мшаԥы 25 рзы анацисттә мпыҵахалара ахыхреи афашисттә режим аилаԥыххаареи рымш аҳаҭыр азы."Ари амш Италиа аҭоурых азы аҵак ду амоуп, уи ажәлар иаадырԥшуаз Аҿагылара иасимволуп", - иҳәеит Арӡынба.Аминистр иазгәеиҭеит ҳџьынџьуаҩ, аԥсуа еибашьҩы Сулҭан Папба Италиа афашизм ахақәиҭтәразы италиаа дрывагыланы дшеибашьуаз. Аԥсны ААР аиҳабы иҟаиҵаз адныҳәалараҿы иазгәеиҭеит италиатәи иреиҳау аҵараиурҭаҿы аҵара шиҵоз, уи акультура, аҭоурых, аекономика шҭиҵаауаз.Инал Арӡынба иара убас италиатәи аҿартә еиҿкаарақәа рхадацәа Аԥсныҟа ааԥхьара риҭеит."Ҳара ҳҿы активра аазырԥшуа, агәацԥыҳәара ду змоу аҿар ыҟоуп, урҭ ҳтәылазы, ҳажәлар рзы аҵак ду змоу апроектқәа нарыгӡоит. Ҳтәылақәа рҿар рыбжьара аусеицура аԥеиԥш бзиа амазаауеит", - ҳәа азгәеиҭеит Арӡынба.
https://sputnik-abkhazia.info/20220209/bzhania-italia-aparlament-adeputattsa-rakha-onlain-aformat-ala-dygyleit-1037506361.html
Sputnik Аҧсны
media@sputniknews.com
+74956456601
MIA „Rosiya Segodnya“
2022
Sputnik Аҧсны
media@sputniknews.com
+74956456601
MIA „Rosiya Segodnya“
Ажәабжьқәа
ab_AB
Sputnik Аҧсны
media@sputniknews.com
+74956456601
MIA „Rosiya Segodnya“
Sputnik Аҧсны
media@sputniknews.com
+74956456601
MIA „Rosiya Segodnya“
ажәабжьқәа, аԥсны, аполитика
ажәабжьқәа, аԥсны, аполитика
Инал Арӡынба Италиа афашизм аҟынтәи ахақәиҭтәра амш рыдиныҳәалеит
20:15 25.04.2022 (ирҿыцуп: 20:20 25.04.2022) Италиа Ахақәиҭтәра амш - атәыла аҭоурых аҿы акрызҵазкуа рыцхәуп: мшаԥы 25 1945 шықәса рзы афашисттә диктатор Бенито Муссолини Милан ақалақь далҵны дыбналеит, уи бџьаршьҭыхлатәи аҿагылареи адемократиазы ақәԥареи ианалагоз аамҭахеит.
АҞӘА, мшаԥы 25 - Sputnik. Аԥсны Адәныҟатәи аусқәа рминистр Инал Арӡынба Италиа афашизм аҟынтәи Ахақәиҭтәра амш рыдиныҳәалеит, абри атәы
аанацҳауеит Sputnik Италиа.
Ахақәиҭтәра амш - милаҭтә ныҳәоуп, уи Италиа иазгәарҭоит мшаԥы 25 рзы анацисттә мпыҵахалара ахыхреи афашисттә режим аилаԥыххаареи рымш аҳаҭыр азы.
"Ари амш Италиа аҭоурых азы аҵак ду амоуп, уи ажәлар иаадырԥшуаз Аҿагылара иасимволуп", - иҳәеит Арӡынба.
Аминистр иазгәеиҭеит ҳџьынџьуаҩ, аԥсуа еибашьҩы
Сулҭан Папба Италиа афашизм ахақәиҭтәразы италиаа дрывагыланы дшеибашьуаз.
"Хымԥада, ҳара иаҳхамышҭроуп ҳажәларқәа шеидгылаз афашизм иаҿагыланы. Аԥсни Римтәи аимпериеи Византәиатәи аимпериеи ҭоурыхла аекономикатәи акультуратәи еимадарақәа рыбжьан. Жәахатәи ашәышықәса инаркны Генуеи иареи активла реимадарақәа еихарҳауа иалагеит. Иахьатәи аамҭазы аҩганктәи ҳаизыҟазаашьақәа еиҭа иҳабжьаҳҵароуп. Уи ҳара ҳзы аҵак ду амоуп", - иҳәеит аполитик.
Аԥсны ААР аиҳабы иҟаиҵаз адныҳәалараҿы иазгәеиҭеит италиатәи иреиҳау аҵараиурҭаҿы аҵара шиҵоз, уи акультура, аҭоурых, аекономика шҭиҵаауаз.
Инал Арӡынба иара убас италиатәи аҿартә еиҿкаарақәа рхадацәа Аԥсныҟа ааԥхьара риҭеит.
"Ҳара ҳҿы активра аазырԥшуа, агәацԥыҳәара ду змоу аҿар ыҟоуп, урҭ ҳтәылазы, ҳажәлар рзы аҵак ду змоу апроектқәа нарыгӡоит. Ҳтәылақәа рҿар рыбжьара аусеицура аԥеиԥш бзиа амазаауеит", - ҳәа азгәеиҭеит Арӡынба.
