Микрофон  - Sputnik Аҧсны, 1920
Арадио

Раионк аԥсҭазаараҟынтә: Марыхәба аҿар рзы хәыда-ԥсада ашәа аҭаҩразы апроект алҵшәа атәы

Раионк аԥсҭазаараҟынтә: Марыхәба аҿар рзы хәыда-ԥсада ашәа анҵаразы апроект алҵшәа атәы
Анапаҵаҩра
Yandex newsTelegram
"Акультура аҿиара центр ПромоАрт" ахантәаҩы Абзагә Марыхәба арубрика "Раионк аԥсҭазаараҟынтә" аҳәаақәа ирҭагӡаны Аԥсны аҿар рзы хәыда-ԥсада ашәа аҭаҩреи аклип аҭыхреи хықәкыс измаз ипроект шхыркәшахаз атәы еиҭеиҳәеит.
60 музыкантцәа алшара роуит рыбжьы аҭаҩра, 35 композициа ҭаҩын апроект аҩнуҵҟа, иҭыхын 12 клип, еиҭа ԥшьба ҭаҳхраны ҳаҟоуп ҳәа азгәеиҭеит аиҿцәажәараҿы Марыхәба.
"Апроект мҩаԥысуан шықәсык аҩнуҵҟа. Иара еиднакылеит араионқәа зегьы. Гал араион аҿы апроект ибзианы ирыдыркылеит. Аинструменталтә гәыԥ "Скала" алархәны х-клипк ҭаҳхит. Даара ибзианы рхы аадырԥшит ахәыҷқәа. Егьырҭ араионқәа рҿы имҩаԥаҳгеит агәаҭарақәа, аҟыбаҩ ҷыда злоу ахәыҷқәа ралԥшааразы. Иҟоуп амузыка, ажәақәа зыҩуа аҿарацәа, урҭ ҳрыцхраауан. Ашәақәа анаҳҵон, анаҩс аклипқәа ҭаҳхуан. Анаҩс асоциалтә даҟьақәа рҿы иаҳкьыԥхьуан. Ауаҩы иоуан алшара ашәа аҭаҩра, аклип аҟаҵара, ибжьа аудиториа дырҳара", - ҳәа иҳәеит Марыхәба.
Абаҩхатәра злоу аҿар даара ирацәоуп ҳәа иҳәеит арадиофеир аҿы апроект автор. Ирацәоуп аҿар ашәа аҳәара зҭаху, аха алшра змам, ҳәа азгзәеиҭеит иара.
Аиҿцәажәара шәазыӡырҩыр шәылшоит арадио Sputnik Аԥсны аефир аҿы, мамзаргьы аудиофаил аҿы.
Ажәабжьқәа зегьы
0