Ситуация на границе Крыма с Украиной - Sputnik Аҧсны, 1920
Урыстәыла Донбасс имҩаԥнаго арратә операциа ҷыда
Урыстәыла Донбасс имҩаԥнагоит арратә операциа ҷыда, ДЖәРи ЛЖәРи иҟарҵаз аҳәарала. Владимир Путин Донецки Лугански жәлар рреспубликақәа рхьыԥшымра азхаиҵеит.

Адгьылбжьаха Змеиныи ампыҵахалараз аҽазышәарақәа раан украинатәи ар ацәыӡқәа аиуит

CC BY-SA 3.0 / Shao / Остров Змеиный
Остров Змеиный - Sputnik Аҧсны, 1920, 10.05.2022
Анапаҵаҩра
Yandex newsTelegram
АҞӘА, лаҵара 10 - Sputnik. Украинатәи ар аҵыхәтәантәи хымш рыҩнуҵаҟа адгьылбжьаха Змеиныи ампыҵахалараз аҽазышәарақәа раан ирыцәҭахеит 50-ҩык инреиҳаны аррамаҵурауаа, аԥырҩы дызҭам ахархәагақәа 30, авертолиотқәа 10, ԥшь-ҳаирпланк. Абри атәы ааицҳаит Атәылахьчара аминистрра ахаҭарнак ҷыда, аинрал-маиор Игор Конашенков.
Аџьынџьтәылатә еибашьра Ду Аиааира амшныҳәа аламҭалаз киевтәи арежим ирыдыркылаз адгьылбжьаха ампыҵахалараз аҽазышәарақәа, илыҵшәадахаз "акциа- аӡырга" ҳәа ахиҳәааит иара.

"Имҩаԥгаз авантиура Украиназ хлымӡаахла ихыркәшахеит. Аиааира Ду амшныҳәа аламҭалаз Киевтәи арежим хәыцрада ахымҩаԥгашьа адгьылбжьаха Змеиныи ампыҵахалараз аҽазышәарақәа раан иҭархан 50-ҩык инреиҳаны украинатәи аруааи, ԥшь-ҳаирпланки, авертолиотқәа 10, акатерқәа 3, аԥырҩы дызҭам ахархәагақәа 30", - ҳәа иҳәеит Конашенков.

Иара убасгьы иазгәеиҭеит, аԥырҩы дызҭам ахархәагақәа 9 ҭырқәтәылатәи "Баирактар-ТБ2" шракәу. Украина Атәылахьчара аминистрра иацәыӡит - абомбакажьгақәа Су-24 хԥа, аҳаирпланшәарыца Су-27 акы.
"Киев имҩаԥнагаз илыҵшәадахаз адгьылбжьаха Змеиныи ампыҵахалара ашьҭахь, адгьылбжьахаҿы иаанхеит 24-ҩык рыԥсыбаҩқәа", - ҳәа иҳәеит Конашенков.
Ажәабжьқәа зегьы
0