Урыстәылатәи арҵәырақәа рекспорт аквотақәа ирыцырҵеит

© Sputnik / Михаил МордасовНа территории Новгородского комбината по производству минеральных удобрений ОАО "Акрон".
На территории Новгородского комбината по производству минеральных удобрений ОАО Акрон. - Sputnik Аҧсны, 1920, 01.06.2022
Анапаҵаҩра
Арҵәырақәа рекспорттә квотақәа рахь иаҵанакуам Аԥсны, Аахыҵ Уаԥстәыла, Донецки Лугански Рреспубликақәа.
АҞӘА, рашәара 1– Sputnik. Урыстәыла Аиҳабыра арҵәырақәа рекспорт аквотақәа ирыцырҵеит 2022 шықәса нҵәаанӡа ҳәа аанацҳауеит РИА Новости, Аминистрцәа реилазаара апресс-маҵзура адыррақәа шьаҭас иҟаҵаны.

"Аиҳабыра аӡбара рыдыркылеит азоттәии еилаԥсоу арҵәырақәеи рыквотақәа ирыцҵазарц 2022 шықәса ԥхынгәы 1 инаркны ԥхынҷкәын 31 рҟынӡа. Абри азы ақәҵара анапы аҵаҩхоит. Азоттә рҵәырақәа рыквота 8,3 миллион тонна, еилаԥсоу арҵәырақәа – 5,9 миллион тонна ҳәа иазгәаҭоуп", - аҳәоит адырраҭараҿы.

Арҭ ауснагӡатәқәа аҭахуп арҵәырақәа рааглыхыҩцәа ацхыраара рыҭаразы, аҩнуҵҟатә џьармыкьаҿ рацәак аҭахымхареи асанкциақәеи ирыхҟьаны рыуадаҩрақәа рхыхразы.
Убри аан аквотатә "ԥсшьарамшқәа" алагалахоит – рашәарамзазы арҵәыгақәа ралгара ԥкхом, атәылаҿ абри аамҭазы ҭахра дук ахьыҟам азы.
Евразиатәи аекономикатә еидгыла анҭыҵ арҵәырақәа ралгара аквотақәа 2021 шықәса ԥхынҷкәынмза алагамҭаз иалагалан, 2022 шықәса рашәарамза 31 рзы иаԥыххар акәын. Аквотақәа рыцҵара 2022-2023 шықәсқәа ҭагалантәи аусурақәа ҭышәындыртәалоит, атәыла афатәааглыхра шәарҭадан иҟарҵоит.
Ажәабжьқәа зегьы
0