Микрофон  - Sputnik Аҧсны, 1920
Арадио

Ашәба Баграт Шьынқәба ииубилеи азгәаҭаразы: имҽхак зеиԥшраз дырбара хықәкыс иамоуп

Ашәба Баграт Шьынқәба ииубилеи азы: имҽхак зеиԥшраз дырбара хықәкыс иамоуп
Анапаҵаҩра
Yandex newsTelegram
Аԥсны Жәлар рпоет Баграт Шьынқәба диижьҭеи 105 шықәса аҵра иазку аконференциа аиҿкаара шаԥшьгоу, ишеиҿкаахо атәы арадио Sputnik аефир аҟны еиҭеиҳәеит Аԥсуаҭҵааратә институт аиҳабы Арда Ашәба.
Акультура аминистрраҟны имҩаԥысит аминистр Даур Ақаҩба, Аԥсны Ашәҟәыҩҩцәа реидгыла ахантәаҩы Вахтанг Аԥҳазоу, Аԥсуаҭҵааратә институт аиҳабы Арда Ашәба, Б. Шьынқәба иҩны-амузеи аиҳабы Роберт Џьонуа злахәыз аиԥылара. Уи аҟны ирылацәажәеит Б. Шьынқәба ихьӡ зху I Жәларбжьаратәи аԥхьарақәа реиҿкаара азҵаара. Аконференциа азкуп Баграт Уасил-иԥа Шьынқәба диижьҭеи сынтәа 105 шықәса аҵра.
Аицәажәара шәаҳар шәылшоит аудиофаил аҟны хыхь.
Баграт Уасил-иԥа Шьынқәба - Аԥсны жәлар рпоет, Ҟабарда-Балкариеи Адыгатәылеи Жәлар рышәҟәыҩҩы, Аԥсны аҭҵаарадыррақәа Ракадемиа академик, аҵарауаҩ-абызшәаҭҵааҩы, афольклорист, аиҭагаҩ, Асоциалисттә џьа Афырхаҵа, еицырдыруа аҳәынҭқарратә усзуҩы, Д.И. Гәлиа ихьӡ зху Аԥсны Аҳәынҭқарратә премиа алауреат, "Ахьӡ-Аԥша" аорден I аҩаӡара занашьоу.
Ажәабжьқәа зегьы
0