Украина зых иақәиҭтәу аҵакырақәа Урыстәыла еиҭашьақәнаргылоит ҳәа иҳәеит Хуснуллин

© Sputnik / Михаил Метцель/POOL / Афотобанк ахь аиасраВручение государственных наград Российской Федерации
Вручение государственных наград Российской Федерации - Sputnik Аҧсны, 1920, 19.05.2022
Анапаҵаҩра
Yandex newsTelegram
АҞӘА, лаҵара 19 - Sputnik. Украина зых иақәиҭтәу аҵакырақәа Урыстәыла еиҭашьақәнаргылоит иҳәеит Урыстәыла аԥыза-министр ихаҭыԥуаҩ Марат Хуснуллин.
Хуснуллин ахашаҽны Мелитопольҟа днеит ақалақь аекономика аиҭашьақәыргылара азҵаарақәеи Запорожтәи аобласти Урыстәылеи реинырреи ртәы далацәажәарц.
"Макьаназ зегь ныҭкааны исҳәом, аха аиҭашьақәыргыларатә усурақәа рымҩаԥгареи аԥара рзоужьреи рзы аӡбара ыҟоуп", - ҳәа аԥыза-министр ихаҭыԥуаҩ иажәақәа аанагоит РИА Новости.
Запорожиатәи аобласт ауааԥсыра лаҵарамзазы атәанчахәқәеи аулафахәқәеи мааҭла ироуа иалагоит. Маҷ маҷ урыстәылатәи амааҭ украинатәи агривна аԥсахуеит.
Запорожиатәи АЕС далацәажәо аԥыза-министр ихаҭыԥуаҩ иҳәеит аобиект аус шауло, аусурҭа ҭыԥқәа зегьы шеиқәырхахо, Урыстәыла Украина афымцамч азынашьҭра ишазыхио уи азы ахә ашәалозар.
"Атомтә енергиа – еиҳа зыхә лаҟәу енергиахкуп. Убри азы иара аҭиразы иарбанызаалак проблема ҟалаӡом" ҳәа иҳәеит иара.
Украина абџьархыхразы аоперациа ҷыда амҩаԥгараан урыстәылатәи ар Херсонтәи аобласти Азов иаԥну Запорожиатәи аобласти рхылаԥшра анапахьы иааганы арра-тәылауаҩратә хадарақәа аԥырҵеит. Херсонтәи аобласт иахьаҵанакуа аус руеит урыстәылатәи ателеканалқәа, арадио, Ҟрыми аобласти рыбжьара акоммуникациақәа еиҭашьақәдыргылоит. Лаҵарамзаахыс урыстәылатәи амааҭ ахь ииасит.
Ажәабжьқәа зегьы
0