Признание Сирией Абхазии - Sputnik Аҧсны, 1920, 28.10.2021
Аԥсны
Ажәабжьқәа Sputnik Аԥсны аҟны

Аслан Бжьаниа Абу-Иусуф Банов "Ахьӡ-Аԥша" аорден III аҩаӡара ианеишьеит

© Sputnik Администрация президента
Администрация президента  - Sputnik Аҧсны, 1920, 03.05.2022
Анапаҵаҩра
Yandex newsTelegram
Аԥсны Аџьынџьтәылатә еибашьра 1992-1993 шықәсқәа раан Абу-Иусуф Банов илагала дууп, иара убасгьы аибашьра ашьҭахьтәи аамаҭқәа рзы акыр ареспублика ацхыраара аиҭеит.
АҞӘА, лаҵара 3 – Sputnik. Аԥсны ахада Аслан Бжьаниа Абу-Иусуф Банов "Ахьӡ-Аԥша" аорден III аҩаӡара ианеишьеит 1992-1993 шықәсқәа раантәи Аԥсны Аџьынџьтәылатә еибашьраан илагалази Аԥсни Ҟарачы-Черқьесски рыбжьара аиҩызаратә еизыҟазаашьақәа рырӷәӷәараҿы ицхыраарази, активлатәи иуаажәларратә усурази ҳәа аанацҳауеит "Апсныпресс".

1992-1993 шықәсқәа раантәи Аԥсны Аџьынџьтәылатә еибашьраан Банов Аԥсныҟа 240-ҩык рҟынӡа хатәгәаԥхаралатәи аибашьцәа раашьҭара илиршеит, жәынтә Аԥсни Урыстәылеи Дамхәырцтәи акаҵәарала рҳәаа дахысны амца иалагылаз ареспубликахь дааит.

Уи адагьы Иреиҳаӡоу Асовет ахантәаҩы Владислав Арӡынба иҳәарыла Абу-Иусуф Банов Ҟарачы-Черқьесск аул Хабез аҟынтә агуманитартә еидара Аԥсныҟа аашьҭра еиҿикааит. Уахьынтәи 60 реис мҩаԥызгаз аверталиотқәа афатә, ахәшәқәа уҳәа Аԥсныҟа иааргеит, тҟәарчалынтәи иалыргон ихәызи ишьызи аибашьцәа.
Аибашьра ашьҭахь Банов Аԥсны ажәлар дышрыцхраац дрыцхраауан. Аԥсныҟа афатә-ажәтә аагара, Аԥсны ААР Амилициа ашкол ахыбреи аклассқәеи ркиҭашьақәыргылараз ацхыраара аиҭон, аԥснытәи аушьҭымҭацәа урыстәылатәи аҵараиурҭақәа рҭалара еиҿикаауан.
2005 -2008 шықәсқәа рзы Абу-Иусуф Банов Ҟарачы-Черқьесск ахада ихаҭарнакыс Аԥсны дыҟан.
Аиашьаратә жәларқәа реизааигәара иазырхоу иусуразы Банов "Агәымшәараз" амедали "Леон" иордени ианашьоуп.
Ажәабжьқәа зегьы
0