Признание Сирией Абхазии - Sputnik Аҧсны, 1920, 28.10.2021
Аԥсны
Ажәабжьқәа Sputnik Аԥсны аҟны

Аҟәатәи аолимпиатә бассеин аусура иалагоит рашәарамза аҽеиҩшамҭазы

© Sputnik / Томас Тхайцук Сухумский бассейн
Сухумский бассейн  - Sputnik Аҧсны, 1920, 09.06.2022
Анапаҵаҩра
Yandex newsTelegram
Аҟәатәи аолимпиатә бассеин аус аулоит аԥхаррақәа раан, аӡы амра ианарԥхо. Аӡынра аӡы арԥхаразы амаругақәа макьана иҟаӡам, избанзар уи фымцала макьана еиқәыршәаӡам.
АҞӘА, рашәара 9 – Sputnik. Аҟәатәи аолимпиатә бассеин аусура иалагоит рашәарамза аҽеиҩшамҭазы, абри атәы арадио Sputnik иазеиҭеиҳәеит афирма "Аквастройинвест" адиректор хада Олег Иурченко.
Ихадоу аиҭашьақәыргыларатә усурақәа зегьы нагӡоуп, уажәы аӡы анашьҭра-алашьҭразы амаругақәа ирзыԥшуп.
"Аусурақәа рхыркәшара ҳаҿуп. Ариабжьарак Урыстәылантәи аӡы анашьҭра-алашьҭразы амаругақәа ҳарзыԥшуп. Ишааилак еиԥш ҩымш-хымш рыла еиқәыршәаны аусура иалаҳаргоит. Аӡы аԥхарра бзиоуп, иахьа 23 градус иҟоуп. Амашьына ааиаанӡагьы 24-25 градус иҟалап", - иҳәеит Иурченко.
Абассеин иҭоу ӡымшьоуп, уи зрыцқьо асистемагьы ыҟоуп.
Аҟәатәи аолимпиатә бассеин аус аулоит аԥхаррақәа раан, аӡы амра ианарԥхо. Аӡынра аӡы арԥхаразы амаругақәа макьана иҟаӡам, избанзар уи фымцала макьана еиқәыршәаӡам. Иурченко иажәақәа рыла, уи аҟаҵаразы иҭацәу амчхарақәа ыҟаӡам.
Абассеин аҭааразы амедицинатә шәҟәқәа ҳәа акгьы аҭахӡам, аха аҭыԥ аҿы амедусзуҩ аус иулоит. Абассеин ахлор ала идрыцқьоит.
Ахәыҷқәеи адуцәеи рзы хаз игоу аҭыԥқәа еиҿкаауп. Абассеин аҭааразы аԥара шәатәуп, аха аспорттә секциақәа рахь иныҟәо рзы уи хәыда-ԥсадахоит. Иазԥхьагәаҭоуп аибашьра аинвалидцәеи алахәылацәеи, иара убас Аԥсны ауааԥсыреи рзы ахәларҟәрақәа.
"Хымԥада, абассеин аҭааразы аԥара шәатәхоит, избанзар абассеин ныҟәгатәуп. Мызкахьы 150 нызқь мааҭ аӡы арыцқьара иақәхарџьтәуп, ауалафахәи даҽа ныхтәқәаки рыӡбахә сҳәом", - иҳәеит Иурченко.
Абассеин аштат аҿы дыҟам аӡсашьа дзырҵо аинструктор. Аха изҭаху алшара рымоуп хазы аԥара шәаны аҟазауаҩ идҵааларц.
Аҟәатәи аолимпиатә аӡсаратә комплекс аргылара иалагеит 1968 шықәсазы, иаартын 1980 шықәсазы Москва имҩаԥысуаз Аолимпиада аламҭалаз. Иара жәларбжьаратәи астандартқәа ирықәшәо еиҿкаан: аҵаулара– 2,25 метра, аҭбаара – 20 метра, аура – 50 метра иҟан. 360-ҩык ахәаԥшыҩцәа рҭыԥ аман.
Аибашьраан аӡҭарчы ааха ӷәӷәа аиуит.
Аҟәатәи аӡҭарчы 2007 шықәсазы ақалақь ахадара қьырала ЗҲәА "Аквастройинвест" ианаҭеит. Уи арҽеира-аиҭашьақәыргыларатә усурақәа ирылагеит. Абри аамҭала ажәытә комплекс ықәгоуп, адренажтә трубақәа шьҭаҵоуп, иргылоуп аӡыҭгагақәеи аӡрыцқьагақәеи, ишьақәыргылоуп аҽыкәабарҭақәеи аҽеилаҳәарҭақәеи атрибунақәеи.
Ажәабжьқәа зегьы
0