Признание Сирией Абхазии - Sputnik Аҧсны, 1920, 28.10.2021
Аԥсны
Ажәабжьқәа Sputnik Аԥсны аҟны

Едуард Быҭәба ацхыраара лас аусзуҩцәа зегьы рыпрофессионалтә мшы рыдиныҳәалеит

© Foto / Минздрав Абхазии Эдуард Бутба
Эдуард Бутба - Sputnik Аҧсны, 1920, 28.04.2022
Анапаҵаҩра
Yandex newsTelegram
АҞӘА, мшаԥы 28 - Sputnik. Аԥсны агәабзиарахьчара аминистр Едуард Быҭәба ацхыраара лас аусзуҩцәа зегьы рыпрофессионалтә мшы рыдиныҳәалеит, абри атәы аанацҳауеит аусбарҭа Telegram-канал аҟны.

"Шәара аус рацәаны ижәуеит, иарбан аамҭазаалакгьы шәазыхиоуп ҳуааԥсыра реиқәырхара. Лымкаала ҭабуп ҳәа шәасҳәоит ҳтәылазы имариамыз аамҭа - апандемиазы ишәылшәыршаз аус азы. Имариам шәус аҿы ишәыцыз аманшәалара. Ацхыраара лас аусзуҩцәа рымшныҳәа шәыдысныҳәалоит", - иҳәеит Быҭәба.

Агәабзиарахьчара аминистр даҭааит Аҟәа ацхыраара лас астанциа, хаҭала аколлектив ирыдиныҳәаларц. Ацхыраара лас астанциа аҳақьым хада Аслан Џьопуа агәабзиарахьчара аминистрра иаанарԥшыз агәцаракразы иҭабуп иҳәеит. Иазгәеиҭеит иколлектив дшырзыгәдуу, аусзуҩцәа ауааԥсыра ацхыраара рыҭара еснагь ишазыхиоу.
Аԥсны апандемиа аамҭазы Аҟәатәи ацхыраара лас астанциа жәаа нызқь инарзынаԥшуа ацхырааразы иахьрыԥхьоз инеит ҳәа азгәаҭоуп аусбарҭа адырраҭараҿы.
Пункт скорой медицинской помощи в Новом район - Sputnik Аҧсны, 1920, 28.03.2022
Аԥсны
Аҟәа Аҳабла ҿыц аҟны ацхыраара лас аусура хацыркуп
Ажәабжьқәа зегьы
0