https://sputnik-abkhazia.info/20220508/givi-smyr-igalashara-iazku-rakhati-aarmyka-festival-aadyrtit-afon-yts-1039010541.html

Гиви Смыр игәалашәара иазку раԥхьатәи аџьармыкьа-фестиваль аадыртит Афон ҿыц

Гиви Смыр игәалашәара иазку раԥхьатәи аџьармыкьа-фестиваль аадыртит Афон ҿыц

Sputnik Аҧсны

Гиви Смыр ихьӡ зху акультуратә центр имҩаԥнаго ҩымштәи аџьармыкьа иалахәуп 50-ҩык аҟазацәа. 08.05.2022, Sputnik Аҧсны

2022-05-08T16:16+0300

2022-05-08T16:16+0300

2022-05-08T16:24+0300

аԥсны

ажәабжьқәа

ауаажәларра

акультура

https://cdnn1.img.sputnik-abkhazia.info/img/07e6/05/08/1039008786_0:85:1620:996_1920x0_80_0_0_11ae3fa8473d4f27f608d0a81e5e881f.jpg

АФОН ҾЫЦ, лаҵара 8 - Sputnik, Бадраҟ Аҩӡба. Леон иордени "Ахьӡ-Аԥша" II аҩаӡара аордени занашьоу аскульптор, асахьаҭыхҩы, Афонҿыцтәи аҳаԥы раԥхьаӡа иаазыртыз Гиви Смыр изку Аԥсны жәлар рнапҟазара раԥхьатәи аџьармыкьа-фестиваль аартын Афон ҿыц лаҵара 8 рзы.Аусмҩаԥгатә даҭааит Аԥсны ахада Аслан Бжьаниа, иара ицәыргаз анапкымҭақәа зегьы дрыхәаԥшит, анапҟазацәа драцәажәеит.Гиви Смыр иԥшәмаԥҳәыс Жаклин Чачибаиа еиҭалҳәеит иара есымша игәы ишыҵхоз аҟазауаа еизаны рнапкымҭақәа цәырыргар ахьрылшо Афон ҿыц абри аҩыза аҭыԥ еиҿкаазарц.Аџьармыкьаҿы ицәырган амҿлых, акыцлых, ахьымаҭәа, аԥсуа традициатә ҳәызбақәа уҳәа егьырҭгьы.Гиви Смыр диит лаҵара 9 1945 шықәса рзы Афон ҿыц ақалақь аҿы. 1961 шықәса рзы, 16 шықәса данырҭагылаз иара ихала "Аҵа змам аҭаҳара" ҳәа изышьҭаз акылҳара ду дҭаланы шахала длыбааит. Убас иаартын адунеи аҟны реиҳа идуу аҳаԥқәа рыбжьара аҩбатәи аҭыԥ аанызкыло Афонҿыцтәи аҳаԥы.Гиви Смыр иԥсҭазаара далҵит абҵара 18 2016 шықәса рзы.

https://sputnik-abkhazia.info/20200509/Nugzar-Logua-Givi-Smyr-izkny-agara-zlaz-asyua-khaan-dpatriot-duun-1030087051.html

2022

Ажәабжьқәа

ab_AB

ажәабжьқәа, ауаажәларра, акультура