Микрофон  - Sputnik Аҧсны, 1920
Арадио

Гәынба ақыҭақәеи арионқәеи рҿы ихацыркхо апроеткқәа рзы: гәышьҭыхгахоит

Гәынба ақыҭақәеи арионқәеи рҿы ихацыркхо апроеткқәа рзы: гәышьҭыхгахоит
Анапаҵаҩра
НовостиTelegram
Акультура аминистрра аинтерес зҵоу апроектқәа хацнаркуеит, убри аан раионцыԥхьаӡа имҩаԥысуаз аконцертқәагьы ирыцҵахоит формат ҿыцла, абри атәы арадио Sputnik иазеиҭеиҳәеит, Акультура аминистрра иатәу акультуреи аҟазареи аҟәша аспециалист хада Адамыр Гәынба.
Ареспублика агастрольтә уснагӡа шьақәырӷәӷәоуп, инеиԥынкыланы раионцыԥхьаӡа имҩаԥысуаз аконцертқәа ирыцҵахоит сынтәагьы, аха уажәы аҭыԥантәи аколлективқәеи акультура аминистрра иаҵанакуа аколлективқәеи еилахәны иҟарҵалоит ҳәа азгәеиҭеит Гәынба арадиоефир аҿы.
Акультура аминистрра аспециалист хада иара убасгьы еиҭеиҳәеит, апроект "Алаф ашҭа" шеиҿкаахо атәы. Иазгәеиҭеит уи лымкаала ақыҭақәа рҿы ишымҩаԥгахо. Лаҵарамза 10 рзы Ҷлоу ихацыркхоит, хықәкысгьы иамоуп ақыҭауаа ргәы ашьҭахра ҳәа иҳәеит Гәынба.
Адырраҭара аҵыхәтәаны Адамыр Гәынба апроект "Алаф ашҭа" аҳәаақәа ирҭагӡаны еиқәиршәаз ипрограмма атәы дазааҭгылеит, пародиакгьы наигӡеит.
Аиҿцәажәара шәазыӡырҩыр шәылшоит арадио Sputnik Аԥсны аефир аҿы, мамзаргьы аудиофаил аҿы.
Ажәабжьқәа зегьы
0