Признание Сирией Абхазии - Sputnik Аҧсны, 1920, 28.10.2021
Аԥсны
Ажәабжьқәа Sputnik Аԥсны аҟны

Алиса Гыцба Актәи Жәларбжьаратәи ашәаҳәаратә еицлабра еиҿылкаауеит Аԥсны

Алиса Гицба - Sputnik Аҧсны, 1920, 30.04.2022
Анапаҵаҩра
Yandex newsTelegram
Аицлабра азырхоуп ашәаҳәаҩцәа ҿарацәа рзанааҭ аҿы рымҩа алхраҿы рыцхраара, ажиури иалоу ашәаҳәара аус иазҟазоу ауаа рҟынтәи абжьгара бзиақәа роура.
АҞӘА, мшаԥы 30 – Sputnik. Аоператә шәаҳәаҩы, Аԥсни Урыстәыла Зҽаԥсазтәыз рартистка Алиса Гыцба Аԥсны еиҿылкаауа Актәи Жәларбжьаратәи ашәаҳәаратә еицлабра мҩаԥысуеит 2022 шықәса жьҭаара 6-9 рзы. Абри атәы Гыцԥҳа лхаҭа еиҭалҳәеит арадио Sputnik аҿы.
"Хәышықәса раахыс сара Москва имҩаԥысуа жәларбжьаратәи ашәаҳәаратә еицлабра "World Music Heritage" ажиури салоуп. Уахь инеиуеит еиуеиԥшым ареспубликақәеи ақалақьқәеи рҟынтәи ашәаҳәаҩцәа ҿарацәа. Убри аицлаброуп сара агәаҳәара сызҭаз аиԥш зеиԥшу Аԥсны амҩаԥгаразы", - лҳәеит лара.
Гыцба еиҭалҳәеит ари агәҭакы ишадгылаз Аԥсны аиҳабыра, акультура аминистрра.
Раԥхьа ари аицлабра мшаԥымза анҵәамҭазы имҩаԥыргарц ргәы иҭан, аха апандемиа амшала уи жьҭаарамзахь ииаргарц рыӡбеит лҳәеит аоператә шәаҳәаҩы.
"Аицлабра ҩ-турк рыла ишьақәгылоуп, аҵыхәтәаны аицлабра алауреатцәеи ажиури алахәылацәеи ргала-концерт ҟалоит, Аԥснытәи аҳәынҭқарратә камертә оркестр алархәны, аҳәаанырцәынтәи амузыкантцәагьы ааԥхьаны", – ҳәа ҷыдарақәак дырзааҭгылеит аиҿкааҩ.
Выступление народной артистки Абхазии Алисы Гицба в Муроме - Sputnik Аҧсны, 1920, 05.12.2020
Геликон зыҩнаҭахаз: Аԥсны Жәлар рартистка Алиса Гыцԥҳа лымшира азгәалҭоит
Аицлабра алахәхаразы арзаҳалқәа хадырҭәаалар ҟалоит аицлабра аофициалтә саит аҟны.
Алауреатцәа рзы Геликон-опера анапхгара рыхьӡала иҷыдоу аҳамҭа ҟалоит лҳәеит Гыцԥҳа.

"Аицлабра рхы аладырхәыр рылшоит апрофессионалтә шәаҳәаҩцәа, амузыкатә ҵараиурҭақәеи еиуеиԥшым атәылақәа рҟынтәи иреиҳау амузыкатә ҵараиурҭақәеи рыстудентцәа, Аԥсныҟа иаар зҭаху зегьы уи азы алшара рымоуп, бзиала шәаабеит, шәбара ҳаигәырӷьоит", - лҳәеит Алиса Гыцба.

Аицлабраан ажиури алахәылацәа Иана Иванилова, Алисы Гыцба, Алексеи Еныкь , Максим Крылов, Сергеи Чечиотка рҟынтәи аҟазаратә классқәа ҟалоит.
Ажәабжьқәа зегьы
0