Признание Сирией Абхазии - Sputnik Аҧсны, 1920, 28.10.2021
Аԥсны
Ажәабжьқәа Sputnik Аԥсны аҟны

Мшынла Аԥсныҟа: атуристтә катамаран "Грифон" Аҟәатәи абаӷәаза иаадгылеит

© Sputnik / Томас Тхайцук Пассажирский катамаран "Грифон"
Пассажирский катамаран Грифон - Sputnik Аҧсны, 1920, 07.05.2022
Анапаҵаҩра
Yandex newsTelegram
Есыҽны жьҭаара 1 аҟынӡа атуристтә катамаран "Грифон" Шәача-Аҟәа ибжьыслоит.
АҞӘА, лаҵара 7 - Sputnik, Бадраҟ Аҩӡба. Атуристтә катамаран "Грифон" жәҩык аԥсшьаҩцәа аманы Шәачантәи Аҟәатәи абаӷәаза иаадгылеит ахәаша лаҵара 6 азы.
"Сара исгәаԥхеит, атәарҭақәа маншәалоуп. Сгәы иаанагоит ари аҩыза ахырхарҭа уажәраанӡагь ибжьаҵатәын ҳәа. Ҳара иаҳҭахуп ақалақь ҳналс-аалсны иаҳбар, нас автобусла ҳхынҳәуеит Шәачаҟа. Сара Аԥсны саахьеит, аԥхын аҳәааҟны ауаа рацәаҩуп. Убри аҟнытә иманшәалоуп акатамаран ала арахь аара", - иҳәеит Шәачантәи иааз аԥсшьаҩы Андреи.
Аҳәынҭқарратә еилахәыра "Аԥсны амшынӷбарныҟәара" аиҳабы ихаҭыԥуаҩ Адамыр Габуниа иазгәеиҭеит ареисқәа хацыркхараны ишыҟаз лаҵара 1 инаркны, аха аҳауатә ҭагылазаашьақәа ирхырҟьаны аҿҳәара хәымш ишахыгаз.
"Ауснагӡатә ишарбоу ала, атуристтә катамаран Шәачатәи абаӷәазаҟынтәи иқәҵуеит ашьыжь асааҭ 09:00 рзы, Аҟәа иҟалоит 12:00 рзы. Араҟа иазгәаҭоуп Аԥсны аҳәынҭқарра аҳәаа ахысраҟны аҳазалхратә ҳәаахьчараҿ иаҭаху аусмҩаԥгатәқәа зегьы рынагӡара", - ҳәа азгәеиҭеит иара.
Аилахәыра "Водоходъ Экспресс" анапхгаҩы Михаил Антошин иҳәеит "Грифон" раԥхьатәи ареис ала Аԥсныҟа ишааз жәҩык аԥсшьаҩцәа.
"Амҩа х-сааҭк ҳақәхеит, изакәызаалак ԥырхагак ҳмоуӡакәан ишазԥхьагәаҭаз еиԥш зегь аус ауит. 2022 шықәсатәи аԥсшьараамҭаз есыҽны ҳабжьысып ҳәа ҳгәы иаанагоит", - иҳәеит Антошин.
Абилеҭқәа рҭиуеит Аҟәеи Шәачеи рымшынтә баӷәазақәа ркассақәа рҿы. Абилеҭ Шәачантәи Аҟәанӡа 2500 мааҭ иаԥсоуп, ахәыҷқәа рзы - 1500 мааҭ.
Иазгәаҭоуп атуристтә ӷба "Грифон" Шәачантәи Аҟәаҟа ишныҟәало есыҽны жьҭаара акы аҟынӡа. Аӷба 120-ҩык апассаџьырцәа рҭыԥ амоуп, бжьаратәла аццакра 24 ӷбаццакыра ыҟоуп. Агәаҭаратә реис иаанарԥшит аамҭала х-сааҭки 15 минуҭи амҩа ишықәхо.
Ашьыжь Шәача амшынбаӷәаза иадҵыз аӷба Аҟәа иааиуеит асааҭ 12:00 шыҟоу. Шәачаҟа ихынҳәуеит асааҭ 15:30 рзы.
Ажәабжьқәа зегьы
0