Микрофон  - Sputnik Аҧсны, 1920
Арадио

Соломко аспаржа аарыхразы: лҵшәас иаиуа атәы макьана иҳаздыруам, аха иҭаҳҵааит

Соломко аспаржа аарыхразы: алҵшәас иаиуа атәы макьана иҳаздыруам, аха иҭаҳҵааит
Анапаҵаҩра
Yandex newsTelegram
Ақыҭанхамҩатә аалыҵ аарыхыҩцәа рассоциациа ахантәаҩы Денис Соломко арадио Sputnik аефир аҿы еиҭеиҳәеит аспаржа аиҭаҳара дшалагази ақыҭанхамҩатә аалыҵ Аԥсны аҩнуҵҟа аларҵәаразы иҟоу алшарақәеи ртәы.
Аԥсны аспаржа аазрыхуа аӡәгьы дыҟаӡам, уи иҿыцу культуроуп ҳара ҳзы, аха даара ихәарҭоу ак акәны иҟоуп ҳәа азгәеиҭеит аиҿцәажәараҿы Соломко.
"Шықәсык аԥхьа ҳалагеит аҭҵаара. Адгьыл алхра, акультура алхра, ианеиҿҳарԥш зегьы, иҳаӡбеит ҳалагап ҳәа. Аԥсны аспаржа аарыхра макьана аӡәгьы даҿым, культура ҿыцк аарыхра ахацыркра бзиоуп ҳәа азаҳаԥхьаӡеит. Ауаа ари аҵиаа иамоу абзиара зегьы еилыркаап ҳәа сгәы иаанагоит. Аԥсны иара усҟак иуԥылаӡом, адәқьанқәа рҿоуп иахьырҭиуа, ианаҳбалак, иааҳхәоит, ҳафатә иалаҳҵоит", - ҳәа иҳәеит Соломко.
Денис Соломко иазгәеиҭеит аҽаҩра ҩышықәса рышьҭахь шакәу ианыҟало, макьана заацәоуп алҵшәа атәы аҳәара, уажәазы аиҭаҳара ҳаҿуп ҳәа азгәеиҭеит иара.
Денис Соломко аиҿцәажәараҿы дазааҭгылеит Аԥсны аалыҵ аҭиира атәы, иҳәеит ахаангьы ауадаҩра шыҟамыз, иҟам амҽхак ауп ҳәа азгәеиҭеит иара. Атәылаҿы иҟаӡам иааидкыланы иааҳрыхуа зегьы мҩак иқәызҵо, иара убасгьы аарыхраҿы иаҭаху атехнологиа ҿыцқәа иҳәеит Соломко.
Аиҿцәажәара шәазыӡырҩыр шәылшоит арадио Sputnik Аԥсны аефир аҿы, мамзаргьы аудиофаил аҿы.
Ажәабжьқәа зегьы
0