Признание Сирией Абхазии - Sputnik Аҧсны, 1920, 28.10.2021
Аԥсны
Ажәабжьқәа Sputnik Аԥсны аҟны

Ахашшааратә коллегиа Аԥсны уаанӡатәи акультура аминистр дшыбаандаҩу дааннажьит

© Sputnik / Томас Тхайцук Судебный молоток
Судебный молоток  - Sputnik Аҧсны, 1920, 24.06.2022
Анапаҵаҩра
Yandex newsTelegram
Аԥсны уаанӡатәи акультура аминистр Гәдиса Агрба харас идырҵоит аҳәынҭқарратә мазара аӷьычреи аимҵәареи. Иара даанкылан мшаԥы 26 рзы.
АҞӘА, рашәара 24 – Sputnik. Аԥсны Иреиҳаӡоу аӡбарҭа Ахашшааратә коллегиа Аԥсны уаанӡатәи акультура аминистр Гәдиса Агрба идукат аҩнытә баандаҩрахь диагазарц изыҳәа иақәшаҳаҭымхакәа дшыбаандаҩу дааннажьит. Абри атәы Sputnik иазеиҭарҳәеит Аԥсны Апрокуратура хадаҿы.

Аҟәатәи ақалақьтә ӡбарҭа рашәара 16 рзы Гәдиса Агрба ибаандаҩра аҿҳәара даҽа ҩымз, нанҳәамза 19 2022 шықәсанӡа иацнаҵеит. Агрба ихьчаҩцәа ари иахашшааит. Ахашшааратә коллегиа азыҳәа иахәаԥшит рашәара 23 рзы.

"Ахашшааратә зыҳәа иахәаԥшын аӡбаҩ Екатерина Онишьенко лхантәаҩрала. Аӡбаратә еилазаара иалахәын аӡбаҩцәа Ҭемыр Шьониеи Мимоза Ҵышәԥҳа. Азыҳәа мап ацәкын аӡбаҩ Ҭемыр Шьониа игәаанагара ҷыда инақәыршәаны", - ҳәа азгәарҭоит Апрокуратура хадаҿы.
Абас ала, уаанӡатәи акультура аминистр Гәдиса Агрба дшыбаандаҩу даанхоит нанҳәа 19 рҟынӡа.
Судейский молоток  - Sputnik Аҧсны, 1920, 19.06.2022
Аԥсны
Аҟәатәи ақалақьтә ӡбарҭа Аԥсны уаанӡатәи акультура аминистр дшыбаандаҩыц дааннажьит
Гәдиса Агрба Аԥсны Акультура аминистрс дыҟан 2020 шықәса рашәарамза инаркны 2022 шықәса жәабранмзанӡа.
Мшаԥымза 20 рзы иара даанкылан имаҵураҭыԥ ихы иархәаны аҳәынҭқарратә мазара мҽхакы ҭбаала еимҵәаны ихатәитәит ҳәа. Иҟаиҵаз аԥхасҭа 14,3 миллион мааҭ артәеит ҳәа иазыԥхьаӡоуп.
Абри аус ала ацәгьоура дацхраауан ҳәа гәҩарас дҟаҵоуп Надир Џьинал. Апрокуратура хада адыррақәа рыла, Агрбеи Џьинали еицәажәаны алашареи абжьи рзы амаругақәа хәы ҳаракыла раагаразы ацәгьоуратә еиқәшаҳаҭра рыбжьарҵеит. Надир Џьинал аҩнытә баандаҩраҿы дыҟазаауеит нанҳәа 19 рҟынӡа.
Гудиса Агрба - Sputnik Аҧсны, 1920, 20.04.2022
Аԥсны
Уаанӡатәи акультура аминистр Гәдиса Агрба даанкылоуп аԥара иӷьычит ҳәа гәҩарас дҟаҵаны
Ажәабжьқәа зегьы
0