https://sputnik-abkhazia.info/20220602/gdoua-araion-inkhoz-ayntylat-eibashra-du-aykhtanti-aveteran-isazaara-dalit-1039358663.html
Гәдоуҭа араион инхоз Аџьынџьтәылатә еибашьра Ду аҵыхәтәантәи аветеран иԥсҭазаара далҵит
Гәдоуҭа араион инхоз Аџьынџьтәылатә еибашьра Ду аҵыхәтәантәи аветеран иԥсҭазаара далҵит
Sputnik Аҧсны
Аҩбатәи Адунеизегьтәи аибашьраан Асовет Еидгылаз еибашьуаз Рубен Керопиан Приморск ақыҭан лаҵара 31 азы анышә дамардеит. 02.06.2022, Sputnik Аҧсны
2022-06-02T17:08+0300
2022-06-02T17:08+0300
2022-06-02T17:58+0300
аԥсны
ажәабжьқәа
гәдоуҭа араион
аиааира ду ҳзаазгаз
https://cdnn1.img.sputnik-abkhazia.info/img/07e6/05/09/1039022631_0:0:1280:721_1920x0_80_0_0_12fdb9f5d0125061a63aa5f03260d045.jpg
АҞӘА, рашәара 2 – Sputnik, Бадри Есиава. Гәдоуҭа араион аҟны Аџьынџьтәылатә еибашьра Ду аветеранцәа рҟынтәи зыԥсы ҭаны иаанхаз Рубен Керопиан иԥсҭазаара дшалҵыз Sputnik иазеиҭалҳәеит иԥҳа Светлана Керопиан.Лара лажәақәа рыла лаҵара 28 азы лаб деиҭашәеит, ацхыраара ласы иаԥхьеит. Аҟәатәи ақалақьтә хәшәтәырҭаҿы Керопиан аинфаркт имоуп рҳәеит. Хара имгакәангьы иԥсҭазаара далҵит. Рубен Керопиа 1941-1945 шықәсқәа рылацәажәаран бзиа ибомызт. Аха лаҵара 9 азы асасцәа, ачынуаа аниҭаауаз ҭоурыхқәак дрылацәажәалон.Светлана илҳәеит лаб аибашьраҿы иҟасҵаз-изуз ҳәа ахаангьы дшаламҽхәоз.Лаҵара 9 азы Аԥсны иазгәарҭеит Аиааира Ду иазкыз аныҳәа, Рубен Керопиан Гәдоуҭа иҿымцәаауа амца аиркит.Приморск ақыҭа ахада Алиас Габуниа ишиҳәаз ала аветеран иқәра иахьмырԥшыкәа имч-илша ыҟан.Рубен Керопиан амемориал ааигәара еиҵырхыз аишәачараҿ аныҳәаҿақәа шьҭихит ҳәа иажәабжь иациҵеит ақыҭа ахада."Ас иаалырҟьаны идунеи иԥсахып ҳәа аӡәгьы дыҟамызт. Сгәанала иԥа иԥсра ишьапы дықәнаҟьеит. Игәырҩа даара ихьанҭаны ихигон", - иҳәеит Габуниа.Иара убасгьы иазгәеиҭеит Керопиан аибашьра алацәажәара бзиа ишимбоз, аха аҿар ма Аиааира амш азы иҭаауаз аниҳәалак ишигәалаиршәоз.Иҭоурыхқәа алаф аҵаҵаны акәын ишиҳәоз."Дахыччан иҳәон алемсаа асабшеи амҽышеи ԥсшьарамшны ишыршьоз. Асовет солдаҭцәа уи рхы иархәаны ишжәылалоз", - иҳәоит иара.Рубен Керопиан диит жәабран 23 1925 шықәсазы Аԥснытәи АССР, Гәдоуҭа араион Приморск ақыҭан.1944 шықәсазы Керопиан еибашьра дцоит, Асовет ар дрылан машьынарныҟәцаҩыс дыҟан. Актәи Белоруссиатәи афронт даланы Польшанӡа днаӡеит. Дхәын. Анаҩс аҩныҟа доурышьҭит.Рубен Керопиан ианашьоуп Аџьынџьтәылатә еибашьра аорден II аҩаӡареи "Германиа аиааирази" амедали.
https://sputnik-abkhazia.info/20220509/ayntylat-eibashra-du-aveteran--gdoua-iymtsaaua-amtsa-airkit-1039022390.html
гәдоуҭа араион
Sputnik Аҧсны
media@sputniknews.com
+74956456601
MIA „Rossiya Segodnya“
2022
Sputnik Аҧсны
media@sputniknews.com
+74956456601
MIA „Rossiya Segodnya“
Ажәабжьқәа
ab_AB
Sputnik Аҧсны
media@sputniknews.com
+74956456601
MIA „Rossiya Segodnya“
Sputnik Аҧсны
media@sputniknews.com
+74956456601
MIA „Rossiya Segodnya“
ажәабжьқәа, гәдоуҭа араион, аиааира ду ҳзаазгаз
ажәабжьқәа, гәдоуҭа араион, аиааира ду ҳзаазгаз
Гәдоуҭа араион инхоз Аџьынџьтәылатә еибашьра Ду аҵыхәтәантәи аветеран иԥсҭазаара далҵит
17:08 02.06.2022 (ирҿыцуп: 17:58 02.06.2022) Аҩбатәи Адунеизегьтәи аибашьраан Асовет Еидгылаз еибашьуаз Рубен Керопиан Приморск ақыҭан лаҵара 31 азы анышә дамардеит.
АҞӘА, рашәара 2 – Sputnik, Бадри Есиава. Гәдоуҭа араион аҟны Аџьынџьтәылатә еибашьра Ду аветеранцәа рҟынтәи зыԥсы ҭаны иаанхаз Рубен Керопиан иԥсҭазаара дшалҵыз Sputnik иазеиҭалҳәеит иԥҳа Светлана Керопиан.
Лара лажәақәа рыла лаҵара 28 азы лаб деиҭашәеит, ацхыраара ласы иаԥхьеит. Аҟәатәи ақалақьтә хәшәтәырҭаҿы Керопиан аинфаркт имоуп рҳәеит. Хара имгакәангьы иԥсҭазаара далҵит.
"Саб зегьы бзиа дырбон. Ҳгәылацәа "Дхьуп" ҳәа ишьҭан. Еснагь алаф иҳәон, зегьы дрыцхраауан. 97 шықәса шихыҵуазгьы еснагь акы даҿын. Бжьымз раԥхьа иԥа дыԥсит. Уи ҳәарада дыҵнашәааит. Иҟалон иҵегь днеиргьы аха…", - лҳәеит лара.
Рубен Керопиа 1941-1945 шықәсқәа рылацәажәаран бзиа ибомызт. Аха лаҵара 9 азы асасцәа, ачынуаа аниҭаауаз ҭоурыхқәак дрылацәажәалон.
Светлана илҳәеит лаб аибашьраҿы иҟасҵаз-изуз ҳәа ахаангьы дшаламҽхәоз.
Лаҵара 9 азы Аԥсны иазгәарҭеит Аиааира Ду иазкыз аныҳәа, Рубен Керопиан Гәдоуҭа иҿымцәаауа амца аиркит.
Приморск ақыҭа ахада Алиас Габуниа ишиҳәаз ала аветеран иқәра иахьмырԥшыкәа имч-илша ыҟан.
"Аиааира Амшныҳәа азгәаҭаразы Гәдоуҭаҟа ҳҽеибаркны ҳцеит. Рубен Захар-иԥа еишьҭагылаз раԥхьа дгыланы араион ахадараҟынтә иҭахаз рбаҟа аҟынӡа днеит. Амашьына ақәтәара мап ацәикит. Иҳәеит есыҽны ҩ-километрк шьапыла дышныҟәо, иара изы ишыуадаҩым. Иҿымцәаауа амца аҟәырҷаха аиркит, дагьыкәашеит", - ҳәа еиҭеиҳәеит Габуниа.
Рубен Керопиан амемориал ааигәара еиҵырхыз аишәачараҿ аныҳәаҿақәа шьҭихит ҳәа иажәабжь иациҵеит ақыҭа ахада.
"Ас иаалырҟьаны идунеи иԥсахып ҳәа аӡәгьы дыҟамызт. Сгәанала иԥа иԥсра ишьапы дықәнаҟьеит. Игәырҩа даара ихьанҭаны ихигон", - иҳәеит Габуниа.
Иара убасгьы иазгәеиҭеит Керопиан аибашьра алацәажәара бзиа ишимбоз, аха аҿар ма Аиааира амш азы иҭаауаз аниҳәалак ишигәалаиршәоз.
Иҭоурыхқәа алаф аҵаҵаны акәын ишиҳәоз.
"Дахыччан иҳәон алемсаа асабшеи амҽышеи ԥсшьарамшны ишыршьоз. Асовет солдаҭцәа уи рхы иархәаны ишжәылалоз", - иҳәоит иара.
Рубен Керопиан диит жәабран 23 1925 шықәсазы Аԥснытәи АССР, Гәдоуҭа араион Приморск ақыҭан.
1944 шықәсазы Керопиан еибашьра дцоит, Асовет ар дрылан машьынарныҟәцаҩыс дыҟан. Актәи Белоруссиатәи афронт даланы Польшанӡа днаӡеит. Дхәын. Анаҩс аҩныҟа доурышьҭит.
Рубен Керопиан ианашьоуп Аџьынџьтәылатә еибашьра аорден II аҩаӡареи "Германиа аиааирази" амедали.
